ceunah ieu ge kang, mun lepat lereskeun.
panginten sumur akang teh mung dugi ka air permukaan. eta mah memang
cai deet, komo mun hujan pasti cai teh beuki kotor. siga cileuncang.
15-18 meter mah deet keneh keur jetpam mah. Pariksa oge, tah perumahan
teh tilas sawah atanapi rawa. da di pasisian jakarta mah, tong boro
sawah, situ ge diarurug dijieun paimahan...
tah upami hoyong langkung sae mah, cobian. cik jeroan deui sumurna--
di bor deui-- dugi ka tutug air tanah (beneran) , biasana mah saatos
leutak/lumur, terus keusik, terus cadas, tah di handap eta ayana air
tanah teh. Caina rek halodo, rek ngijih biasana tetep herang. Jerona
berpariasi antara 28-35 meteran. Jetpam masih bisa nyedot. apan ceuk
iklan ge jetpam mah sedotannya kuat, semburannya kenceng...
Leuwih jero deui tiasa nyobian sumur artetis..
mun tos usaha kitu, air tanahna tetep kiruh atawa bau letak... nya
ngalih we bumina.. he..he...
salam
agushermawan
--- In urangsunda@yahoogroups.com, O. Taryono [EMAIL PROTECTED]
wrote:
Assalamualaikum Wr. Wb.
Wilujeng enjing baraya,
Punteun ah bade ngarepotkeun nu nuju anteng ngawangkong. Bade seja
nyuhunkeun bongbolangan ti baraya sadaya. Jejer utamana mah ngeunaah
cai taneuh. Kieu carita na :
Abdi alhamdulillah nembean ngadamel bumi, tos rengse, nanging tacan
dilinggihan margi masih aya masalah sareng sumber cai na. Kaleresan
Abdi nganggo sumur bor kalayan disedot ku kompa (jet pump saurna mah)
minangka sumber cai sadidinten. Mung duka kunaon eta cai teh bau
sareng kotor (campur leutak, sanes keusik). Bau na teh sanes bau
beusi, nanging bau leutak jiga bau comberan
Kanggo ngicalkeun bau mah, Abdi tos ngagaduhan alternatif solusi
nyatana bade nganggo saringan keusik-karbon (areng) aktif-injuk.
Nanging kanggo ngicalkeun eta kokotor nu jiga leutak mah masih
bingung. Kadar leutak dina eta cai rupina dugika 5-10% mah. Pami
diantepkeun, tangtos kokotor (leutak) tiasa ngabalukarkeun kompana
enggal reksak.
Aya ideu, bade dijeroan deui sumur bor-na. Mung Abdi tacan yakin eta
kompa tiasa nyedot pami sumur bor na jero teuing mah. Ayeuna sumur
bor teh jero na kirang langkung 15 meteran. Sedengkeun, suction head
(sedotan) kompa na oge pami teu lepat mah mung belasan meter. Duka
nu pasti na mah sabaraha, tacan ditingali.
Manawi baraya aya nu gaduh pangalaman??!Punten nyuhunkeun
bongbolonganna, kedah kumaha saena...??!!
Nyarioskeun ngeunaan cai ieu, Abdi janten emut ka Bah Willi. Kumaha
Bah numutkeun pamadegan Abah...??!
Hatur nuhun. Mangga ah
Baktos,
OTA
Komunitas Urang Sunda -- http://www.Urang-Sunda.or.id
Yahoo! Groups Links
* To visit your group on the web, go to:
http://groups.yahoo.com/group/urangsunda/
* To unsubscribe from this group, send an email to:
[EMAIL PROTECTED]
* Your use of Yahoo! Groups is subject to:
http://docs.yahoo.com/info/terms/
