Assalamualaikum ww
Iyoo lo tu
mah dek mak ustad St. Lembang
Iko indak
sajo tugas para dai, awak pun diminta sangaik berperan aktif dilingkuangan
masiang2, silakan jadi role model
Ah... tapi
ado ciek, mukasuik ambo buliah nak sakali ba-laia dua tigo pulau
talampaui, indak salah doh memanfaat-kan moment baik jelang pemilu
ini para parpol Islam berda'wah sambil sosialisasi partai namun di pa-aluih
main-nyo sangenek hingga tidak terkesan "curi2 start" (ingat selaku partai
da'wah yang berdasarkan Islam kan kito maklum "mancilok tu kan haram" antah kok
indak?)
wasalam
abpiliang
-Original Message-From:
Muhammad Dafiq Saib [mailto:[EMAIL PROTECTED]Sent: Monday,
August 25, 2003 1:57 PMTo:
[EMAIL PROTECTED]Subject: [RantauNet.Com] Pangajian kami
pagi-ko
(dikirim ulang, kapatang indak lalu)
Assalamu'alaikum wr.wb.,
Pangajian kami jo ustad Muntaha pagiko mambahas tantang ilmu jo iman nan
musti basaratoan. Bailmu sajo indak ado iman mungkin kamandapek sabagian dari
dunia tapi indak kamandapek apo-apo di akhiraik. Baiman sajo indak bailimu
dengan mudah di padayoan urang akhir-no, di dunia sangsaro di akhiraik-pun
indak ditarimo pulo dek Allah untuak masuak sarugo.
Iko rasono paralu bana diranuangkan di awak.
Banyak anak-anak mudo awak, kamanakan-kamanakan awak nan di sakolaan
tinggi-tinggi. Jadi urang pandai. Jadi urang nan mampu bapikia kritis, tapi
kurang dalam hal kaimanan. Kurang dalam pamahaman agamo. Agamo dibaono jo
logika. Agamo diinterpretasikan no jo angan-angan. Jo patuik atau indak patuik
manuruik pola pikia nan banyak dipangaruhi ilmu nan datang dari baraik.
Sahinggo pamahaman agamo cako jadi rancu. Jadi semena-mena. Sadiah awak
maagaki.
Ado pulo disubaliak itu anak-anak awak, kamanakan-kamanakan awak nan
sangaik bana mangaji. Nan sangaik bana taguah kaimanan. Sumbayangno taaik,
Allahu rabbi. Kaniang no bakasan bakeh sujuik. Bajangguik walaupun tumbuah
jangguik tu jarang-jarang tapi dipanjangan jo kaimanan nan taguah nan bahaso
itu 'sunah'. Kadang-kadang bagamis, basaroban. Sanang ati mancaliak mareka
punyo kayakinan nan sarupo itu. Iko sungguah-sungguah, bukan cimeeh. Tapi
katiko dibao badiskusi, pakaro hal-hal nan sederhana, bangkik sadiah awak dek
pamahaman anak-anak sarupo iko 'dangka'. Dunia ko dibacono hanyo hitam jo
putiah sajo, indak ado abu-abu no saketek juo. Padohal agamo paralu ilimu.
Agamo paralu panafsiran. Panafsiran nan jujur, nan ado dasarno, sasuai jo
Quran jo sunnah.
Mako di pangajian pagiko kami mambahas bagaimana buruakno akibaik dari
kataguahan iman nan indak diimbangi jo daya pikia nan kritis nan diajakan dek
'ilmu'. Bukan tidak mungkin kalamahan sarupo iko diparalaik urang lain, untuak
mamprovokasi anak-anak awak, kamanakan-kamanakan awak nan sumangaikno sangaik
tinggi, sangaik militan tu untuak kudian malakukan karajo nan sabanano
marugikan kaumaik Islam maupun ka imej urang lain tantang Islam. Dek indak
bailimu, murah diurang mangicuah awak, untuak marusakkan agamo awak dari
dalam.
Wallahu a'lam.
Wassalamu'alaikum wr.wb.,
Lembang Alam
St. Lembang
Alam
Do you Yahoo!?Yahoo!
SiteBuilder - Free, easy-to-use web site design
software
