-------------------------------------------------------------------------- | Goa - 2005 Santosh Trophy Champions | | | | Support Soccer Activities at the grassroots in our villages | | Vacationing in Goa this year-end - Carry and distribute Soccer Balls | -------------------------------------------------------------------------- Nivar Saiba, Bailanchea Hatantle
Muna Al-Fuzai-an KUWAIT TIMES Inglish disalear khore ghoddnnecher boroilolo ek lekh A couples wrestling: Live show in market, hanvem mon laun vachlo. Thoddeach utramni, tumchea nodrek haddun dislam. Kuwait-chea, Fahad Al-Salem Street, 'parking lot'-an ek ghirest jodi unch mollache kopdde nhesun, novi korkorit (brand new) jeep-int, eka-mekacher purai 'dictionary'-nt ollxig utram mellttat tim ucharun mottean boballtalim. Tanchem 'free-for-all' vichitr zhogddem lok tottakun polletalo. Okosmat dadleacho sobhav ragabhorit zavn uzzot kortele bailecher ek nibor thapott marlem ani tika dhuklun jeep-intli bhair udoili. Bailechea mendvant ragachem rogot khotkhotlem ani soroll dadleaxim vochun thambom nastanam kanam sokoll sonsonnit thaptancho pavs vhotoitana vhodd nakxeanim tache polle pinzle. Oddem hor tanchem kestanv chollem. Ani xevottak? Bailen aple kens nittaer ghale ani kainch zavnk naslelea porim dogaim jeep-in bosun thoimsorlim koddsorlim. Zhogddeachem karan mat kolllem na. Hi jodi Afrikan-Arab desantli zavn asa. Mhoji xiddkavnni: Dadlean, vhodd nakxeo aslelea baile thaim zhogoddtanam aple polle bore toren samballche. Voili gozal vachlea uprant dadleam von thoddeo baileo zhogddunk ekdom koddok asat mhonn atam thavem zalam. Orxim ghorchem kestanv ghora vonoti bhitoruch sompunk zai aslem ani nhoi ugttea mollar. Punn thoddeo ostoreo toxem korunk dinant vo aplea dadleak somzun ghenant. Kenna-kenna bailechem xime bhair vota tenna dadleak binakaran hat ukhollcho poddtta. Sonvsarachea kan-kanxanim dadlo monis bailecher mannsuke bhaile otteachar (atrocities) ani oneai choloita, punn voili gozal mat dusri bazu gheta, mhonnnchem; bail monis dadleachea thapttachi zobordosden ek sarkeli zap dita ani tivui ugttea moidannar. AMCHEA GOEANT: Khup khepek ghov-bailanchim kestanvam, bhorlelea bazarant zalelim hanvem polleleant. Soro pievn bebddikai kortelea ghorkarak, ganvchea sorea bar-an pozddea utranim hinsaitat tosleo-i baileo mhojea nodrek gheleat. Bar-an bhitor sorun ghovachi izzot kaddpi baileo amchea Goeant unneo nant. Loka samkara ghovachem nanv lojechea killeak oxe toren lamboitat.. Barranv-am, tum ghora ieo. Ekuch thapott marun soro jiroitam Mog kornaranchem kestavam bhouxik suvantancher zalelim, tivuim hanvem polleleant. Ek pavtti oxem ghoddlem. Aplo mogi vo fuddaracho poti duesreachea sangatak aslolo pollevn cheddvachea oxir bezeak tidhok choddli ani vichar-pachar korinastana boballunk laglem. Ragachea barar cheddvan mann moriada dovorinastana uloilem tem, bhorlelea tintear lokan aikolem ani aploch abru varear ghalo. Ragan paim apttit xevttun vhetanam boddboddlem Paik sangun tuk kit tem dakhoitam. Eksurea zagear borea utramnim noureak somzailolo tor ghoddie to aikun ghetolo aslo. Dha zanna samkhara opman kelo zalear khoimcho monis ogo ravot? Mog kortat tedna mat paichi porvongi ghetli na asteli. Nourean purai kuddichea sandeank pagger marlam ani atam paik sangun dakhoichem kitem tori urlam kai? Argam Devak. Survatekuch hanvem khorem kumsar mhoje sundorexim kelem mhonn. Atam mhojean meklleponnan 'censor' nastanam ulounk zata. Mhoje tornne piraer, premi pustokar apptttololea cholianchi volleri tichea samkhara haddun Banaras, Ganga nodhichea povitr udkan hanv nitoll zallea vorim mhaka dislam. Ani heach khatir tinnem mhaka, aplea kallzachea altarar bhagivontancho zago dila. Kitem hansta papia? Kallzachea altarar bosoilo mhunn hansunk ailem? Bailechea nodre samkara khala poddchea adim kazara adlo mog azun jivo dovorla zalear upkar korun to visor ani ghorkannink visvaxea pinjrean ghe. Favo nhoi tea vellar adlem mogi bazarant vo tiatrachea mattvant vo nachachea hollant somoz gavlem ani chukun fattlem mogachem pustok baile mhoreant ugoddlem tor, tenna mat baileche jibek tabo aschona. Zori bail renderachi dhuv asli zalear: Ieo ghora. Maddache poiek chhev ghalltat toxim ghaltam Mhojea adim ekdom tazim pamlitam khaileant kitem? Dusre khepek tika zap dilear nustem sutti kortat toxim kortelim ani chirun mitth bhortelim Nustekannichem cheddum bhirant ghaltelem. Kitlea zonnachem pitt mollunk huxear aslo tum? Fenner naslele undde azun bore asat? Poderachi dhuv vicharteli Chukun porian ticher porot dixtt ghalear reddeak mellxittat te toren mellxitelim Zottkaxi-xettkamteachi dhuv xiddkavnni diteli. Anikui udharonam asat. Tanchi volleri hangasor sompchinant. Punn ekuch nimnne sangtam. 'Karate' khellunk zanna aslele bailecho ghov zalear, tujem 'life insurance' ani haddachea hospitalant nanv boroun dovorunk mat visrum naka!!! Lino B. Dourado. http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com ----------------------------------------------------------------------- * G * O * A * N * E * T *** C * L * A * S * S * I * F * I * E * D * S * ----------------------------------------------------------------------- Spread the Christmas cheer - even when you're not here! Send Christmas Greetings to your loved ones in Goa. 2005 Christmas Package - Flowers, Bubbles and Layers of Love. http://www.goa-world.com/expressions/xmas/ -----------------------------------------------------------------------