http://hasanmustapa.servertalk.in/viewtopic.php?t=23&mforum=hasanmustapa
Palintang Musim di Kampung Naga Dina tatacara ngabade musim (hujan/ngijih atawa halodo), di Kampung Naga aya cara-carana anu mandiri. Kuring geus nyoba ku itung-itungan itu, ku kersana Allah, rarasaan asa teu mencog jeung hasil itungan. Pikeun ngitung jeung ngabade musim, nurutkeun tradisi itungan Kampung Naga dumasar kana tilu palangeran, nyaeta palangeran Taun, palangeran poe, jeung palangeran simbol musim. Palangeran taun, nyaeta: Taun Alif (naktu taun=1), He (5), Jim Awal (3), Ze (7), Dal (4), Be/a (2) Wau (6) jeung Jim Akhir (3). Poe Naktu Simbol Musim Musim Ahad (3) Ditekapata (Congcorang) Halodo Senen (5) Somamarucita (Bancet) Hujan Salasa (1) Angkarakata (Titinggi) Halodo Rebo (7) Budhaintuna (Kuya) Hujan Kemis (7) Laspatimariha (Embe) Halodo Jumat (1) Sukraintuna (Hurang) Hujan Saptu (4) Tumpekmindo (Wedus) Dangdangrat (halodo-hujan) Cara ngitungna: Tangtukeun poe kahiji dina dina Bulan kahiji (Muharam) hiji taun (make taun Hijrah) anu rek dikanyahokeun musimna: Urang kudu nyaho Taun naon ayeuna (taun anu rek diitung), contona ayeuna taun 1427 disebutna taun Alif, taun kamari (1426) taun Jim Akhir, taun hareup (1428) taun He. Taun Alif naktuna 1 sedengkeun Muharam naktuna 7. Jadi 1 +7 = 8 Hasil jumlah ( 8 ) ieu mangrupa poe kahiji awal taun 1427. Itung 8 poe tina poe Rebo (indung poe numutkeun urang Naga). Hasilna nyaeta Rebo ! Terus tinggali Simbol Musim poe Rebo, nyaeta Budhaintuna (Kuya). Kuya dimana-mana oge hirup di cai .hehe Taun kamari, naeta tahun Jim Akhir, naktu taunna 3; 7 + 3 = 10; poe kahijina = Jumat. Simbol Musim poe Jumat nyaeta Sukraintuna (Hurang, hewan cai), musimna Hujan oge. Taun hareup, taun He, naktuna 5; 5 + 7=12, poe kahijina: Ahad, simbol Musimna Ditekapata (Congcorang, hewan darat anu sieun ku cai), hartina taun hareup bakal ngalaman halodo anu lumayan tarik Wilujeng nyobi! http://groups.yahoo.com/group/baraya_sunda/ [Ti urang, nu urang, ku urang jeung keur urang balarea] Yahoo! Groups Links <*> To visit your group on the web, go to: http://groups.yahoo.com/group/Baraya_Sunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
