[RantauNet.Com] Dialiah pulo kaji saketek
Assalamu'alaikum wr.wb., Manyambuang carito angku Hamdan. Nan iko kalau indak salah dari bahaso Bulando. Aratino stokar ko tukang maisi tambahan batubaro (stok) baiak di kuretapi ataupun di kapa api nan mangggunoan batubaro saisuak. Tapi kudian alah babao rendongan sin ka oto bagai, ado pulo sitokar oto. Kalau ndak salah. Dan palayangan di Rantau Barangin atau Danau Bingkuang saisuak tu, talok mambao duo buah bis, atau ciek bis jo ciek oto parah sakali 'malayang' no. Katiko itu, ditaun 67, untuak pai ka Pakan Baru dari Kiktinggi paralu wakatu 14 sampai 16 jam (untuak malalui jarak nan 221 kilo tu). Barangkek dari Bukiktinggi kiro-kiro sasudah pukuah tigo patangari, jo Batang Kampar nomor 10. Supirno si Duruih (Idrus), urang mudo elok baso katiko itu. Sambia mambao oto jo tangan kida, tangan suokno 'bagaritiak' di kalason, muncuangno banyanyi sagalo macam lagu. Lah kajadi di kelok sambilan, indak baranti-baranti kalason tu badendang doh. Barangkek antaro pukuah tigo - pukuah ampek sasudah asa. Tibo di Lubuak Bangku manjalang mugarik. 'Pasisia' (pasasi) turun, makan ciek dulu. Ari dingin-dingin, nasi angek bagabun-gabun, makan jo ayam panggang, indak dapek nan kadisabuik. Sudah sumbayang mugarik, ari muloi malam, maetek-eteklah Batang Kampar mandaki pandakian kelok sambilan. Lapeh sain dari kelok sambilan, manuju ka Lubuak Jantan, jalan indak ado nan elok saketek juo lai tu doh. Sarupo naiak buaian kaliang awak di ateh oto tu. Kacapatan oto indak labiah pado limo jo sapuluah kilo sajam. Labiah capek jalan kuretangin pado jalan oto tu. Tiok sabanta turun naiak sitokar macaliak-an jalan nan kaelok kaditampuah oto. Namun kalason babunyi juo, si Duruih indak baranti juo badendang. Lagu-lagu saluang. Oto bus saisuak nan basampik-sampik sangaik tu, sabana bagadimpik. Pasisia nan lalok, lalok juo. Nan maisok-maisok, juo. Alah kajadi duduakno di tangah, rokokno indak putuih-putuih. Iyo sabana tinggi toleransi awak katiko itu. Sanasib, sapanangguangan, indak banyak cencong. Oto maetek-etek juo laguah lagah. Kadang-kadang amuah talakak kapalo awak katunggak (ado tunggak bagai di dalam oto tu). Malalui rimbo gadang. Masih ado 'inyiak' malinteh biasono di jalan. Malalui Pangkalan Koto Baru, taruih ka Anam Koto, taruih ka Tanjuang Pauah, taruih ka Tanjuang Balik taruih ka Muaro Maek. Disiko ado jambatan ba ampang-ampang di ateh. Oto nan sarek muatan di ateh tenda, tapaso babongka dulu muatan tu. Di subarangan ciek-ciek, diangkek, ado pulo tukang angkek di sinan. Baitu masuak propinsi Riau sajak dari Tanjuang Balik, labuah lah rancak, lah dapek oto balari. Lapeh dari Muaro Maek, manjalang lubang kalam. Di dalam lubang kalam tu batambah bagaritiak kalason si Duruih (ano ko jaleh lah tuo pado ambo katiko itu). Ba'echo' bunyi kalason. Tajago pasisia nan lalok. Lapeh tangah malam tibo di Rantau Barangin. Alah baririk oto disinan mananti 'kamalayang'. Tibo-tibo 'malesat' Sinar Riau dari balakang, mandaului oto nan antri sabanyak tu. Dek 'Liau'ko oto pos. Jadi dapek prioritas. Kiro-kiro pukuah duo baru dapek giliran kami malayang ka subarang. Sadang diateh palayangan tu baganti tukang 'garitiak' kalason. Dari oto nan lain, sabab rupono kalason oto si Duruihko kabano lasuah. Baa ka indak, dek sabana dipaliarono di si Duruih. Pukuah satangah tigo tibo di subarang. Jalan lah rancak, baaspal elok, lalu di Kuok, Aia Tirih, Bangkinang. Taruih ka Kampar. Tibo di Danau Bingkuang ari alah pukuah satangah ampek. Diulang pulo antri baliak. Pukuah limo baru dapek manyubarang. Pukuah satangah anam tibo di subaliak. Si Duruih indak mangalason lai. Sabab sajak dari Danau Bingkuang malalui Rimbo Panjang, ano lalok. Sitokar nan mambao oto. Lewaik saketek pado pukuah anam tibo di Pakan Baru. Di parantian oto nan sabalah kamari saketek dari Pasa Pusek. Itulah ari partamu ambo pai marantau, di awal taun 67. Wassalamu'alaikum wr.wb., Hamdan - SH&E SO <[EMAIL PROTECTED]> wrote: St. Lembang Alam Do you Yahoo!? SBC Yahoo! DSL - Now only $29.95 per month!
