Primeira Obrigação do que a Devoção Bapu Sang Xanu Arithmetik tticherin mhaka gonit galem. Koslem? Tinnem vicharlem: Don Aii, anink don Aii, anink don Aii. Kitleo zaleo? Hanvem sanglem sat. Tinnem mhonnlem sarkem na. Uprant tinnem dusre toren vicharlem. Don chokleti, anink don chokleti, anink don chokleti. Ani hanvem zap dili. Sov. Tinnem mhonnlem sarkem asa. Hech toren tinnem porot ekdam. Don Aii ditam, anink don Aii, anink don Aii. Atam sang kitleo Aii zaleo? Magele Aii-k hixeobar dovorlear sat zatat, hanvem zap dili Are pixea pora. Ghora koddche Aii-chi khobor tticherik kiteak zai axilli? Tticher dita ti Aii ghevn ievncho nhoi? Ani magele Aii-k kitem korchem aslem? Boro asa tum kombo. Bapu Sang Xanu. General Knowledge tticherin ek gozal sangli. Eka kirmidorak mornachi faxi favlli. Taka tin kudd vo room dakhoile Poilea kuddant torsadi (sword) ghevn tachi gomtti kapunk monis axille. Dusre kuddant ujeachi baim. Taka duklun baint udovpak monis ravtale Ani tisrea kuddant don vorsam bhuken tollmolltele xinv axille. Kirmidor khuimchea khuddant vochun aplo jiv vatoitolo? Ho tticherigelo prons. Are pora, tuje ttichericho bezo kollmela. Poilea kuddant torsadin kapunk ravtat, dusrea kuddant uzo asa ani tisrea kuddant bhukelele xinv ekach gansan taka nach kortele. Sang pora to koxo apnnacho jiv vatoitolo? Budddu tumi, sarke budddu. Ho prons hanvem sodoilo. Koso? Are Bapu. Poir tumi, magele Aii thaim zhogoddtale nhi? Karan axilem ghoddie zait. Tumi, magele Aii-k mhonntale. Puro puro Jayanti. Tuje Karwa Chauth* upas chodduch zale. Don sumana zalim hanv upaxim. Anink purima upas korta mhollear hanv upaxim mortolom. Pora, to vichar ghov-baile modim ubzovta. Ani hench motin ghevn hanvem tticherik sanglem. Mhoje bapu lagim don sumana upaxim ravunk zaina zalear don vorsam bhukelele xinv koxe jive urtele? Kirmidor melelea xinvamche kuddan apnnacho jiv vatovpak rigtolo. Bhouch huxear mure tum? Konacho por tor hanv? Bapu Sang Xanu Hanv mogan poddlam. Vorsam kitlim tuka? Ghelea vorsa birthday cake-ir nnov mennvatio (candels) pettovleleo. Anink don sumanan mhojo zolm dis ieta. Konnacho mog zala? Science tticherigele choliecho. Mhojeach vorgan xikta ti Punn ek sang. Tuvem tticheriche choliek faraili koxi? Poir khelltana ti sango hanv tika avoddtam. Zalear tuvem kitem zap dili? Hanvem tika divnk na. Fuddarak zatle sasuk zap dili. Kosli zap? Science vorg cholltana tticherin vicharlem. Bhurgim koxim zolman ietat? Ani hanvem soroll zap dili. Rupan (tticherile choliechem nanv) ani hanvem mog korunk zai. Sarko mosto por mure tum? Ti ragovli dista mhaka. Tuka ani Aii-k falleam iskolant apoileant Kiteak? Ghoddie lognachem tharavpak. Bapui-putachi gozali (conversation) chalu astana bazarant geleli Jayanti bhitor sorta. Sodam porim por Aii fuddem veta ani bazarantli pixi (bag) sonspunk kori tedna Aii aroddta. Hat lanvchona. Por nill zata. Roddunk lagta. Poilech khepek ragacho dhengxo Aii koddlean khata. Bapaik vaitt dista. Oxe toren porak boball korcho nhi Tuvemnuch piddear kela taka. Science tticher bhazarant gavleli. Falleam amkam iskolant apoileant. Oxem nhi. Tuka koxem kollllem? Poran sanglam. Loz zali mhaka. Porak kosli xist (discipline) xikoilea kai mhunn vichari. Bapu. Sang Xanu. Tticher ditali tich Aii haddpak zai axilli hanvem. Atam hi mageli Aii thapunk lagli mure. Chup!!! Kanna sokoil avaz kaddin. Choll bhitor ani tuje obeas kor. Poracher oxe toren thapum naie. Ratcho nhident bhietlo. Puro tumche lag. Falleam mhatear bostolo. Aiz taka upaxim dovortelim. Upas mhollear. Tuje upas somple ki na? Ek ulla phalahar*. Ho anik koslo upas? Xastr noko axillo koslo dadlo re tum? Hea upasak 'only fruits are eaten' Mhonntokoch, mhojean aiz sanjer addvarlelem foll khaunk ieta nhi? Lino D. Dourado *Karwa Chauth 9 days before Diwali *Phalahar Nine days diet fast
http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _____________________________________________ Do not post admin requests to the list. Goanet mailing list (Goanet@goanet.org)