Assalamulaikum warahmatullahi wabarakatuh,
Wahai ichwan, Dunsanak, Mamak, Bapak, Bundo, Uda, Kamanakan, Adiak dan
seluruh warga RN nan ambo cintoi, kok gadang indak ka baimbau gala, ketek
indak ka basabuik namo, sambah tatuju ka kito kasadonyo.
Dengan telah masuaknyo kito ka tahun baru Islam 1 Muharram 1425 H nan
jatuh pado hari ko, mako marilah kito berdoa kapado Tuhan semoga sagalo
amalan kito ditahun sebelumnyo di terima oleh Nya dan perjalanan hidup
kito ka muko akan labiah baiak dari kini dan dari nan sudah2.
Partamo sakali ambo ucapkan tarimo kasiah ka adinda Rahima nan Insya Allah
di berkati oleh Allah beserta keluarganyo di Cairo, nan berkat doanyo juo
ambo suami istri alah salamaik kembali kepangkuan keluarga hari Jumahaik
kalamari.
Alah lamo ambo indak mancogok disiko, alah taraso rindu ambo untuak
bercengkrama, berbincang-bincang menyambung dan mempererat tali
silaturrahmi antaro sesamo kito urang Minang dimaa sajo berado. Taraso
sakali manfaatnyo RN ko ka diri ambo. Urang nan alun pernah batamu muko jo
ambo, berkat RN, kami partamo basuo macam urang nan alah kenal
batahun-tahun tapi alah lamo indak basuo. Iko pengalaman dan kesan pribadi
ambo. Mak Sati, urang nan ambo hormati, sabalun ko alun pernah kami basuo,
ee.. sakali basuo, basuonyo di Padang Arafah di tenda nan akan di pakai
wukuf oleh beliau. Dan baitu pulo dengan dunsanak ambo Ridwan M Sirin
St.Rajo Sulaiman, nan alah lamo ambo kenal di RN, sakali basuo, basuonyo
di pintu gerbang Madinatul Hujjad Jeddah.
Jadi ambo patuik basyukur ka Tuhan, berkat RN ko, tali silaturrahmi kito
nan bajauhan tampek tingga ko dapek terwujud dengan sakatiko atas izin
Nyo.
Banyak sudah warga RN salain nan baduo tadi nan basobok jo ambo di tahun
1424 H nan lalu, seperti : St.Bandaro Labiah, Elthaf, M.Nasir Yatim, dll
nan indak ambo ingek kasadonyo.
Semoga di tahun baru ko semakin banyak warga RN nan alun ambo kenal
wajahnyo dapek ambo batamu dengan mereka seperti : Bundo, Jo Buyuang,
Miko, Uda Haji Zul Amry, Rahima, Gamut, adinda Fitri Bekasi, Sutan
Panjang, Angku Doto Rahyusalim dll nan indak pulo bisa ambo sabuik
surang-surang. Semoga kito dapek batamu muko dan mempererat tali
silaturahim antaro sesamo kito.
Di tahun baru ko, marilah kito perbaharui niek kito untuak ber-internet
ria di RN ko hanyo samato-mato karena Allah.
Sakian sajo kato pembuka ditahun baru ko semoga semua warga RN berjaya di
bidangnyo masiang2.
Mohon maaf kok talantuang dek kaniak dan talendo dek katurun, ka Tuhan
ambo mintak ampun.
Wassalam,
Mulyadi St.Bangsawan (hampia 47 th)
Rang Sulik Ayie di Pusri Palembang
Waalaikumsalam.Wr.Wb.
Selamat Da Mulyadi atas kepulangan da Mul dan
istri,semoga menjadi haji yang mabrur.
Saya juga bertanya-tanya,kemana da Zul Amry,semenjak
beliau berangkat haji,tak satupun berita tentang
beliau didengar,kalau da Mul lai ado berita ketika di
Medinah .Mudah2 an beliau sehat selalu. Da Zul Amry
ini sangat baik orangnya.Saya kalau lihat detik
com,ada disana wajah yang mirip da Zul di jajaran
capres ( hehehe ),makanya sering ingat da Zul,kemana
da Zul,..?? Mudah2 an baik-baik saja.
Wassalam.Rahima.
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net