Re: [RantauNet.Com] Dialiah pulo kaji saketek
Assalamu Alaikum W. W. Sutan Lembang nan bundo hormati, Iyolah lamak mandanga carito lamo carito maso saisuak nan kadang kadang kalau dicaritokan kaanak anak mudo kini inyo indak picayo. Bundo dari Pikumbuah naiak oto Gagak Hitam dan kadang kadang di plesetan manjadi "Gagak Ayam" karano oto tu mambao ayam banyak sakali. Bundo tunggu carito carito salanjuiknyo mano tahu akhirnyo jan jan Sutan ko iyo parnah manjadi murid bundo disekolah Caltex. Wassalam Bundo NismahMuhammad Dafiq Saib <[EMAIL PROTECTED]> wrote: Assalamu'alaikum wr.wb., Manyambuang carito angku Hamdan. Nan iko kalau indak salah dari bahaso Bulando. Aratino stokar ko tukang maisi tambahan batubaro (stok) baiak di kuretapi ataupun di kapa api nan mangggunoan batubaro saisuak. Tapi kudian alah babao rendongan sin ka oto bagai, ado pulo sitokar oto. Do you Yahoo!? SBC Yahoo! DSL - Now only $29.95 per month!
RE: [RantauNet.Com] Dialiah pulo kaji saketek
Tarimokasi St Lembang Alam. Tulisan sanak lamak dan lasuah dibaco. Nan iko ambo porowikgan ka dunsanak / adaik / kamanakan nan dilua lapau Kami tunggu lanjutanno. Dimaa manjadi Khatib siang ko ?? ~ab~ -Original Message-From: Hayatun Nismah Rumzy [mailto:[EMAIL PROTECTED] Bundo tunggu carito carito salanjuiknyo mano tahu akhirnyo jan jan Sutan ko iyo parnah manjadi murid bundo disekolah Caltex. Wassalam Bundo NismahMuhammad Dafiq Saib <[EMAIL PROTECTED]> wrote: Assalamu'alaikum wr.wb., Manyambuang carito angku Hamdan. Nan iko kalau indak salah dari bahaso Bulando. Aratino stokar ko tukang maisi tambahan batubaro (stok) baiak di kuretapi ataupun di kapa api nan mangggunoan batubaro saisuak. Tapi kudian alah babao rendongan sin ka oto bagai, ado pulo sitokar oto.
