-------------------------------------------------------------------------- | Add your name to the CLEAN GOA INITIATIVE | | | | by visiting this link and following the instructions therein | | | | http://shire.symonds.net/pipermail/goanet/2005-October/033926.html | -------------------------------------------------------------------------- Sorg ani Nork Hangach Asa?
Monis zolm gheta tedna roddun ieta ani xevottacho vell pavlo mhonn kollna fuddem tednai roddunk lagta. Ektthaim kel'lo duddu, girestkai soddun vechem poddtta mhonn monis roddtta. Thodde monis aplea jivitan keddna-i tori khuxeal zaun hansle zalear tannim il'lexem igorjek dan diun tintear vochun poki bodhai martat tednach hansleat. Osle mon'xeank sorg ani nork sovnsarantuch asa mhonn koxem kollchem? Mellea uprant amche atmeank jivontponn asa oxem Jezu Kristachem jivit ani mornn amkam xikoita. Ani hech khatir mornna uprant jivit asa mhonn Kristi somaz sotmandta. Dusre dhorm asat. Mornna uprant punorzolm (rebirth) asa mhonn te somzotat. Sompun gel'li monis pranni porot dusre kodden zolm gheta ani ti novem jivit jieta. Oxem tor, hixeob titloch uronk zai aslo nhoi? Mhonnchem dha mele, dha porte punorzolm gevop. Itli losonkhea (population) vhaddtta koxi? Mornam uprant atmeank sorg vo nork (hell) asa hi kolpona fokot Kristi lokam modim nhoi. Ho somoz adlea itihasantle (ancient history) loka meren thavn aila. Tuka dista sorg asa mhonn zalear tum morunk kiteak bhieta? Hanv tor khuxi mhojea Sonvondarak mellunk. Tannem mhaka rochlo ani Tachea sovem vochunk mhaka anond bhogtta. Tannem monis prannink dull matiechi rochli ani mortoch dull matich zateli.. Punn atmo mat sansnacho sontos bhogtolo. Zannem aple kuddichi vaitt margavelean prodoxonn kelam tanche atmeank piddapiddechi ujeachi khast mellteli. Tum sotmandinai? Jezu-chea sangata dog chorank khursar marlele. Ekak uzve kuxik ani dusreak dave kuxik. Davean aslelea choran Jezuchi ninda keleli. Uzvean aslea choran apleacho ugddas korunk Tachea thaim maglelem tedna Jezun mhonnlem "Hanv tuka khorench sangtam, aiz tum Mhojea bori voikuntant astoloi." Hangasor kollit zata khorench melea uprant amcho pran khoim tori visov gheta mhonn ani taka ami vollkotanv sorg' Ani nork ? Luke 13: 22-30 Oxir darvonnto ho avensor vachlear, "vaitt korteleamno soglle tumi mhoje sorxill'le pois sorat." Khotteponn korteleank bhair uddoitoch, thoim rodnnem ani dant kirlonnem astelem mhonn xiddkavnni melltta. Ghoddie hi svat emkhondd zaunk xokta? Mhojea thaim purave nant vo melloleantlo konnui portean ievn amkam sanglem na mornna uprant jivit asa vo na tem. Punn mhoji sorgest avoi mhonntali. "Zonn eklean morun sorg polleunk zai." Arre bap re!! Tumchem mathem korzotolem? Aichea Aitarak ho sermanv koslo? Mhoji tornni pirai sartana hanv sigareticho gulam zal'lom.. "For heaven sake please stop smoking," eka disa mhoje sundoren mhonntlelem. Sorgar konn tori aikopi asat mhonn mhaka uprant kollun ailam. Konnem tori mhojea nidhil'lea monank utthoilem ani hanvem 35 vorsam uprant Valentine disa Febrerachea 14ver 2001, sigaret oddchi bond keli. Sigaretichea ujean mhojem kalliz lastalem. Jivit motthvem zatalem. Tatuntlo uslon bholaike vaten mhaka sorg' disla, punn mhojea pottak mat burkulea porim dholi (paunch) ailea. Porchea sumanank magelea eka poisulea soireamgelea ghorachea samkaravelean vetanam tanchi khobor ghevnxem dislem. Soirean, tanger ail'lea ek bail mon'xachi vollok keli tedna ami dogaim ekamekhak polleunkuch urlim. Dogaimchim sandlelim monam kosli tori iad korunk guspololim astanam.... "I know you. Your name is very familiar to me. But I can't remember, remember " ti mhunnit ravli. Mhojo ugddas mat rokhdoch sudar ailo. Hi bail monis mhojeach barrobor Typing Institute hatun typing class xiktali. Ti barik ani sobit distali. Typing class khobar zatoch ami keddnai eksurponnacho faido gheun ghott veng marun kaddtalim. Fattlo niall hanv monantleant kaddtana, tigelem mon zagovlem ani okosmat tinnem mhonnlem "You stupid crazy!!!! Oh boy, oh boy, after a very much long time man." Ani tinnem khubuch vorsam sorun ghel'li toslich veng porot marli ani kitloch vell mhojim soirim thothakun amkam polounkuch urlim. "What the hell is this?" Vegentli doxim zatana soroll (direct) mhojea dholik hat laun tinnem mhonnlem. Adli tornni veng pottachi addkholl nastana asli ani atanchi? Mhonntoch, mon'xak sarkeaponn mellona tedna monis hell' mhonn somzota? Atam kollem nhoi hanv kitem sangunk ani vicharunk soddta tem? Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf- goans_yahoogroups_com&restrict=&exclude=&words=Lino+B.+Dourado