Vegna óveðursins verður POI söfnuninni frestað þar til 17. nóvember,
gefið að það sé göngufært þá.
- Svavar Kjarrval
On 29/10/12 22:07, Svavar Kjarrval wrote:
Hæ.
Ég ræddi við fólkið í Sjálfsbjörg, landssambandi fatlaðra, um daginn og
fékk samþykki þeirra til að redda upplýsingum um POIs í þeirra nafni.
Þetta er ekki formlegt samstarf milli OSM og þeirra. En þar sem söfnunin
gagnast OSM sérstaklega, þá datt mér í hug að redda sjálfboðaliðum
héðan. Söfnunin er alfarið á mína ábyrgð og þeirra sem vilja deila henni
með mér. Samkomulagið snýst eingöngu um að geta sagt að söfnunin sé á
vegum Sjálfsbjargar og síðan fæ ég netfang til afnota hjá þeim til að
senda út tölvupósta í tengslum við hana. Það er auðveldara að fá
upplýsingar ef hægt er að tengja þekkt samtök við slíkar beiðnir. Síðan
er auðveldara að kynna söfnunina sem hjálparverkefni fyrir fatlaða
heldur en söfnun gagna fyrir OSM.
Téð verkefni snýst um það að redda POIs og upplýsingum um þá fyrir
OpenStreetMap og þær upplýsingar munu í framhaldinu rata inn á
Wheelmap.org. Notendur Wheelmap, sem eru að mestu hreyfihamlaðir
einstaklinga, geta þá á auðveldari hátt en nú merkt hjólastólaaðgengi
hjá fyrirtækjum. Þær upplýsingar rata síðan inn á OSM grunninn þar sem
gagnaskiptin eru tvíátta. Ef staðurinn er ekki inn á Wheelmap þarf
viðkomandi einstaklingur að setja hann inn sjálfur en það getur verið
nokkuð erfitt fyrir hreyfihamlaðan einstakling. Hann gæti þá frekar
valið að sleppa því að setja inn þær upplýsingar ef hann getur ekki gert
það án mikils erfiðis.
Fyrsta skrefið væri að gera nokkurn veginn það sem ég gerði í
Hafnarfirði, s.s. að ganga um með síma og taka myndir af upplýsingum.
Myndirnar eru taggaðar með GPS staðsetningu svo augljóst er hvar þær
voru teknar. Með þær að vopni er hægt að setja inn POIs á OSM ásamt þeim
upplýsingum sem eru utan á byggingunum. Prufusvæðið fyrir þetta ákveðna
verkefni er Laugavegurinn frá Hlemmi og að Lækjargötu; Þá þarf ég
sjálfboðaliða til að taka myndir hinu megin við götuna. Mig langar ekki
að vera stöðugt á ferðinni yfir götuna og því þætti mér betra ef einhver
annar væri með í þessu.
Eftir þessa upplýsingaöflun reyni ég að púsla þessum upplýsingum saman
og setja þau öll inn á réttan stað í OSM ásamt öðrum upplýsingum sem
náðust myndir af. Þá kemur að hluta Sjálfsbjargar en ég fæ afnot af
netfangi undir þeirra léni til að senda út tölvupósta til allra þessara
fyrirtækja (þar sem netfang liggur fyrir) og biðja þau um að staðfesta
upplýsingarnar og bæta við þeim upplýsingum sem á vantar. Ef engin
rafræn leið er í boði fá þau fyrirtæki heimsókn frá okkur til að gera
þetta á pappír.
Þriðji parturinn, eftir að allt hitt er búið, eða að mestu, er að taka
létta ferð um svæðið og merkja þá staði með rauðu sem augljósast er að
vantar aðgengið. Þá er svæðið búið og hægt að fara yfir á það næsta.
Hver vill aðstoða mig með þetta? Mig langar að stefna á að hefja
ljósmyndunarpartinn næsta laugardag eða sunnudag. Áætla lauslega að
ljósmyndunarhlutinn gæti tekið um 2 klst. ef ég fæ einn sjálfboðaliða.
Hver hefur tíma þá til að hjálpa mér?
Með kveðju,
Svavar Kjarrval
signature.asc
Description: OpenPGP digital signature
___
Talk-is mailing list
Talk-is@openstreetmap.org
http://lists.openstreetmap.org/listinfo/talk-is
