ParrikarStyle Nakal Martana…
http://lists.goanet.org/pipermail/goanet-goanet.org/2012-November/227014.html
Bodollolea
kallant nhesnachi chalrit bhouch sudorlea. Unchle faxonnache kopdde angar
aslear nhespache stailicher probhav zata. Dekun, veg-vegllea somorombank
(celebrations) favo tosle kopdde nhesun zonn eklo bodai ani jeth dakoita.
Somorombhank vantto
ghevnche adim, ami pollevnk zai, kosle fugsavant ami bhag ghetat ani tea
pormonnem amchim nhesnam tika-tik bostat toxim zaunk zai. Kazarank,
fest-porbank sutt-kot-gravatt ani payank moche amchi nhespachi mariada
samballta. Ganvche tintiar bhaji-pallo haddpak kivam cha-panni piyepak moche
ghalpachi goroz nam. Vanno ghalun geliar zatat. Punn teach zagear, eka
ugttavollicha dobajek hajir zaunk vetanam, motthvem kalsanv nhesun mansugecho
vo uncha totvancho monis vochona. Khoincha somorombhank kosle stailiche kopdde
angar asunk favo, tem akrutayen zonn eklo pollevn gheta. Ani nigutt kopdde
nheslolo ani payank moche ghaltolo monis lokachea dolleant prokasta.
Hollywood film utsov ghoddun haddtat ten’na, tea-tea kherit somorombank hajir
zavnk, filmanim
kam’ kortolea kalakarank dress code khorponnan (strictly) samballche astat.
Dekun, TV-ir tancho somorombh live polletana
daddle/ostorio kalakaram mariadin formal nhestolean, tea vellavelem
thoinsorlem vattovoronn ani rongit chitr dolleam borpa sarkelem nirman zata.
Nhoi fokot kalakarank, punn manadik soireank (distinguished guest) porian dress
code lagu kortat. Punn amche Bharoti Bollywood cholchirt
utsovak hajir zatolea thoddea kalakarank soddun herank pollelear, tankam
nhespachi xistuch asona vo ghoddie tankam vatter thavn dorun (t-shirt ani jeans
nheslolim pollevn) tea-tea suvalleak hajir keleat kai distat. Film utsov toyar
korunk krotanim duddu ogddaitat punn Bharoti kolakar nhespachi mariada
samballinant. Ek vichitruch dista.
Gelea
vorsa Novembrant 43vo International Film Festival of India (IFFI) Utsovachea
ugttavne disa, Gõycho Mukhel Montri sadea kopddeanim (casual
wear) ani payank vanno ghalun machier dislo ten’na, Parrikaran Gõychem ani
Gõkaranchem nanv ogddailem mhunn ekdom mottean media-n bovall kelo. IFFI
ugatavne machier, Mukhel Montri sorbhonvttim aslole kasfis nheslole
namnnechea monis, ani fokot CM Parrikar informal ani payank vanno
ghatloleo TV-cher pollevn, Gõyant ani sonvsarbhor ximpoddlolea Gõykaramni lojen
man sokla ghalchi poddli khoim. Mhaka zalear amchea sado-balo CM-achem gorv
dislem. Koslench taka vhoddponn nam. Khoinsoruch ani koslai somorombhank tannem
sade kopdde nhesche ani payank vanno ghalcheo. Hi tageli sadeaponnachi style
hanv chalik laitolom mhunn, ghelea eka festachea somorombhak hajir zaunk
ghel’le kodden, hanv mhakach lojechem kopel ghalpacho chuklom.
Saxtticha
eka famad ganvchem fest Novembracha tisrea Budhvarak zata. Kuwaitan aslole
tanchea ganvche klubache vangddi ani tanchi famil ektthaim zavn, Patron
Saibiniche fest vhodda dobajean monoitat. Gulfachea desamni Sunkrar, sumanachi
rojea vo sutti aslolean, kosloi-i suvallo aslear, to suvallo Brestarache sanjer
dovortat. Ani kalchea Brestarak osloch ek festacho dobazo Kuwaitchea famad
hotelant aslo ani taka hajir zaunk mhaka sorsorit amontronn aslem.
Festachea
fugsavank vochunk hanvem kosle kopdde nhesunk zai tem hanv kopddeache almarint
sonspot astona, amche sadeponnan nhespi CM Parrikarache stailichi yad mhaka
zali. Kedde vhodd monis ani tachem nhesop eka aam aadmi porim. Payank
vanno, kalsanv ani motthvea hatachem khomis tachi style mhaka zalear
posondh zata. Osoch tachea porim sado nhesun festachea fugsanvank vantto
getolom.
Ani hanv Mukhel Montreachi nhespachi nakal marun hotelachea parking-ant pavtam.
Gaddientlo bhair sortanch mhojea vollkicho ixtt, tachea kuttumba sangatak dislo
ani tannem mhaka zapoilo.
“Khoim
re hea vatten? Shoppingak ailolo?
Festache partek iena tor?”, tannem mhaka polloit vicharlem
Kasfis
(formal) nheslolea ixttak ani tache familik pollevn kitem zap divnchi
asli? Hoi vo nam donui vattani man mhoji hallovli. Ani tankam hotelache mukhi
daraxim pav meren pollevn astana, konnem eklean mhojea khanddar hat marun
mhontlem.
“Festacho
prizdent sango, tuka special amontronn dilam mhunn. Punn tum nhesla tem
porim poilo nusteachea bazarant vetolo ani uprant festache partek pavta
mhonnlearparty khabar zait”, antre poirian nusteachea bazarant mellpi
ixtt to. Taka ani tache ghorkarnnink festache partek nheslole decent kopdde
pollevn, mhagele Parrikar stailicher barikxi nodor marli. Ani khorench
hi style Gõykaranchea festachea somorombhak sobta tosli asa kai?
Ladainink pasun lok bore kopdde ghalun veta. Fugsanvanchea vosrean panvcha
adinch, don thomnne khaileat, ani vosrean pavtoch lojeche dhomnne kiteak funkea
sovai khavnche? Nustacha bazarant vochun, nustem ghevn ghara ghelear borem mu?
Lino
B. Dourado
Lapitt
http://aitaracheokaskuleo.blogspot.com/
On Wednesday, January 22, 2014 10:37 PM, "J. Colaco < jc>"
wrote:
>
> On 1/22/14, Aires Rodrigues wrote:
>
'If even the Member of Par