Lamun feodal dihartikeun rada heureut, siga dihartikeun kudu turunanana wae anu istimewa, sigana lain jelema wae nu boga sifat kitu. Kuring sering lalajo pilem margasatawa nu nunjukkeun sato oge boga sifat nu rada "individualis" ieu. Singa jalu sok maehan anak singa nu lain anakna, kitu deui ucing. Sato nu boga kahirupan sosial leuwih rumit, siga monyet, mandahongna (mandahong= sang pamimpin monyet) boga bikang panglobana. Ku jalan kitu, otomatis generasi saterusna lolobana ngandung "gen" sang "Jawara". Ceuk narrator pilem margasatwa, sabenerna hal ieu penting, keur kalangsungan spesiesna, sabab lamun generasi saterusna mamawa gen nu "geringan", lain gen nu jagjag waringkas, spesies ieu bakal tumpur.
Ngan di sato, sanajan gen pangunggulna geus "dipelakkeun" di generasi penerus, tapi kapamingpinan tetep kudu diparebutkeun heula, sacara fisik, nu pangunggulna eta nu jadi pamimpin. Cenah di manusa nu budayana acan maju oge kitu, nu jadi pupuhu kolompok acan tangtu turunan pupuhu. Ngan ari manusa mah, kulantaran volume otakna leuwih gede, sakapeung teu kudu make kakuatan fisik deui dina marebutkeun kadudukan pupuhu, cukup ku "kakuatan" otakna. Budaya jelema beuki tumuwuh, saluyu jeung ambisi jelema eta sorangan. Jelema boga ambisi ngawasa kamana-mana, hiji koloni manusa bisa naklukkeun koloni-koloni manusa sejenna, koloni-koloni ieu dihijikeun dikawasa ku sang pupuhu. Ieu beda jeung koloni mangkeluk sejen, koloni mangkeluk sejen teu boga ambisi ngalegaan daerah teritori. Saurang jelema sanggeus kakawasaanana gede, mimiti nyieun aturan-aturan ruwet, keur ngatur kakawasaanana, akal dipake, tapi tetep didasarkeun dorongan INSTINK MEMPERTAHANKAN GEN. Mimiti mucunghul aturan-aturan feodal, aturan nu dijieun antara dorongan instink jeung akal. Unggal etnik/ bangsa nu sajarah/ budayana maju, pasti ngalaman jaman feodal, sabab feodalismeu sabenerna bagian tina tumuwuh (perkembangan) budaya manusa sorangan. Ngan tanggtu carana beda-beda, tapi dina intina mah sarua, MEMPERTAHANKAN GEN! Tapi ku otakna nu volumena gede, budaya manusa terus tumuwuh, " budaya feodal" geus teu bisa nampung deui, perlu "sistem anyar" nu leuwih saluyu. Sistem nu lain didasarkeun ku insting "mepertahankan gen" tapi nu didasarkeun akal-pikiran manusa (didominasi akal-pikiran): Manusa dimana-mana oge sadarajat, teu didasarkeun ku "gen". Naha sistem ieu bisa mempertahankan spesies manusa? Duka ...kudu ditingali heula hasilna, engke sajuta taun kahareup ...hahahahaha Baktos, WALUYA [Tukang ngacapruks]