Assalamualaikum wr.wb.,
Bandaro manyurekan:
Cando ikolah "kemajuan Street Justice" di Jabotabek.
Di Batawi ; surang penjahat / penodong / perampok sepeda motor,
nan ditangkok umaik lalu dibaka iduk-iduk .itulah acok tajadi dan
manjadi "rutinitas"
Nan sakaliko io sabana balabiahan, dek karano itu paralu dikatangahkan disiko.
Saptu sore 6 Juni, di Terminal Kampungrambutan, Jak Tim
lima tersangka penodong / pemalak ditangkap - dikeroyok massa. Mereka berlima
ditumpuk - disiram minyak dan dibakar hidup-hidup.
Seorang berusaha lari sambil terbakar dia ditangkap lagi dan
dibakar. Semua tewas, ... ditonton ratusan orang.
Baitulah "pangadilan kami " nyiak ..
Polisi ??? Polisi pura-pura indak tau ... atau diusir oleh massa.
(SLA)
Mambaco barita dari saari kasaari kiniko iyo tacangang-cangang awak. Bakacamuak rasono
dalam hati mancaliak ganehno masarakaik awakko kini. Baa mangko lah sarupo iko bana
laku urang, baa mangko sarupo iko bana ganeh masarakaik, baa mangko sarupo iko bana
indak badayono hukum di nagari awakko.
Lah sudak dihinok dihaniangkan, diuruikan kadado, tibo juo bana saketek-saketek. Nan
alah tajadi kapatangtu, kasadoanno nan alah balalu tu, kalau awak bao bacamin
kadalam iman, itulah nan dikecekan didalam rukun iman agamo awak sabagai takadia
(taqdir), lah kahandak dari Nan Maha Kuaso. Rukun iman nan kaanam nan mangecekan.
iman kabakeh takadia, nan baik jo nan buruak. A bana nan takadia ko tantu alah samo
tau juo awak, apo sajo nan di garakkan dek Allah, nan alah tajaditu adolah takadia
kasadono.
Kalau Allah bakahandak urang nan balimo cako mati jo caro sarupo itu, ditangani urang
barami-rami, bahkan sampai dibaka urang iduik-iduik, sampai tagak bulu ramo awak
mancaliak, dan itu alah tajadi sarato indak surang juo urang bisa maambekno, aa ikolah
nan takadia tu.
Batanyo pulo ati awak baliak, baa mangko sarupo itu bana takadia Allah, baa mangko
sarupo itu bana ganeh manusia di pabiaan sin dek Allah. Disiko sabanano kajiko muloi
agak jaleh. Bahaso manusiako kalau alah didayo setan hatino, bisa jadi labiah
manakuikan, labiah mengerikan lakuno dari binatang bueh, dari arimau campo. Lanteh
anganno mangarajoan karajo nan indak tangguang jahilno, bukan main ganehno, sabana
manakuik buehno. Dari maso kamaso, alah nampak parilaku manusia nan sarupo itu, nan
bahati labiah bak binatang. Dan iko alah didalam ilmu Allah kasadono. Itulah sababno,
Allah maajaan manusia untuak mamakai hukum jo undang-undang dari Allah, nan gunono
untuak mamaliaro manusia dalam iduikko dari kajahilan, karusakan, kazaliman dari
surang kalain urang. Kalau Allah maajakan supayo urang nan manciluik dipotong tanganno
(Q: 5:38), kalau urang mambunuah dibalehan baliak jo qisas (Q: 2: 178) tujuanno lain
tidak adolah untuak malindungi masarakaik banyak, supayo indak ado nan !
barani malakukan karajo sarupo itu sabab barek padananno. Namun awak, manusiako,
manusia Indonesiako, nan mayoritas adolah Muslim di nagariko, indak picayo atau
mungkin indak katuju jo hukum nan sarupo itu. Awak labiah picayo jo hukum awak
surang, nan bisa dibali, nan bisa di bak jano awakkan. Padohal Allah alah manjalehan
tigo namo bagi urang-urang nan maambiak hukum salain hukum Allah ko di ujuang-ujuang
ayat 44, 45 jo 47 surek Al Maidah sabagai urang nan kapia, zalim jo pasiak.
(Barang siapa yang tidak memutuskan hukum menurut yang diturunkan Allah, maka mereka
adalah orang-orang yang kafir (44), zalim(45), fasik (47).).
Dari nan alah ditakadiakan Allah kini nangko, dima hukum nan zalim, nan pasiak nan
tatap juo awak pagunoan, diagiah palajaran dek Allah jo contoh nan manakuikan, manjadi
indak jaleh aturan, manjadi beringas manusia, manjadi indak bajalan hukum, manjadi
balaku hukum rimbo, laikoh pamimpin-pamimpin kito maambiak palajaran, laikoh marekako
bapikia, laikoh marekako takuik? Dan baa pulo diawak?
Mako pasan panutuik, marilah awak nan indak manga-mangako, awak paeloki juo laku, awak
jauhkan nan dilarang Allah, awak karajokan nan diparintah Allah, sadapek-dapekno ijan
sampai baurusan awak jo hukum diduniako, sadangkan untuak diakhiraik banyak-banyak
awak mintak ampun kapado Allah, supayo dijauhkan Allah dari hukuman Allah nan jauah
labiah barek disinantu nanti..
Wallahu alam
Wassalamualaikum wr.wb.,
Lembang Alam
Free Web-email --- http://mail.rantaunet.web.id
Minangkabau WebPortal --- http://www.rantaunet.web.id
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecordtbl=1
=
WEB-EMAIL GRATIS ... @rantaunet.web.id --- http://mail.rantaunet.web.id
=
Subscribe - Mendaftar RantauNet Mailing List, kirimkan email
Ke / To:
