Ma Rang Lapau nan Basamo,
Katarangan Rangkayo Eva Nukman tapek, jitu, kecek Rang Kini. Mato
proofreading Eva tampaknyo sadang janiah. Tarimo kasih. Sanang Mak Ngah
karano Eva lakeh manangkoknyo. Takilek ikan dalam aia lah tantu jantan
batinonyo.
Memang dalam "Alah biso karano biaso", "alah" dalam hal iko aratinyo
"kalah" dan "biso" aratinyo "racun" nan ado dalam "biso ula". Bahaso
Ingirihnyo "venum" nan diambiak dari Bahaso Latin "venenum" (poison, racun).
Dahulu, wakatu Mak Ngah baraja Bahaso Indonesia di SGA (Sekolah Guru-A,
1952-55) Payakumbuh, Guru Mak Ngah Pak Djaka Datuk Sati (almarhum) sangat
"kejam" terhadap kami dalam pamakaiaan kato "bisa" ko kalau nan
dimukasukkan "dapat" melakukan sesuatu. Kalau-kalau salah sabuik, mukasuik
"sangup" atau "dapat" tasabuik "bisa", baliau langsuang mahariak
mambulalang jo kacomato taba baliau:
"Apa yang bisa! Ular yang bisa!"
Bundo, Rangkayo Nismah tantu lai takana baa stricknyo Pak Djaka, Guru
Kesayangan kami yang kami hormati selama-lamanya. Beliaupun sebalikanya
"marah-marah dan "kejam" tu karano kesayangan baliau ka murik-murik anak
asuh beliau. Nah puluahan tahun kamudian kecurigaan baliau mengenai
kemungkinan salah pengertian kato "bisa" ko tabukti kini dalam postiang ko.
"Versi buku" nan dikutip tu pakai kato "karano" pun tampaknyo agak gaya
"sikolaan" (istilah baru Mak Ngah) sadangkan "versi hiduik" dalam
masyarakat adolah pakai "dek" saroman nan dikatangahkan Eva:
"Alah biso dek dek biaso"
dan biasonyo duo sairiang jo:
"Ilang gili dek galitik".
Mak Ngah dilit "(k)" nyo Eva, karano "(k)" Eva tu jaleh untuak manarangkan
ka Rang Lapau, sadangkan Bahaso Iduiknyo memang "alah", bukan "kalah".
Baitu juo pamakaian "dek" nan tapek instead of "karano". Tarimo kasih jo
katarangan jaleh dan lompek capek tu untuak pangatahuan kito basamo dan
untuak manjago pamakaian kato-kato dalam Caro Awak nan kadang-kadang salah
konversi ka dalam Bahaso Indonesia atau vice-versa. Tarimo kasih kito pulo
ka Angku Madahar nan sacaro instinktif mabawo soal ko ka tangah nan
akhianyo Kito nan Basamo samo-samo baraja Caro Awak di Lapau ko.
Iyo Eva, Mak Ngah sadang bakaruah indak bakulambu karano baliak driving
jarak panjang dari Pangadilan tadi malam langsuang tagaletak. Kini parak
siang tajago lo.
Sakitulah dahulu.
Salam,
--Mak Ngah
Pukua 3:15 Parak Siang di Santa Kuruih, Kalipornia, di Tapi Riak nan Badabua
37193
From: Eva Nukman <[EMAIL PROTECTED]>
Date: Fri Feb 18, 2005 8:50am
Subject: RE: [EMAIL PROTECTED] 72 Tando-tando Mada
assalaamu'alaykum,
Baa kok paralu dipeloki ko Mak?
ado beberapa pepatah minang nan kudian jadi salah
kaprah pamakaiannyo. salah satunyo kalimat nan iko.
acok urang mangecek ka urang nan baru baraja sesuatu
(baraja naiak onda, baraja manulih), "coba dulu.
bisa karena biasa."
padahal, sa tau ambo, dalam kalimat iko yo biso
(racun) nan dimukasuikan. bukan bisa (sanggup).
alah di siko pun aratinyo "kalah", bukan "sudah"
jadi, "(k)alah biso dek biaso" tu aratinyo kebal,
indak mempan lai.
ambo pernah mambaco keterangan iko ko di ma yo. alah
lamo bana.
Baa tu Mamak-mamak sarato Bundo-bundo?
Mak Ngah di Santa Kuruih agaknyo sadang lamak bakaruah
indak bakulambu. :D
va (35+)
Juruman
--- "Madahar (madahar)" <[EMAIL PROTECTED]>
wrote:
> Pelok I snek Tamudo nan dalam kuruang
> ..
> Sabalun mati alun jaran
> Alah bis(a)o karano biaso
> Ondeh-ondeh di ateh dulang
> Sabalun tandeh balun ka pulang
> ...
X___Sjamsir Sjarif
Indonesian Translator, Interpreter, and Cultural Consultant
335 Gault St. #1, Santa Cruz, CA 95062, USA
Email: [EMAIL PROTECTED] Tel. (831)-426-1333 Fax (831)426-8907
http://www.usindo.net/hambo
Member of:
ATA, American Translators Association http://www.atanet.org/
NCTA, Northern California Translators Association http://www.ncta.org/
IPA, Indonesian Professional Association http://www.ipanet.org/
===
Internal Virus Database is out-of-date.
Checked by AVG Anti-Virus.
Version: 7.0.300 / Virus Database: 265.8.7 - Release Date: 2/10/2005
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
Tata Tertib Palanta RantauNet:
http://rantaunet.org/palanta-tatatertib
