-------------------------------------------------------------------------- | 3rd Annual Konkan Fruit Fest, Goa - May 6-8, 2005 | | | | Today's Events include Fruit Quiz - Papaya / Banana eating | | Competition. Check out http://konkanfruit.swiki.net | --------------------------------------------------------------------------
Tumche Vichar, Amchi Zap Sonvsarachea konxea-konxeanim ximpund poddlolea Goemkaramcho husko dakhoun ani tanche gombhir prons sutave korun nanv zhoddil’lo amcho ixtt “LAPIT”, aiche ‘Aitarachea Kaskutleant’ tumchea vincharank zabab dita. Kuwait-chea desant choddan chodd Goenkar aslelean he khepek tanche prons xikun soroll zap dilea. Tumche vichar dhaddche e-mail:. [EMAIL PROTECTED] CC:[EMAIL PROTECTED] (1) [EMAIL PROTECTED] - Boroita Lapit(ji), Kuwaitche Konknni machier thodde tiatr digdorspi aplea tiatranim nhessunk Goeam thavn khas kolakorank haddtat. Kaim soire kolakar Kuwait thavn Goeam pavtokoch Goemchea paper-ancher fottacheo martat. Tiatrachea vosreant sadde-paimxim boska bhorum nastana bhorleat mhonn aplea lekhan boroun vachpenak kiteak fottovchem? Sot uzvaddak haddpak konnank bhietat? ZABAB: Portrakar bab, tujea vicharant mhojea nodrek nigut disun ailam fattlea sumanantlea V. Ixtt-ar Bonaventure D’Pietro baban ek lekh boroilolo, (Mhoji Kuveittchi Bhonvddi Oxi Zali) tacho ul’lek kela. Sarkem nhoi? D’Pietro babachea lekhan kitlem sot, kitli fott asa, hem mhaka zoborxem poddunk na. Ponn ekuch sangpachem mhollear to poilo kolakar zaun asa apleak poilech pavtti Kuwait vhorun thoimche Konknni machier apli kola Kuwaitchea Goenkaram modem pavo sarki keli mhonn upkaranim bhorunk. Orxim Kuwaitan, xemboreamnich Goeamche kolakar ievn-vhochun astat khoim. Zoxem Bonaventure baban boroilam toslem borovop hea adim konnench borounk na mhollear fott tharchi na. To ek vhodd boroinar mhonn tachi tust korina ponn ek kortovea pal’li mhonn taka xebaski ditana dusrea soirea kolakaranim tachi dekh ghevnchi mhonn vinoitam. ********************** (2)[EMAIL PROTECTED] - Boroita Lapit Bab, Adim, chukoi nastana Soor moidanar football khell pollevnk vetalom. Ponn halinchea disanim mon vitte sarkeleo ghoddneo ghoddunk lagleleak hanvem football khell polloupachem soddun dilam. Il’lexea chukik ek Goenkar khellgoddi dusrea Goenkar khellkoddea bhavachea angar vetat zalear refreecheru-i hat uklunk fattim nant. Hacher KIFF Managing Committee niontronn (control) dovorunk xekonant kiteak? ZABAB: Mar-Pet bab, Soor moidanaveli ghozal aichi vo kalchi nhoi. Tea moidanar football khellan zolm gella te meren tem aiz pasun borelech monis dusman zaleat, ani heach khatir masungechea mon’xeanim tem moidan soddun dilam khoim. Kosloi khell khelltolo zalear taka nem’ ani kaide astat. Bore khellgoddi ‘sporting spirit’ he nem’ palltat ani tancho pongodd (team) zoitivont asta. Visit-ar ail’le kodden hanv Soor moidanar pavon sortam. Khell cholltana thoim zomil’le thodde somorthok (supporters) astat tanchea tonddanlean pozddi commentary sadovta ti, thoimsor hajir aslelea lhan bhurgeamchea kannar poddta ani tim ghora pavlim mhonnttoch mhonntat khoim, “mummy what ghe, daddy zo*****. Kuwait aslelea Goenkaranchi bhurgim iskolant toxem ghorant English uloitat ani mullavi (basic) Konkani, Soor moidanar xiktat mhonn avoi-bapaimcho husko vaddla.. KIFF Managing Committee aple vatten koddok xist samballta, ponn khell ani khellgoddi ximea bhair pavo meren tannim ogeaponn dovorunk favo na. ****************************** (3) [EMAIL PROTECTED] – Boroita Hello Lapit, Hea disanim tuvem Navhind Times-disalear vachlam astelem. Adle