Leres Kang Durahman,
"Pemugaran" Situs Cipari, Kuningan, lebet kana program Disbudpar
Jabar dugi ka tahun 2001 (rupina saparantos otonomi daerah teras
dipasrahkeun ka Pemda Kabupaten Kuningan). Ningali kana bahan anu
digunakeun anu kalebet neolitikum, horeng kalebet buhun pisan nya
kabudayaan di TS teh, khususna di Cipari, Kuningan. Kukituna, atuh
migrasi karuhun teh rupina tos dikawitan tebih ti awal abad ieu.
Pakait sareng kanyataan eta, si kuring rada pogot oge mukaan situs
di alamat ieu, anu mintonkeun hasil gawe tim arkeologi di India,
pernah di basisir kiduleun Gujarat. Hasil panalungtikan eta tim teh
ngebrehkeun papangihan arkeologi handapeun laut anu sanggeus
ditalngtik leuwih jero, dicindekkeun kamungkinan yen carita
pawayangan Mahabrata teh lain ukur dongeng. Mangga pariosan bae di
dieu: http://www.atributetohinduism.com/Dwaraka.htm.
Naon matak nangtangna kana panalitian arkeologi di TS? kacida matak
ngirutna. Upamana bae, upama kabudayaan manusa teh anu heunteu bisa
disebut primitif, geus aya ti simet 7000 SM di India, nyaeta di
Dwaraka tea, tangtu baris gede pangaruhna ka wewengkon
sabudeureunna. Nya keur ukuran migrasi kabudayaan mah jarak India-
Nusantara teh heunteu jauh. Hartina, kamungkinan kabudayaan geus aya
di Indonesia ti simet 5000 SM bisa bae. Eta nu kahiji anu kalintang
nangtangna pikeun ngoronjatkeun panalungtikan arkeologi di urang.
Kaduana, umumna tilemna bukti-bukti "peradaban" teh ku ayana bencana
alam, sakumaha kajadian anu karandapan ku nagri Dwaraka. Tah lebah
dieu, gede kamungkinan tilemna karaton jeung wewengkon istana
karajaan Pajajaran oge ku bencana alam, upamana bae taneuh turun
atawa gunung bitu anu nutupan eta patempatan. Ieu oge matak ngirut
keur panalungtikan saterusna ngeunaan bukti-bukti sajarah.
Kamana muarana sakabeh usaha nalungtik hal-hal sarupa kitu teh? Naha
ukur miceunan duit? Jawabna, taya lian balik deui kana jejer
mulasara tanda kabudayaan pikeun ngawangun jatidiri. Upamana bae,
rasa reueus ku budaya sorangan anu nimbulkeun sumanget prak
ngalaksanakeun transformasi ajen-inajeun budaya keur ngawangun
bangsa di alam kakiwarian. Ngigelan jeung ngigelkeun jaman tea. Oge
hal eta teh pikeun ngalanggeungkeun pikiran kolektif (babarengan)
bangsana ku cara ngabudayakeun miara warisan sajarahna.
Perkara miara sumanget lain soal samanea. Bangsa sejen mah tepi ka
ngotektak hal-hal anu laleutik ngeunaan kaluhungan budayana. Atuh di
urang, salah saurang anu kungsi ngawasa di ieu nagara kungsi
mraktekkeun hal sarupa kitu, pikeun ngalanggeungkeun "citra" dirina
oge sajarah kaunggulanna. Naon anu dilakukeun? nandaan satiap
wangunan penting pamarentahan ku ciri-ciri budaya selerna, ti mimiti
rupa wangunan tepi ka ngaran-ngaran wangunan jeung rohangan. Apan
harita (sigana tepi ka ayeuna oge) tepi ka di gedong MPR oge mahabu
istilah-istilah ti hiji seler. Teu katinggaleun, sajarah bajoangna.
Upamana, nalika nyerang jeung ngarebut hiji kota, sok sanajan ukur
kaduga 6 jam, diabadikeun dina wangunan monumen mangrupa tugu. Lamun
percaya, ceuk cenah, tepi ka-punten-raksukan jeroan anu dianggo
ngarebut eta kota ti Walanda teh aya jero eta monumen.
Cag.
Baktosna,
manAR
--- In [EMAIL PROTECTED], durahman <[EMAIL PROTECTED]> wrote:
> Z.A. Muslim wrote:
>
> >Alhamdulillah,
> >Hatur nuhun Kang Oman, oge Kang Waluya sareng Kang Durrahman.
> >Sok sanaos nyukcruk elmu teh di pertambangan anu kawilang caket
sareng
> >
>
> Nambihan. Salian ti Musium geologi bandung di Kab. Kuningan oge
aya
> musium purbakala. Tepatna di darah CIPARI. Mangga ieu artikel
lengkapna
> meunang nyutat ti website pemda Kuningan;
>
>
>
>
> Wasalam,
> Durahman
Yahoo! Groups Sponsor ~-->
$9.95 domain names from Yahoo!. Register anything.
http://us.click.yahoo.com/J8kdrA/y20IAA/yQLSAA/0EHolB/TM
~->
Komunitas Urang Sunda --> http://www.Urang-Sunda.or.id
Yahoo! Groups Links
<*> To visit your group on the web, go to:
http://groups.yahoo.com/group/urangsunda/
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