Re: [RantauNet.Com] Dialiah pulo kaji saketek
Wa'alaikum salam wr. wb., Iyo kolah Bundo? Ambo sakola di SMA Rumbai (SMA Caltex = SMA PAPC disabuik urang wakatu itu), masuak taun 1967. Sakola di sinan kalas satu sampai kalas duo. Ikuik jo kakak sapupu ambo, Yufimar Ali, katiko itu bakarajo di Rumbai. Tatanyo-tanyo di hati ambo, namo ayah, Rumzy. Katiko itu ado guru bahasa Indonesia ambo pak Rumzy. Baliau kolah? Guru-guru ambo katiko itu, pak Harun (kapalo sakola, ma-aja bahaso Inggeris), pak Zaimir, ma-aja Sejarah, pak Nurdin ma-aja ilmu Hayat, pak Sitorus ma-aja Guneometri, pak Muchtar (dosen UNRI), ma-aja aljabar analitik, pak Pudjo ma-aja mekanika, pak Deliar ma-aja ekonomi, pak Ali Nurdin? ma-aja Civic, pak Burhanuddin maaja manggambar. Sakitu nan takana di ambo. Taun 69, ambo pindah ka SMA 3 Bukiktinggi, dan tamaik di sinan. Mulo-mulo ingin pindah ka SMA 1, sabab labiah dakek, padohal bagai ambo ditarimo di sinan tahun 67. Tapi sakola tu katiko itu panuah. Ambo kecek-an ka pak Sunariaman, kapalo sakola wakatu itu, sagadang ko sakola, lai kamungkin panuah, go pak. Jawek baliau, indak picayo ang, mari den caliak-an lokalno ciek-ciek. Iyo bana dibao baliau ambo mancaliak kalas tigo tu, kirono iyo lah panuah sasak. Kok iyolah, ayah guru ambo saisuak, tolonglah Bundo sampaikan salam takzim ambo. Wassalamuálaikum wr.wb., Lembang AlamHayatun Nismah Rumzy <[EMAIL PROTECTED]> wrote: St. Lembang Alam Do you Yahoo!? SBC Yahoo! DSL - Now only $29.95 per month!
Re: [RantauNet.Com] Dialiah pulo kaji saketek
Manolah mamak Lembang Alam, satolah ambo ciek batanyo kok lai ka buliah apokoh guru Ekonomi mamak-nda pak Deliar itu namo lengkapnyo DELIAR BACHTIAR ? , nan sabalun pensiun jadi Dosen di UNRI ? Z Chaniago - Palai Rinuak -http://photos.yahoo.com/bada_masiak/ == Alam Takambang Jadi Guru == From: Muhammad Dafiq Saib <[EMAIL PROTECTED]> Wa'alaikum salam wr. wb., Iyo kolah Bundo? Ambo sakola di SMA Rumbai (SMA Caltex = SMA PAPC disabuik urang wakatu itu), masuak taun 1967. Sakola di sinan kalas satu sampai kalas duo. Ikuik jo kakak sapupu ambo, Yufimar Ali, katiko itu bakarajo di Rumbai. Tatanyo-tanyo di hati ambo, namo ayah, Rumzy. Katiko itu ado guru bahasa Indonesia ambo pak Rumzy. Baliau kolah? Guru-guru ambo katiko itu, pak Harun (kapalo sakola, ma-aja bahaso Inggeris), pak Zaimir, ma-aja Sejarah, pak Nurdin ma-aja ilmu Hayat, pak Sitorus ma-aja Guneometri, pak Muchtar (dosen UNRI), ma-aja aljabar analitik, pak Pudjo ma-aja mekanika, pak Deliar ma-aja ekonomi, pak Ali Nurdin? ma-aja Civic, pak Burhanuddin maaja manggambar. Sakitu nan takana di ambo. Taun 69, ambo pindah ka SMA 3 Bukiktinggi, dan tamaik di sinan. Mulo-mulo ingin pindah ka SMA 1, sabab labiah dakek, padohal bagai ambo ditarimo di sinan tahun 67. Tapi sakola tu katiko itu panuah. Ambo kecek-an ka pak Sunariaman, kapalo sakola wakatu itu, sagadang ko sakola, lai kamungkin panuah, go pak. Jawek baliau, indak picayo ang, mari den caliak-an lokalno ciek-ciek. Iyo bana dibao baliau ambo mancaliak kalas tigo tu, kirono iyo lah panuah sasak. Kok iyolah, ayah guru ambo saisuak, tolonglah Bundo sampaikan salam takzim ambo. Wassalamuálaikum wr.wb., Lembang Alam _ Protect your PC - get McAfee.com VirusScan Online http://clinic.mcafee.com/clinic/ibuy/campaign.asp?cid=3963 RantauNet http://www.rantaunet.com Isikan data keanggotaan anda di http://www.rantaunet.com/daftar.php --- Berhenti menerima RantauNet Mailing List, silahkan ke: http://www.rantaunet.com/unsubscribe.php ===