Sobhapoti, xikxok, tiatrist Tomazinho Cardozo xikxonnachea molar nivrut’t (retired) zaleat mhonn. To sodeak Dalgado Konkani Academic hanche odhex asat, mhonntoch ‘Romi Konknni’ khatir vavurtele mhonn bhas dilea. Kuwaitchea Soor moidanar khellpi nivrut’t vo retired zatoch kitem kortele kai? ZABAB Candolimcho Shri Tomazinho babachem vevsaik (profession) ek xikxok, tiatr ek chhond (hobby) ani politik ek somazik vaur aslo. Khuxechi ghozal mhollear ‘Romi Konknni’ khatir to vavurtolo khoro punn tumchea oslea Konknni mogeamcho taka sohokar zai. Zaun vangddi DKA hacho vo dudvamchi dengi divn. Kuwaitchea Soor moidanar thodde football khellpi Goeam, Super League-n nanvaztea klubanim distale. Hangasor tancho hobby koxo zala. Hea khellpeam modem tiatr digdorspi, kolakar, banker, unchle post ghevn aslele officer, dhonddekar (business man) adi, adi asat. Curiosidade bab, tujo husko he khellghodi nivrut’t vo retired zatoch kitem kortele kai mhonn? Sodeak hanvem katrechea monxea koddlean aikolam tea pormonnem Soor moidanar khellpi, ek famad football khellghodi retire zavpache toddir asa ani to aplea rikhamea vellar ‘kovita’ rochtta mhonn. Khell-moidanar lokam koddlean oputt protsahon (support) mevlelean aiz-kal ‘upkaranchem ojjem’ ghevn sonvsarak ximpund aslelea Goemkaram modem ho kovi anik odhikuch prosid’dh (famous)zala. Mhonntokoch tuka ghomlem nhoi zonn eklo aplea kxetrant (fields) huxar astat mhonn? ****************** (4) [EMAIL PROTECTED] - Boroita Senhor Lapit, Kuwaitche-Goenkarachem noxib. Tankam dor mhoineant ek tiatr pollounk melltta. Fuddlea vorsache 2006 Setembrant zatlea tiatr, 2005 Abrilacheach mhoineant Kuwaitchea disalear jahir zatat. Hangasor nanv vazte khoddegant kolakar astana khubxe tiatr digdorspi Goeam thavn artisamchem bhirem haddtat. Mhaka ek kantar mhonnpak chance dinant. Te ximbre……. ZABAB Kantorist bab, tujea borovpak hanvem kator marlea. Purave nastana arop ghalop xarkem nhoi. Dusre khepek opmanacho xiko aslolo email daddcho nhoi. Ugddas dovor mhojo ‘delete’ button zoran chollta. Tuji itsa hanv somzolom. Kuwaitan ek tiatristamchi sonstha asa. Tankam mellun ge. Te sonsthen kormelele ani bhouch onbhov aslele tiatrist bhav, tuka adhar kortele. Tea mhonnosor chalu vorsache Otumbrant “Tumi Mhaka Nakat” tiatr zavnchelo asa mhonn aikolam. Digdorspeak fokot Kuwaitche artist zai mhunn anusar kelam khoim. Xevottak konnuch tuji opekxa puri korunk chance dina zalear ani khorench tuji kola prekxokank avoddpa xarkeli asot tor nim’nno ekuch darvontto ugto mellta. Novea kolakarank ut’tejon divpi ‘United Club of Utorda-Kuwait,’ liplelea kolakaranchi kola prekxokam fuddem pavo xarki korun, - lokanchim tonddam bond - kortat. Tankam mellchem. ******************* (5) [EMAIL PROTECTED] - Boroita Lapit Irmão Dor Aitarak "Aitaracheo Kaskutleo" boroita to ekdom ollxig……….. (c-e-n-s-o-r-e-d...***??) ZABAB Mina bai, Portuguesin irmão mhollear vhoddlo bhav. Tor tuka-i kovlem mhaka bhoinn na mhonn? Sust nidhlelea vag-acher fator marche nhoi baie. AK boroupean, fuddlea Aitarachi vatt pollet rav mhonn, tar pattovla. Tea mhonnosor borem magun, Tumcho LAPIT All rights reserved However copying, take-off, posting, forwarding or enacting any or all part of this episode and/or recording, public performance and broadcasting of this or future episodes under the caption "Tumche Vichar, Amchi Zap" will be tolerated without the express permission of LAPIT ! http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado Discover Yahoo! Use Yahoo! to plan a weekend, have fun online and more. Check it out! http://discover.yahoo.com/