Amgele-Tumgele. Matxe-Matxe Korche. REEMA: Datta, oh Datta. Na re gharant?
SEEMA: Pinrgota kiteak go? REEMA: Ago, tumgelo Datta koslo? Tannem mhajem matxe-matxe korchem; vechem, matxe-matxe korchem; vechem. SEEMA: Kitem? Amgelo, purnn kele sivai kosoch soddchelo nhoi ham? Bail tachi hanv. Tanche koddlen bavis vorsancho onnbhov asa mhaka. Kitem****? Porot ekdam sang . Kitem korta to? Matxe-matxe? REEMA: Mhukavelem dhar novem bosoi mhonn sanglear don aptte somple. Tumgelo karpintor (carpenter) ieta ani matxe kisoi martele, parthen zokh kaddtele, ek bharikxo killo martele. Hem kitem? Kam’ noko tor sangchem. Karpinter khup asat ganvant poddil’le. SEEMA: Kitem mhottlem? Amgelo kam’ noko? Ago, tennem karpintorachi ITI diploma pass kelea. Tennem maril’lo killo nibran bhitor robomkuch zai. Hea kamant babtin tanchem istimosanv dista mhaka. REEMA: Moddekatuch magelem kam’ soddun kiteak gelo tor to? SEEMA: Tujeo vostu zagear nant vo pedd’ddear zaleat asteleo. Saman haddcheak tumi poixe dinant astelim. ‘Imteager’ mhottlear ollkhutat nhoi go tumkam? Amgele, aiz, Vassuramagher geleat. REEMA: Sarpanch Vassuram mu go? Hoi, hoi. Te poixe subeij ditat nhoi? Sarpanch te. Hinga-thinga mellttat tankam. Divnk kitem zalam? SEEMA: Amgele, kamachi muzri getat, ani nhoi mottkeacho hap’to tumgelea havaldara bhaxen REEMA: Pulisent kam’ kortat te. Hap’to mhottlele pulis ghenant. Nokoi tum? SEEMA: Pulis hap’to ghenant mhonn sangun, sonvsarantli vhoddantlli vhodd fott marli papia. REEMA: Boglant lottum nakat. Amgeleak sangun IPC 499 laun, nanv pedd’ddear kortat mhonn tuka bhitor udounk laitelim. SEEMA: Hi dhomki konnakui diat, mhaka nhoi ham? Suttke-zhuzareachi (freedom-fighter) dhuv hanv. Kalljidarponnan Purtugeza kodden zhogoddtana bondkhon bhogil’le mhaje bapui te. Tanchem rogot mhajea xiranni dhanvtta REEMA: Puro.puro. Hap’to gheta mhonn amgeleachem nanv voir kaddtta tem, konn zannant khorench tumgelea bapain Goenchea chollvolint bhag ghetill’lo vo na to. Atam bospagari zavn funkea sovai pensanv (pension) khainant kitem? Vota hanv. Tumgeleak sang falleam mhagelem dar bosoipak SEEMA: Karpinter ganvant khup poddill’le asat nhoi? Tankam apoiche. Na tor dar ugtem dhovrun nhidat. Veche adim aik. Amgelea oslea mon’xank lagunuch tumgelo ghov Goa Pulisen sorkari nokri kortat. REEMA: Age bai-e!!! Hem anik novem lochan koslem go? Sangta te toren amgelea havaldarak tumgelean sirvisek dovorlelo distat. SEEMA: Tednache sompil’le Mhukel Montri Shri Bandodkar Goem Maharastra villin korun soddtale. Niz Goenkar utthle ani lok mot (opinion poll) korun Goem Goenkarankuch dovorlem. Tedna, Datta osle tornatte rostear ail’le. Tujo sasro khoim Moratthiwadiche nare gazoitale toxench tumchem purai sasuchem ghoranem. Oxem tor, uprant tumi Moratthiwadi Goem soddun Maharastran kiteak vochunk nant? Hem mhaka sangchi? REEMA: Hachi zanvi mhaka na. SEEMA: Ti na mugo? Borem asa. Zalear, Konknni khatir chollvoll zal’li tedna tumgelo Pandurang havaldar ghantti puliseam barrabor dhanddo ghevn, Moddganv xarant Konknniwadi hancher nixtturponnim mar-pett korcheak, mukhar axil’le khoim. Kiteak? REEMA: Amgelo kaide samballpi. Tencho dhanddo sodanch ghott ani mozbutt asunk zai ani asai bi. SEEMA: Tonddak bestench utram haddun apleak hinnsailem mhonnxi. Choilear ghomtta tumgelealo dhando kitlo ghott asa to. Dekhunuch tum ajun vanz (barren) asa. Amgeleak choait. Tegam bhurgeanchi avoi hanv. Lino B. Dourado ===== http://www.goa-world.net/poems http://www.goa-world.net/poems/lino __________________________________ Do you Yahoo!? Yahoo! Hotjobs: Enter the "Signing Bonus" Sweepstakes http://hotjobs.sweepstakes.yahoo.com/signingbonus ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
