Suttke Zhuzari Kosle Faido Polleun Kaido Bodoltat
Amche somzonne pormannem suttke zhuzari mhonnlear je aplea rajyache
suttke khatir zhuzleat vo zulumxay choloitoleanchem raj nopoit korunk
vavurleat. Bharotache suttke zhuzari toxench Gُyche suttke zhuzari mhunn
zaitea zannanchim nanvam nond zaleant. Halinch Gُychea sorkaran novea 16
zannanchim nanvam Gُychea suttke zhuzareanche vollerint nond korun jahir
keleant. Junachea 18 Gُyche Kranti disa, Azad Moidanacher, hea suttke
zhuzareancho Mukhel Montri bhovman kortolo.
Suttke zhuzaream vixim koslea na koslea karonnak lagun khobram
potrancher khobro uzvaddail'leo amkam melltat. Thoddech dis zale, Gُychea
sorkaran Medium of Instruction-a (MoI) ghetlolo nirnnoy bodlunk suttke
zhuzareamni aplo tallo ubarla. Gُychea sorkarak Junachi 18 tarikh
deadline koxi dovrun, thodde suttke zhuzareamni Gُychea Kranti disachea
suvalleacher bohixkar (boycott) ghalun sorkarak dhomki dilea.
Gُyant atam somaz seva ani Gُychi rakhonn korunk andolan chalu asa.
Tantuntle thodde zann oso proxn kortat. Gُyche suttke zhuzari, Gُychi
luttmar zata tea vellar aplo tallo kiteak ubarinant. Khoinchea suttke
zhuzarean Gُyant choltolea poryavoronnachea vaittacher vo minank lagun
Gُychea srixtticho ibadd zata tacher add bob kele?
He Suttke Zhuzari Kosle? Faido polleun kaido bodoltat. Hakach lagun he
kosle suttke zhuzari kai mhunn amche modem proxn uprastat. Konn tankam
nanvanche suttke zhuzari mhonntat, zalear konn tankam sorkarache duddu
melltolean te sorkara add ulounk fattim sorta mhonntat.
Suttke khatir zhuzta toch khoro suttke zhuzari. Suttka nhoich fokot
gulamponnantli, punn soglle torechea bhroxttacharantli. Bhroxttachara
add Bharotant ji chollvoll suru zalea ti yesvont zait zalear Bharotacho
fuddar anink novsorun porzolltolo.
Monis aplea adlea jivitant aslolem vaitt lipounk sodta ani atam jem
kitem korta tachi khobor dusreache nodre add dovorta, toxench fuddarak
kitem korcho asa tem-i to guptim samballta. Punn jedna hoch monis
somazache sevecho odhikari asa zalear heach somaza mukhar aplea odhikara
vorvim tannem kitem kelem vo korta ani korchem asa tem kiteak lipounk
sodta? Osli suttka amkam Lokpal Bill ditolem. Punn Sorkar tachem boll
toddunk lagla.
Bharotant toxench Gُyant koslea suttke zhuzareanchi goroz asa? Nhoi
zanchi nond zalea ani puroskar mell'leat vo dor mhoineak sorkarachem
pensanv yeta. He Gُyche nove suttke pasot addkolleo haddtole kiteak
tanche hok'k somptole. Tanche add proxn vaddttole ani sorkar tankam ani
tanche pinddkek duddvancho adar favo korunk zai to proxn vaddttolo.
Raj choloitolo sorkar kednach suttke zhuzareank mandun ghena. Dekhunuch
Portugez toxem British sorkaramni tankam tras dile. Tech porim aiz-ui
amchea somazant amcho-i sorkar konn bhroxttachara add zhuzta vo konn
sorkarachea vankddea kaidea add zhuzta tache thaim tosoch vagta. Toch
khoro suttke zhuzari. To martir morta tanche familink sorkar pensanv
kiteak dina?
Suttke zhuzareank sorkara koddlean duddu melltolean sorkara add ulounk
tanchean zhuz mandunk zaina. Punn atam Gُyche suttke zhuzareanche
chollvollecho nikal kitem zata to polleum-ya. Punn fokot MoI hea
vixoyacher te kiteak zogoddtat? Gُyant anik kitlech vixoy asat tanche add
te khorayen nixed kiteak marinant? Hea proxnacho zobab melltoch nond
kel'lea suttke zhuzareanchi topasnni zatoli.
http://www.v-ixtt.com/client/ogrlekh.asp