Monantlem Ollxig Pois Dovorchem EDGAR: Kallzan dukh dhorun ani Devak bhas diun porot keddnach pattok addarchona mhonn mhojem kumsar kortam
VIGAR: Hem tum sangot aila. Borem asa. Nim’nne kumsar kedna kelelem? EDGAR: Zatolo ek mhoinnom. VIGAR: Itlea vegim patkant koso poddlo? EDGAR: Kaim monis ollxig borovpam kortat tim hanv vachttam. VIGAR: Khup toreche ollxig borovpi astat. Ollxig vachlem mhonn kaim na. Ponn vachlam tem monant gholounk favo na. Sang, konnachim vachpam korta tum? EDGAR: Dor Aitarak ‘Aitaracheo Kaskutleo’...... VIGAR: Hanvuim-i AK vachttam EDGAR: Padri Vigar, tuvuim-i ? VIGAR: Kristi somudaien konn boro konn vaitt hem, hanvem zanna zavnk zai. Konn koslim borovpam-vachpam korta tevui-i zanvi asunk ekdom gorjechem. Amchea gavnchea somudaen Devachea khorea bhavartan konn cholltat na cholltat tem pollevnchem mhojem kam’ asta. Khoimchi ostori, dadlo aplea bhesache kaide pallta na pallta tem hanvem xikchem poddta. EDGAR: Vachpachi ruch vaddonk zai mhonn AK boroupi xevottak 'double meaning' diun aplo lekh sompoita. Vachtoleak ho ek patkacho soeag. VIGAR: Survatekuch tuka ugddas kela. Vaitt vachop kelem zalear tem monan lhaun ghevum naie. Tuvem bhorbhur jevonn randlem ani taka mitth na zalear te jevonn ruchichem asona nhoi? Tech toren thodde borovpi aplea borovpan chimtto kaddtana, vachpeank kitem pasun avoddta tem zanna astat ani aplem borovop ruchik kortana borovpachi podd’dot samballtat. EDGAR: Tum, mhaka sangonk soddta AK ollxig nhoi, zalear ollxigim borovpam khoimchim astat? VIGAR: Atam tuvem ek boro vichar kelo. Thodde borovpi aplea borovpan, fottingponnacho pavs vhotoun, borea mon’xachem nanv ibaddun dusreachea monan vankddeponnachem vik vomptat tea mon’xanchim borovpam mat ollxig thartat. Kiteak, tanchea kallzani soddanch niddukaien borlele ollxig kantte kirlele astat. Tancheani, dusreachem boreponn pollounk zaina. Tankam pelo voir sorlolo naka asta. Dusreank ghatt korchelem monant vaitt chintna ubzoita to monis sapuch ollxig. Tum sangtta te toren AK borovpeache ollxig lekh zalele zalear, Vavraddeanchea Ixtt-ar tache lekh chhapun ievnche nasle. Ixttacho sompadpi - zo ek padri zaun asa - oslim borovpam uzvaddak haddcho naslo. AK hattun lokachem nanv piddear korta toslem kainch asona, fokot vinodhi borovpam astat. Ponn thoddea borovpi padrimcher vaitt boroitat. Ponn tankam babddeank nimanne sotesanv ani melleli kudd matiek lavpak tech padrichi ghoroz poddta mhonn dhean asona. Teach toren tiatristachi tika korunk favo na. Te somudaiek boro devirtimento ditat. Igorjichea adharak tiatr ghaltat. Tiatristachea kustar khup sonstha poixe komoitat ani vhelean tiatristank nanvam ditat. Thodde jevtta thech toulent thukpi astat. Osle monis mat ollxig ani nhoi..... EDGAR: Hanv kumsarak ailam Padri Vigar. VIGAR: Zanam hanv. Ho mhojo xermanv laglo tuka? Fuddlim pattkam sang. EDGAR: Poir bosint provess (traveling) kortana, gorden mhojo hat eke cholichea ubhar xatier laglo. Bosintle lokachea gorden ti mhoje kuddik chittkot-chittkot ravli. Mhojem ang xirxirlem ani mhoje toklen.... VIGAR: Bhurxim chintna ubzolim nhoi? Tiche xatier tujo chukun hat laglolo tedna tuvem tika ‘sorry’ mhonnttlelem astelem. EDGAR: Tuka-i koulem? VIGAR: Tuji chuk mhonn somzun ti choli ogich ravli. Lokache gorden ti tuka chittkotali tedna mat tuvem vaitt monan ghetlem. Hem tujem ollxigponn. Oslim chintnachim patkam dusre khepek korinaka. Ani kitem sangpachem urlam? EDGAR: Ek pavtt hanvem vachlelem "Sopnant Ghoddtta Pattok Nasta" mhonn VIGAR: Tem sarkem asa. EDGAR: Ratikodden ti choli mhoje sopnan aili ani... VIGAR: Xi..xi..xi. Sapuch ollxig monis mure tum. Lino B. Dourado Vach "Sopnant Ghoddtta Pattok Nasta" www.goanet.org/pipermail/goanet/2004-June/027079 V. Ixtt Dec. 18, 2004 http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________ Do you Yahoo!? Yahoo! Small Business - Try our new resources site! http://smallbusiness.yahoo.com/resources/