Boas, Dende fai unhas horas xa podedes probar unha pre da 3.0.5, a versión que substituirá a 3.0.4 actual. O único cambio relevante que incorpora é o tema da busca en Google que comentaba Xosé no último encontro da g11n. Pode probarse para linux, mac e tamén w$.
ftp://ftp.mozilla.org/pub/firefox/nightly/latest-mozilla1.9.0-l10n/ A verdade é que se trata dunha release moi importante pra min e quixera compartir isto con vós. Por tres motivos: - Será, se todo vai ben, a primeira versión en galego nun branch oficial de Mozilla, tal como xa sabedes os/as que estades a seguir o tema. Aínda pode pasar de todo, pero nunca estivemos tan cerca. - Esta versión incorpora un parche meu (o de buscar en Google); non é que sexa unha maravilla da enxeñería mais iste parche ademais de ser o primeiro parche "formal" (formato unificado) que xenero, é o primeiro que me incorporan no repositorio dun proxecto de tal envergadura. Mais ise parche non é mérito meu só; é o produto da colaboración de moita xente e quero resaltar que o importante non é o parche en sí, senón o xeito colaborativo como chegamos a detectar o erro e despois amañalo. - Esta é a release que se comezou a producir xusto cando se cumplian dez anos da data da primeira liberación do código de Mozilla, o 31 de marzo de 1998; unha data histórica con moitos recordos para os que tivemos a fortuna de vivila. Por se alguén quere aprofundar no tema, escribín algo sobre iso non fai tanto: http://www.anosaterra.org/nova/dez-anos-navegando-en-galego-.html Aínda quedan unhas semaniñas de traballo e non podo asegurar se finalmente será esta a primeira versión oficial en galego do navegador da Mozilla; mais sí teño claro que cando o academos -e teño a certeza de que o acadaremos- será o produto dun éxito colectivo do que todos/as vós debedes sentirvos partícipes. Pedirvos finalmente que o probedes e que se detectades algún bug mo fagades saber a traverso desta rolda, de xeito que poidamos xestionar o traballo no bugzilla do xeito máis eficaz posibel sen interferir no traballo de toda a xente que participa neste proxecto. Graciñas por tanto, -- Xesús Manuel Benítez Baleato Coordenador Centro de Referéncia e Servizos de Software Libre http://www.mancomun.org Praza de Europa, nº 15A, 6ºC 15707 Santiago de Compostela (Galiza/ ES) Tel/ Fax: (0034) 981 957 867/ 881 999 113 <suso.baleato @ mancomun.org>
