Luistxo, ez dut uste kontua denik nor den hobea, Laffageren ama ala
Yllanesena; niri ere ez zait hobea iruditzen Laffageren ama Yllanesena
baino; kontua da Laffageren amak Jose Diegoren erruz galdu duela Nagore, eta
aitzitik Yllanesenak ez duela Jose Diego galdu
egia diozu: abereak edo dirua neurgarriak dira; justizia berriz etereoa da
baina ez ote da justizia bezain etereoa alaba baten erailketak eraginiko
mina?
ez da deigarria eta bitxia, zelan berdintzen ditugun min hori eta diru
kopuru jakin bat? ez dira planeta desberdinetan bizi?
ez da oso enigmatikoa nola parekatzen ditugun dirua eta sentimendua?
ez dea galdera arraroa: "zer nahiago duzu, alaba erailda baina 500.000
euroren jabe, ala alaba erailda 500.000 euro horiek gabe?"
beste eztabaidagai bat: gurean bistan da bere burua defendatu eta zigorra
nozitzeko orduan okerrago dabiltzala pobreak aberatsak baino
eta nire argudio zitalari dagokionez, uste dut kasuak ez direla oso
alderagarriak: ezker abertzaleko inork ez du Yllanesek bezala goitik
beherako damua adierazi eta "me pongo a los pies de la familia de Nagore"
esan, eta aldi berean azpiegitura politikoa egitez onartu (Yllanesen kasuan
zigorgintza sistema); hain zuzen, ezker abertzalekoak azpiegitura hori
aldatu nahi dutelako zigortzen dituzte
Yllanes psikiatrak orain gizakiaren alde ilunetako bat ezagutu du ez
teorian, baizik bizitzan, bere baitan; horrela ikasten da BENETAN; eta behin
espetxetik kanpo psikiatra lanera itzulitakoan tentaldi handia daukat haren
bezeroetako bat izateko
----- Original Message -----
From: "Luistxo Fernandez" <luis...@eibar.org>
To: "Eibartarrak zerrenda" <eibartarrak@postaria.com>
Sent: Sunday, November 15, 2009 8:36 AM
Subject: Re: [eibar] Laffage mendekua
2009/11/14 markos zapiain <mzapi...@euskalnet.net>:
dena den, yllanesek ziurtatu badu zeharo damututa dagoela eta bere burua
nagoreren sendiaren esku jartzen duela, zergatik kontratatu du nafarroako
abokaturik garestiena?
Ez dakit familia hori aberatsak diren edo ez, baina edo oso aberatsak
dira, edo arruinatu dira, ze oihaneko tribuen kasuan bezala, beste
familiari sekulako dirutza eman diote. Ez dut uste ohitura tribal hori
guztiz okerra denik, dena den. "Ez nuen nahi dirurik, justizia nahi
nuen", esaldi topikoa da, beti beti beti. Hala ere, oihanean
bazekiten, eta guk ere bai, abereak edo dirua neurgarriak direla,
beste gai etereoa ez bezala.
Eta logikoa da Yllanestarrek dirua gastatzea, eskura bazuten edo
hipotekatuta lortu badute. Laffageren ama ez zait Yllanesena baino
hobea iruditzen. Presoak bisitatzeagatik Espainiako errepideetan
trafiko istripuan hildako senideak bezain errugabea da, aberats izan
ala pobre izan.
Bergizarteratze aukerei dagokionez, kasu honetan ahoa bete hortz hitz
egin duen ordezkari publikoren batek hobeto zukeen etxera begiratu eta
gutxiago pontifikatzea.
Bestalde, Markos, badago zure galderan halako zerako zer bat, detaile
itsusi bat ezker abertzalearen kontrako epaiketa politikoetan ere
ikusten dena, salaketa mediatiko batzuetan: "arbuiatzen badute
konstituzioa eta estatu hau, zergatik saiatzen dira legearen garantiak
edo zirrikituak aprobetxatzen defentsarako?" Oso argudio zitala
iruditzen zait.
Luistxo
_______________________________________________
Harpidetza eteteko, bidali mezua hona: eibartarrak-requ...@postaria.com
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
_______________________________________________
Harpidetza eteteko, bidali mezua hona: eibartarrak-requ...@postaria.com
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.