-------------------------------------------------------------------------- | Add your name to the CLEAN GOA INITIATIVE | | | | by visiting this link and following the instructions therein | | | | http://shire.symonds.net/pipermail/goanet/2005-October/033926.html | -------------------------------------------------------------------------- Kallukant Dovorchem Nhoi
Halinch hanvem My Wifes Murder hindi film pollelam. Hea filmachi khota oxi. Gorkarn, aplea innocent ghovak dubhavachea nodren polleta ani aillea disa ghorkara thaim kizilam korta. Offisantlea sekretarik gheun bhonvta, nachta osle arop ghalta. Ghovak rag ieta. Ticher nibran tapot marta ani tea tapta barobor sokoll poddtana tichi tokhli khattir aptovta ani thoisoruch ticho jiv veta Hem mornn aksidentant ghoddtta khorem tori pulis khunnacho xiko marta. Tem koxem tem zanam zavpak zonn eklean hem film pollelear borem zatlem. Tea mhonnosor hanv ek lhanxi gozal kortam. Keddnai amchea kazari jivitant dubhavachem patok ubzovlem zalear ami koxe toren tabo (control) dovorunk zai .? Vach fuddem Novinch kazari vhokol-noureak hanga-thoim xezareamger, soirim, mitramgher jevnnachim amontronam astat vo porkodunk vortat. Mhakai bhi, hanv novoch kazar zallom tedna oxech toren eke sanjer xezarchea vaddeantlea ixttan amontron ditana amchea adle ixtt-ixttinnink tannem zomoilim. Thoim chodd promanan pieop, khavop, nachop, fokannam zalea uprant hanv ani mageli sundori ghora portolim. Tum itlo pieta mhonn hanv nokom aslim, magelea paieamchea mei-moche kaddtana sundoren mhonnlem. Polle, amchea lognank dha dis sompleat. Hea dha disam modim disantlean ek vo don bieram gonttleant. Aichea party-k illem odik pottant jiroilem zalear mhaka bebddo koso tharavcho nhoi. Khup tempan ixtt-ixttinio mevlelean hanvem umedhir ghoddie subeij ghetlam asot. Monxean social drink korchem nhoi mhunn oxem hanv sangunk sodinam. Monis pielo mhonntoch, menddu oskot zata. To kitem uloita ani koxo vagtta ti takach khobor asonam. Punn hanv, mhojea bhannar (sintidar) aslom. Hanvem konnacheoch moskoreo kelo nant nhoi mhonn kuleak chimptte kaddunk nant. Dadlo monis pielo mhonntoch thoddeo pavtti ostoreo tancho faido ghetat Come on honey, What the hell are you talking? Mhojea khas dolleanim pollelam. Tujea thaim kosle nokre kortalem poi tem. Tum konnachi khobor kortai? Irvea rongacho blouse nhesslele choliechi khobor kortam hanv. Tujea morean porporot ievn, hoddddem bhagoun, voile bhag purai dakhoun tuka vichartalem. Tujo pump boro asa mure? Atam tori sarko cholta mu? Hi kosli ollxig? Oh no, mhojea tokhler hat marun hanvem mhonnlem. Mhaka kallukant kiteak dovorlem? Mhojea xivai, hea adim konnachoch mog korunk na mhunn sangpak, tuka fottingponn ailem koxem? Tichea vicharan ek Inglix mhonnnichi iad aili. A stitch in time saves nine. Mhojea vixim dubhavachem chitr chitarunk laglelean ani taka rong divnchea adinch mhojem nixpap (innocent) tichea samkara zagounk zai aslem. Pettleli kit mullakuch palloili na zalear vorixtt ujea agtem zait mhunn bhirant asli. Kitem sangttam tem aikun ghe. Mhojem somplea uprantuch, tuka kitem vicharpachem asa tem vichar, hanvem thoddem bhov somzikaieachea avazan mhonnlem ani fuddem uloilom. Bebbeapadd vaddeantli choli ti. Tichem nanv Rita. Metric sompoilea uprant ti Vasco sut-xivoll (tailoring) xikunk vetali ani dispotti (daily) sanjechea so horamcher relvgadhien Mazoddddechea revl thanar dhenvun pondra minutanchi vatt chollun ghora vettali. Novich saikoll ti mhoji. Tinnem ekuch pavtti mhojea saikolir boschem oxem mhaka distalem, ani heach khatir keddnai-keddnai hanv Mazodddechea bazarant vetalom. Punn ti konnachech saikolir bosunk toear nasli. Ti khub sobit distali Rita-geli suropaechi vakhanni keli mhonn, mhoje sundoren laginch aslea arxean nodor ghali. Tigelo sobhov sangtalo, meim bhi sundor hum Somplem tujem? Hanv ogoch asa to pollevn tinnem vicharlem. Na. Fuddem aik. Ek dis saikolichi kapin vazit ani tika hello korit tichea samkara vellean vetana, okosmat apleak saikolir bosoun ghora pavounk tinnem poratlem. Tea vellar hanv khub khos zalom. Sanjecho, ostomti vatten poddchelo suria tea vellar udenti islean uddeta kai diso. Kranch korun saikolicho break damlo ani saikoll ubi keli. Tika saikolichea dandear bosoili ani hanv saikolichea sitar bosun peddalam marunk vetalom, itlean saikolichea fuddlea tubantlean fusssssss korun varo gelo. Khoimchea vellar saikolin trasant ghalo kai mhunn monantlea monant saikolik xirap ghale. Mhaka loz zali. Varo borcho saikolicho pump ghevn tubant varo borunk iont kortanam thoimsor, voilea vaddeantlo Gabru pavon sorlo. Ritak, takhtinuch ghora pavunk zai aslelean tinnem Gabru thaim upkar maglo ani tachea saikolir bosun mhonnlem varo ghalta to, pump chollta mure? ani tea disa savn chedde-cheddvam, lhan toxim vhodd muninastanam mhaka challoitalim ani kedov mhoji ixttin, Glenny-n adli iad keli ani tum tika .. Mhoji ghoxtt aikun ghetlea uprant mhoje sundorek hanschem vo roddchem te kollle na. Hanv sapuch tuka dubhavlim ani tujea ixttinniche vaitt chintlem. I am extremely sorry, Ku-ku-ku hasun tinnem mhonnlem ani mhaka ghott veng marli. Ani ti veng punchure zav meren koxich soddli na. Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________ Yahoo! Mail - PC Magazine Editors' Choice 2005 http://mail.yahoo.com