Sælt veri fólkið. Vil minna fólk á Android-forritið StreetComplete sem getur verið mjög gagnlegt til þess að skrá inn tilteknar upplýsingar um hluti sem eru komnir inn á OpenStreetMap. Þá getur maður gengið um og fengið upp spurningar um ýmis fyrirbæri í nágrenninu sem maður getur síðan svarað. Áherslan er samt lögð á einfaldleika upplýsinganna sem maður þyrfti að afla. Breytingarnar eru settar inn gegnum OSM aðgang hvers og eins þannig að viðkomandi þarf að skrá sig inn í gegnum forritið til að breytingarnar fari inn.
Til að mynda hef ég verið að fylla inn upplýsingar um hvort einstaka strætóbiðstöðvar eru með biðskýli eða ekki. Síðan eru aðrar tegundir spurninga eins og hversu mörgum hjólum sé hægt að leggja á hjólreiðastæði, hversu margar hæðir hús hefur, hvers kyns gangbraut er um að ræða, og hvort boðið sé upp á salernisaðgengi á tilteknum stað. Til að sjá fleiri dæmi um spurningar er hægt að skoða https://wiki.openstreetmap.org/wiki/StreetComplete/Quests . Þetta gæti verið gagnlegt fyrir fólk sem er að leita að tylliástæðu til þess að fara út í göngutúr. ;) Nýlega var bætt við þeirri virkni í forritið að fólk getur hunsað tilteknar spurningar og einnig sett forgangsröðun á þær. Hvet fólk til þess að kíkja á forritið og þau sem hafa þegar kíkt á það að prófa það aftur. Forritið er fáanlegt í Play Store á þessari slóð: https://play.google.com/store/apps/details?id=de.westnordost.streetcomplete Með kveðju, Svavar Kjarrval _______________________________________________ Talk-is mailing list Talk-is@openstreetmap.org https://lists.openstreetmap.org/listinfo/talk-is