Re: [RantauNet.Com] Dialiah pulo kaji saketek
Dave. Ayah Rumzy adolah guru inggirih ambo samaso taraining di Rumbai '70 - '71. (*1) Yufimar Ali, sempat ambo mandanga namotu. Baliau pernah di Duri ?? "Tau mbo tu" (*2) Suatu hari di taun 1969 ado anak di"jenjeng" pak Sunariaman masuak kakelas, mampaliekgan kelas tu panuah. Kami sorak'i; " ooi .. lah panuah oooi, dibangku serap lai namuah ". Akhiano anaktu indak sikola di sma-1 lambau kami doh. Kabaano masuak sma-3 birugo ... St Lembang moh rupono. (*1) Alhamdulillah, taun 1970 ambo "diambiak" kaletex dari sma-1 lambau. 1971 - 1973 taraining - karajo, terakhir di Dumai. (*2)= iko otaa. mak Ban ~ Muhammad Dafiq Saib wrote: > > > Tatanyo-tanyo di hati ambo, namo ayah, Rumzy. Katiko itu ado guru > bahasa Indonesia ambo pak Rumzy. () > Taun 69, ambo pindah ka SMA 3 Bukiktinggi, dan tamaik di sinan. > Mulo-mulo ingin pindah ka SMA 1, sabab labiah dakek, padohal bagai > ambo ditarimo di sinan tahun 67. Tapi sakola tu katiko itu panuah. > Ambo kecek-an ka pak Sunariaman, kapalo sakola wakatu itu, sagadang ko > sakola, lai kamungkin panuah, go pak. Jawek baliau, indak picayo ang, > mari den caliak-an lokalno ciek-ciek. Iyo bana dibao baliau ambo > mancaliak kalas tigo tu, kirono iyo lah panuah sasak. > (..) RantauNet http://www.rantaunet.com Isikan data keanggotaan anda di http://www.rantaunet.com/daftar.php --- Berhenti menerima RantauNet Mailing List, silahkan ke: http://www.rantaunet.com/unsubscribe.php ===
Re: [RantauNet.Com] Dialiah pulo kaji saketek
Io hebat memeori Lembang. Langkok. Tunggak didalam bus itu adolah untuak panyanggo muatan di atok bus. Karano pado maso itu "bagasi", "export" dari sumbar, dilatakkan diateh atok, mambubuang. Sahinggonyo bus tu barek kaateh. "marantau" paratamo akhia 1970, ambo jo truk barang makanan, sayua, export sumbar ka riau. Kiktinggi - PBaru. Truk 20ton, roda 8, yang saroman jo mobil box kini, ruangannyo dari sopir langsung lapeh kapintu bulakang, dibulakang sopir ado satu baris untuak panumpang. Bandaro ~ Muhammad Dafiq Saib wrote: (. dikuduang .) > cencong. Oto maetek-etek juo laguah lagah. Kadang-kadang amuah talakak > kapalo awak katunggak (ado tunggak bagai di dalam oto tu). Malalui > rimbo gadang. Masih ado 'inyiak' malinteh biasono di jalan. Malalui > Pangkalan Koto Baru, (...) > Itulah ari partamu ambo pai marantau, di awal taun 67. > > St. Lembang Alam RantauNet http://www.rantaunet.com Isikan data keanggotaan anda di http://www.rantaunet.com/daftar.php --- Berhenti menerima RantauNet Mailing List, silahkan ke: http://www.rantaunet.com/unsubscribe.php ===
Jawab tanyo: [RantauNet.Com] Dialiah pulo kaji saketek
