Re: [Urang Sunda] Rahasia Illahi dina bulan puasa
Ari kuduna mah ngucap sukur, geuning barudak jaman ayeuna, contona Jang Opal, estuning dareukeut keneh ka bedug, henteu jauh ka bedug. Bedug mencuri start mah eces rejeki ti Pangeran, kawas mangkukna kuring teu ngahaja jam 9-an ngasaan susu budak (susu kotak, lain susu nu hiji deui), milik mah ti mana we... jaba susuna susu stroberi deuih... komo mun di'esan... emh... kacipta... gell... Lebah telat saur, ulah ngalepatkeun Jang Opal atuh, da eta mah tos eces kalepatan salira sakulawargi anu kareblukk! Heuheu Kumaha nila teh, tos majad can? On 9/18/07, Dena <[EMAIL PROTECTED]> wrote: > > Kabeh pating garajleng, rek saur! Rurat reret can > aya nanaon!!! Ret kana jam, jan 04.19. Beu labras > ieu mh tibra nakeran. Nepi euweuh nu ngadenge alarm! > Ahirna ukur saur ku aqua we sagela kabehan! > > Boa-boa hukuman ti Pangeran pedah magrib buka > tiheula, alatan si opal bangkar warah!!! > -- sikandar kumincir.blogspot.com
[Urang Sunda] Rahasia Illahi dina bulan puasa
Mulang ti Garut kota sareupna magrib. Nyampak si teteh geus tatahar nyiapkeun kadaharan jang buka. Langsung we diuk ngurilingan kadaharan meunang si teteh. Iwal ti ti indung budak, da ngelap heula budak orok. Teu dimandian da geus sore teuing. Jeungna rada pilek ketang. Teu lila, "dur dur" sora bedug 2 kali ditakol. Der weh, allohuma laka shumtu...bari nyuruput cendol! Meni nikmat pisan. Kabeh baruka ku cendol jeung kolek. Iwal ti indungna tea we nu can buka teh. Barang keur cecelebekan tuang liwetNa atuh "dur dur" sora bedug deui! Kabeh calangap, euweuh nu henteu!!! Naha bet ditakol deui? Jeung, nu kadua mah dituturkeun adzan! JADOL siah, moal salah anu tadi nakol bedug kahiji mah pasti si Opal. Budakna tatangga anu umurna 8 taun. Harak kacida eta budak geus kawentar! Geus teu kuat ku lapar jigana manehna teh. Jadi nakol bedug tiheula! Deueueuh Gust hampura sanes lepat abdi sadaya ngabatalan ti payun, nyanggakeun we tah si Opal mangga jantenkeun bedug! Teuing hukuman ti Nu Maha Kawasa buka puasa miheulaan 5 menit ti batur. Na atuh ari pas keur sare tibra, indung barudak kadangu ceuceuleuweungan ti kamar orok (uing sareng jeung pangais bungsu) : "Teteh gugah imsaaak! Aa gugah imsk! Ayah gugah imsaaak!" Kabeh pating garajleng, rek saur! Rurat reret can aya nanaon!!! Ret kana jam, jan 04.19. Beu labras ieu mh tibra nakeran. Nepi euweuh nu ngadenge alarm! Ahirna ukur saur ku aqua we sagela kabehan! Boa-boa hukuman ti Pangeran pedah magrib buka tiheula, alatan si opal bangkar warah!!!