Nyanggakeun ka wargi Kusnet. Tadi pasosore aya telp ti lembur kuring di kacamatan tambaksari kabupaten ciamis( di running teks tv one oge aya infona ) aya hujan mani badag anu ngabalukarkeun musibah, sawah sawah anu karek ditanduran limpas kitu deui balong seueur anu jebol darmagana (lauk limpas ka lebak/sungai), bahkan aya deui sasak anu ngahubungkeun balegede-kaso oge ngiring ambrol, hujan anu badag ieu benten ti sasari, kanggo karugian material teu acan di etang mung alhamdulillah kana jiwa mah teu aya, memang kajantenan ieu nembe aya deui saatos tahun 80-an sareng 90-an. Kacamatan tambaksari aya di handapeun kontrak gunung bitung (7'13'34'21 S - 108'32'51'73' E dina google earth) anu kapungkur kantos dipelakan karet ( kebon karet milik swasta), saatos kontrak rengse aya info eta kebon teh ditukar guling ku pihak sentul ( duka leres na mah ), mung nu aya ayeuna eta lahan teh gundul mung sakadar dipepelakan sambeu, boled , kacang suuk sareng tanaman sejena (ku masyarakat sakurilingna),pami nuju usum halodo karasa tarik pisan da sumber cai ti daerah resapan tos teu aya, pami nuju usum hujan sapertos ayeuna sok aya bae musibah berupa tanah longsor (desa kaso+desa kadupandak), ku kituna bilih diantawis wargi kusnet terang info perkawis lahan nu gundul molenang gunung bitung mangga pedarkeun di dieu. atanapi bilih aya anu konsen dina perkawis lingkungan mangga di advokasi. hatur nuhun ( ka ki kuncen punten panjang teuing )