Assalamu'alaikum wr.wb., Manolah Z nan Palai_Rinuak, Antahlah kalau namo baliau pakai Bachtiar di balakang. Ciri-ciri baliauko bakaco mato, badan agak kuruih saketek, abuak basega luruih ka balakang. Itu nan takana di ambo. Baliauko nan maaja 'prinsip ekonomi' katiko itu, jo contoh urang manggaleh kurisiak. Indak bapokok, tapi maasia-an untuang. Tantu asa indak di upah-an pulo maangkek kurisiak tu. Rancak juo rupono ambo sabuik namo guru-guru ambo saisuak tu. Kok nyampang ado nan bakatauan bagai jo baliau. Ado juo lai garan, nan alun ambo sabuik kapatang. Pak Hasan Basri Datuak Bijo (almarhum) guru agamo, pak Kataren (iko antah-a lah garan nan di ajano, tapi liau-ko palatiah Pramuka). Guru bahaso Jerman, gapuak, alah baumua katiko itu, lupo ambo namo baliau. Baliauko urang Koto Gadang, bapandidikan Bulando, sangaik sitereng. Kalau awak duduak di kalas tangan musti balipek, kok ka mangecek, tangan musti diangkek dulu. Kasudahanno jadi garah-garah di kami nan mantiko-mantiko katiko itu. Wassalamu'alaikum wr.wb., Lembang Alam Z Chaniago <[EMAIL PROTECTED]> wrote: Manolah mamak Lembang Alam, satolah ambo ciek batanyo kok lai ka buliahapokoh guru Ekonomi mamak-nda pak Deliar itu namo lengkapnyo DELIAR BACHTIAR ? , nan sabalun pensiun jadi Dosen di UNRI ?Z Chaniago - Palai Rinuak -http://photos.yahoo.com/bada_masiak/ St. Lembang Alam Do you Yahoo!? SBC Yahoo! DSL - Now only $29.95 per month!
Re: Jawab tanyo: [RantauNet.Com] Dialiah pulo kaji saketek
Assalamu Alaikum W. W. Jadi agak tarang tarang lareh duduak caritonyo. Lembang tu mantan murid SMA PAPC yaitu sebuah sekolah yang dikelola oleh sebuah Yayasan Pendidikan Anak Pegawai Caltex. Kalau bundo tak salah dananya dari goni bekas. Bundo tu karyawan Caltex nan manjadi guru. Namo sikola tu SDC (Sekolah Indonesia). Bundo ikuik maaja di SMP sore tu . Sekolah Indonesia dan Sekolah Amerika dibawah satu atap - yaitu dilembah dekat Tennis Ban dekat kilo 3. Kalau lagi sekolah kami bisa lihat orang lagi main golf. Indak lamo bundo maaja di SDC tu mako Sekolah Amerika tu pindah ka Km 5 dan bundo juo ikuik pindah. Sudah SDC tu bubar dan guru-gurunyo dipindah dari sikola ka kantua dan disitu bundo baru manjadi Computer System Analyst. Bundo iyolah lai kenal Yufimar Ali (dipanggie Uf) kalau indak salah istrinyo namonyo Ani dan inyo pindah ka Pertamina basamo Sanusi Tiwar. Dimano mereka kini? Kalau bundo lai masih ingek indak tahu inyo dek lah lamo. Sampaikan salam dari Rumzy dan Nismah. Kok ayah inyo tu manjadi guru di Training Center dan terakhir di HRD Rumbai. Ayah tu sempat disikolakan Caltex di University of Michigan di Ann Arbor dan disinan inyo dapek Master. Rumzy nan ciek lai tu iyo urang Pikumbuah juo dan lah maningga namonyo Rumzy Rusli. Kok guru guru tu banyak nan kenal bundo (Pujo lah maningga, pak Harun lah maningga)kalau Datuak Bijo inyo rukun sekali dengan Seberang Tabek yang beragama Kristen. Datuak Bijo ko banyak nan mambao urang palang ka Islam. Sakian mancubo maingek sekelumit kenangan lamo Wassalam Bundo NismahMuhammad Dafiq Saib <[EMAIL PROTECTED]> wrote: Assalamu'alaikum wr.wb., Manolah Z nan Palai_Rinuak, Antahlah kalau namo baliau pakai Bachtiar di balakang. Ciri-ciri baliauko bakaco mato, badan agak kuruih saketek, abuak basega luruih ka balakang. Itu nan takana di ambo. Baliauko nan maaja 'prinsip ekonomi' katiko itu, jo contoh urang manggaleh kurisiak. Indak bapokok, tapi maasia-an untuang. Tantu asa indak di upah-an pulo maangkek kurisiak tu. Do you Yahoo!? SBC Yahoo! DSL - Now only $29.95 per month!
