Subject e-mail ko: Alun membudaya (dari Mak Ngah)
Ambo tambahkan: Indak tau caro mambudaya-kan nyo,
Indak tau dari maa dimulai mambudaya-kannyo.
Indak tau bilo mamulai mambudaya-kannyo.
Barikuik ko ambo agieh contoh ba'a mambudaya-kannyo.
Contoh iko dari pangalaman bakarajo jo 'Mak Utieh'.
Ado talipon, fax jo electronic mail. Kasadonyo tu alun mambudaya dek urang awak lai.
Ambiek contoh talipon se lah dulu nan lah ado sajak jaman Bulando. Kalau urang awak
Indoin manjawek talipon "Hallo..."
Baitu 'kan? Dek 'Mak Utieh' indak bulieh coitu doh. Musti di jawek:
"Di dapue disiko, Badu nan mangecek, aa nan bisa den tolong mak,pak, uni,tuan..".
Basugiro, batunjuakkan sungguah jo sanag ati malayani talipon tu. Iko di kontrol
sacaro reguler, dipakecekkan di rapek mingguan atau bulanan. Dibuek edaran baa caro
manjawek talipon atau satiok permintaan nan masuak, diadokan kursus untuak itu. Iko
kini, indak saisuak do. Iko bagian dari customer service. Customer service ko indak
teori sajo doh, tapi di praktek-kan dan di evaluasi sacaro reguler. Di urang awak
mambuek teori indak kalah santiang nyo do. Tapi dipraktek awak katinggalan. Bak
kecek buya: ilmu lai tapi amal alun lai.
Baitu juo untuak alat-alat serta tata cara yang lain. Dibudayakan.
Dibudayakan. Diusahakan, Diusahakan, kini juo, kini juo, induak batunggu bapabiakan
se doh.
Mungkin sanak-sanak nan bakarajo jo urang lain bisa lo manambahkan atau komentar.
Abrar.
Date: Thu, 10 Aug 2000 10:38:01 -0700 (PDT)
To: [EMAIL PROTECTED]
From: Sjamsir Sjarif [EMAIL PROTECTED]
Subject: Alun mambudaya, Re: [Rantau-Net] Bkt. ke depan dari Pak Wali
Reply-To: [EMAIL PROTECTED]
At 6:34 PM +0700 8/10/00, Sjamsir Alam wrote:
Ambo raso, masalahnyo cuma, urang-urang gadang ko
indak punyo waktu untuak baimelria ko. Tambahan
lai, indak banyak urang gadang ko nan bisa maoperasikan
komputernyo surang. Iko jadi alangan gadang
untuak maakses internet.
Sabananyo alat komunikasi ko alun mambudaya di Indonesia lai.
Punyo alat-alat canggih alun tantu dapek manggunokannyo dengan
efektif lai. Bukan sajo "urang gadang-gadang" tu bahkan pihak bisnis
pun lalai, jauah tingga di bulakang. Misanyo hampia tiok kantua nan
kayo lah punyo masin Fax jo Email. Tapi lalai atau indak manggunokannyo
dengan efektif.
Ambo panah maemail dan mamfax Toko Buku Gramedia, Penerbit Erlangga,
babarapo wakatu nan lalu indak ado balehnyo doh. Toko buku Balai pustaka
akhirnyo lai mambaleh sasudah Angku Bandaro jo add H. Hadi pai manunjua
datang sacaro paribadi, manuruiki pasan, ka sinan.
Baitu juo baru-baru ko ka Profesor UI di Depok dan Profesor di Surabaya
nan manyeponsor Konperensi Bahasa Indonesia indak ado pulo jawabnyo.
Mungkin alat-alat canggih ko masih palagak sajo baru, ka gengsi sajo,
saroman lamari es (kulkas) baru kalua saisuak dilatakkan di kamar muko,
bukan di dapua doh. Sudah tu kitodangan barito busuang lapa, korbannyo
malahan kabanyo tamasuak dari kaluarga nan punyo kulkas bakilek ko.
Tambahan lai, budaya manulih alun manjadi darah dagiang lai. Budaya kito
masih budaya oral, oral tradition. Barangkali itu sababnyo Lapau kito agak
menarik karano kito namokan kito maOta, bukan maNulih...
...
Ko pangalaman ambo:
Sakiro duo taun nan lalu, Nyiak Sunguik mambuek mail ka konconyo
salapiak sakatiduran saisuak dan di-cc-kan ka ambo.
Khawatir surek ko indak sampai, ambo printkan dan
ambo agiahan ka aspri baliau. Yakin bana ambo surek
ko disarahan dek aspri baliau sasudah tu. Sudah tu ambo tanyoan ka
operator komputer baliau dan dijawek, lah balaiau tarimo dan
lah baliau print pulo untuak disampaikan ka bossnyo. Tapi sampai
baliau baranti jadi rektor, satau ambo, baliau indak pernah mambaleh
imel tu doh.
mS
Indak mambaleh email tu ambo raso bukannyo barati baliau lah lupo
jo ambo. Tapi itu karano memang budaya email tu masih alun
dipagunokan. Wakatu ambo pulang dahulu, ambo bajalan di pasa rami
di Kampuang Jawo Padang, tadanga di ambo ado urang maibmbau
ambo sambia balari-lari dari bulakang: Sir, Sir! (Bukan Sir Caro Inggirih,
tapi panggilan namo pendek ambo dari Sjamsir). Takajuik ambo, kironyo
Yan kawan lamo ambo lari-lari sambia pakai sandal diiriangi pulo dek
induak barehnyo Ida pun kawan ambo sakalas di BI Sejarah dahulu.
Sudah barangkuah-rangkuahan di tamek rami tu, ambo akhianyo dibawo
singgah pulang ka rumahnyo dan kami maota panjang kailia kamudiak
carito lamo.
Ambo alah mamaohkan baliau lahia batin karano baliau alah mandahului kito.
Sayang ambo indak sempat basuo jo baliau dakek-dakek sabalun baliau
pai sajauah tu. Ambo pun hanyo sempat manyampaikan kondolesens
(pernyataan berdukacita) ambo malalui email di Lapau pulo. Mudah-mudahan
baliau dapek baistirahat dengan amannyo di Alam Baqa tampek kito kambali
kapadoNyo.
Salam,
Nyiak Sunguik
X Sjamsir Sjarif
Indonesian Translator and Cultural Consultant
Tel. (831)-426-1333 Fax (831)-426-8907
Email: [EMAIL
