Yth Kakanda Bandaro dan Kakanda Damrus Lukman
Ambo mancubo manjawek tantang nagari Kumango atau kampuang ambo tuh, tapi
sabalunnyo jiko ada salah mohon maaf karano ambo gadang dirantau urang(Medan
dan Jakarta).
Apo nan dikatokan oleh uda Damrus Lukman banyak nan batua, Kumango memang
salah satu nagari dibawah kecamatan sungai tarok, Kab. Tanah Datar. Kalau
dari Batusangka kito manuju jalan ka Bukit Tinggi dan Payakumbuah(jalan
basimpang duo satalah tabek patah). nagari nan dilewati adalah
1. Sungai Tarok ( 5 Km dari Batusangka)setelah itu
2. Rao-rao, sabalun rao-rao lebih kurang 2 Km dari Sungai Tarok
ada Simpang ka Kiri Pasie Laweh, Ka kanan Kumango, Dari Simpang itu alah
tamasuak Kumango ( Kumango Selatan ) dan kemudian taruih ka dalam lebih
kurang 3 Km. dan akan basuo jalan basimpang baliek, nan ka Hilia ka (ka
kanan) ka Sungayang dan bisa baliak ka Batusangka, dan nan ka mudiak (ka
kiri) ka rao-rao lebih kurang 1 Km.
3. Rao-rao setelah itu
4. Mandahiliang taruih jalan
5. Salimpauang
6. Tabek Patah dan sudah itu ada jalan basimpang duo,nan kakiri ka
Baso terus ka Bukit Tinggi, nan ka kanan ka Payakumbuh malewati nagari
tanjuang alam, dan barulak, kaluanyo di Piladang lebih kurang 10 km dari
Payakumbuah
Samaso ambo ketek(th 74-75) dulu Kumango cukup banyak panduduaknyo dan tapi
kini agak langgang karano banyak nan marantau, manuruih carito urang gaek
saisuak dek banyaknyo urang kumango marantau dan kabanyakan mangaleh dan
diagiehnya namo tokonyo toko kumango, lamo kalamoan galehnya batuka-tuka dan
tatap sajo namonyo galeh kumango(antah iko batua antah indak ambo sandiri
indah pernah mandalaminyo). Masajid Kumango sampai saat iko masih rancak dan
ala lamo masuak listrik, kalau tidak salah sajak Pak. Yanuar Muin mamaciak
PLN SUMBAR-RIAU tempo hari, karano Pak Yanuar Muin urang Sungayang tatangga
Kumango. Bahkan kapatang ko wakatu ambo pulang telepon untuk Kumango Selatan
alah ado pulo. Di Kumango ado seorang Syech. yang terkenal sampai ka Luar
nagari, dan Baliau sudah lamo meninggal dunia dan kuburannyo didalam masajid
, namonyo musajid subarang dan kuburan itu pakai kulambu dan banyak urang
datang manziarahi, ambo sendiri ala pernah manciliak tampait itu, ado kesan
sarupo kuburan wali-wali kalau di jawa namun ambo anggap hal itu kembali
kapada masiang-masiang urang punyo kaimanan.
Itu nan dapek ambo caritokan, mudah-mudahan kakanda Bandaro jo kakanda
Damrus Lukman punyo kalapangan wakatu untuak manyilau atau singgah di
Kampuang ambo dan sekaligus dapek mancocokkan informasiko atau batanyo
kaurang kampuang kalau ada nan kurang jaleh.
Wasalam
Nurman Firman
-Original Message-
From: Bandaro [EMAIL PROTECTED]
To: [EMAIL PROTECTED] [EMAIL PROTECTED]; Sjamsir Sjarif
[EMAIL PROTECTED]; Masdar Masdar [EMAIL PROTECTED]
Date: 03 Februari 2001 6:18
Subject: Kumango (Re: [RantauNet] Pendaftaran anggota baru)
Adinda Nurman Firman jo sanak lain nan tau.
Apokoh Kumango ko ( Sg Tarok), barado diantaro Batu Sangka jo Baso ???
Dimaa tapekno ??? Tolonglah dipapakan saketek manganai nagariko
Dari mano sajo jalan masuak / arah / tambuih kamaa sajo?
Mungkin point-point spesifik nan ado di nagariko.
Apokoh iko asa kato padagang "kumango" ??
Angku Pakieh Sutan.
Kalau ndak salah ( = batua) ambo liwaik ka Sg Tarokko taun '95,
io sabana rancak musajik tu, tabayang-bayang sampai kini.
Untuak kamanakan nan gadang dirantau :
Galeh "kumango" iko adolah jenis isi / dagangan toko, yaitu barang-
barang ( biasono ketek-ketek) kaparluan sahari-hari rumah tanga
( bukan ; makanan - pakaian - alat dapur - elektronik).
Ndh .. io sulik pulo mah mandepinisikan kumangoko,
tolng . mak Ngah.
.. langang baleerong .. salamaik wik'en
Bandaro
From: "Nurman Firman" [EMAIL PROTECTED]
Ass. W W uda Damrus Lukman Pakieh Sutan
Ambo pernah mandanga namo urang gaek uda tuh, tapi wakatu itu ambo masih
di SMP di Bukit Tinggi, dan pulang ka
Kumango sakali-sakali dibawo dek urang gaek ambo. Untuak Kalikih jo
pisang buai lai
( dikuduang .)
Wassalam
Nurman Firman
(.)
RantauNet http://www.rantaunet.com
=
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=
RantauNet http://www.rantaunet.com
=
Mendaftar atau berhenti menerima RantauNet Mailing Li
