Ekvottan Kuwait 'Goa Dis 2003' Monoilo Kuwait, Otumbrache 10ver 2003 Indian Arts Circle, Funaitees sobaghorant Goan Welfare Society hannim seguid 9vea vorsavollicho Kuwait 'Goa Dis' ghonnghonnan monoilo. Hea vhodd dobajeak ‘Goenkarancho Ekvott’ hea bhavtte khala kaim Goenche klab ani sonsthani vantto ghetlo. Kuwaitche Goenkarank ho dis bhouch anondacho dis zalo ani hajir zal’le lokak Goeant aslelea porim dislem.
Survatecho soromb, klab ani sonsthache odheoxeam vangdda poromporik divlli pettoipant aili. Magnni ani Isvoracho axirvadd magun GWS-hanche odheox Bab Rabindra Pimenta, Kuwait-Goa Dis 2003 ugto kelo mhonn jahir kelem. Don bhaganni attapleli kariavoll asli. Sokalche adhesak poilo bhag suru kelo tatun burgeank dovorloli Konkani kantaram spordha zali. Bhurgeanim lotharth (meaningful ) kataram gavun prekxokank dipkaun udoile. “A” Pirai 3 tem 5. Caris D’Costa poilem inam ubarlem, dusrem Kingsley Fernandes. “B” Pirai 6 tem 10 Slade Fernandes poilo inam zopt kelo zalear dusrem ani tisrem inama Sinead Fernandes ani Adriel Fernandes hannim ubarlim. “C” Pirai 11 tem 15. Queenie Fernandes poilem inam favo zalem. GWS Sonskrutik karriavolicho mukhel Bab Cajetan Pereira hanchea margdorxonna khall kantaram spordha zali. Poilech khepek Kuwaitche ithiasan Goenche sorkaran- Goa-NRI Facilitation Centre- ‘sponsor’ kel’lo Goencho sonskrutik pongodd (Goan Cultural Troupe) Groupo Alegria Kuwait-Goa Dis-an bhag ghetlo. Hea pongoddan ikra kollakarancho aspav aslo. Kormonunk (entertainment) divpa khatir oiojit kel’leam sonskrutin noganni (items) zoxe porim deknni, corridinho, fugddi-nach, kataram, dulpodd, poromporim kunbi ani lok-nach korun sobhagorant (auditorium) axil’lea Kuwait Goenkarachim monam montrmughd (mesmerized) kelim ani dolleam somor Goemchem chitr ubem kelem. Osle nach poilech pavtti Kuwait-an pollevpak soeg mevlo. Tanchim rong-rongit nachachim nhesnnam pollevn nizachem Goemchem poriavoron (environment) ubzoilem. Goeam thavn vixech amontron divn ail’lem ‘band’ Purple Rain hannim aple nazuk sur-songitak survat dili tedna akhea IAC sobhaghorak umedicho uzo koso pettlo. Tanchem songit, vhodd promonnan hajir aslelea Goenkarank urber dovortalem zalear, nennttim-zannttim umedicher nachtalim. Bab Lloyd D’Souza, Bai Rhonda Rebello ani GWS hanchea Up-odheox Bab Julio Cardoz-an voilea karriavolichem sukannnem aplea hatannim dorlelem. Donparam vixranti vellar jiber udok haddtta toslem ruchick jevonnachea Stall-a lagsor lokachi gorddi zaleli dixttali. Surbus (delicious) sorpatel, xakuti, chevris pao, san’na, pullao, moll, parro, masala bombil, rachadd bhangdde ani jinsavor jinosachea pormollan Goemchem vattavoron utpon kelem ani Goemchi umollxik laglelea bhaxen zalem. Dor vorsa porim borea manddovileachea (best) Food stall Colva United Centre hankam poilem inam favo zalem zalear dusrem Goan Overseas Association ani tisrem Crystal Focus Club hankam gavlem. GWS tenko divn hea vorsachea sorombak vantto ghetlolea club ani sonstha Goan Overseas Association, Santos Fottball Club, United Friends Club, Colva United Centre, Konkani Heritage Kuwait, United Club of Utorda, Crystal Focus Club, ani Kala Mogui Kuwait. Kala Mogui Kuwait-chea sonsthean apli Konkani kantarachi spordha ghoddun handli tachin ani Bab Dominic Araujo-n boroun-digdoxit kelem ek-anki natkulem "Mafi Magtaum" hanchi ek CD, Shri Hugo Fernandes-achea hattintlean ugtaunim keli, zalear Bab Mario de Majorda hancho tisro Konkani kantarancho volume "Kitem Mhojo Fuddar?", Shri Rabindra Pimenta-n ugttauni keli. Hea Goenchea mellave vellar xikxonnant unchle gunn ghevn pas zal’lea, X-vi ani XII-vi Goenchea vidhearteank puroskar bhettoile. GWS-hacho patron Shri ani Shrimati Sam Alphonso hannim dovorlele xikxeovrut’ti (scholarship) hankam favo zaleo. X-vo vorg, Carol Mascarenhas (Carmel Scholl), Janice R. Esteves (Carmel Scholl). XII-vo vorg, Floyd Savio Lourenceo (Carmel Scholl), Joana Samantha Rodrigues (Jabriya Indian Scholl) Tech porim GWS ghoddun haddlolea spordheamni inam’ jikhpeank inama vanttlim. Dusro bhag, sonskrutik kariokram sanjechea 5.30 vaztam suru zalo. Survateche ievkar git Jenifer Rod ani Domnic Fernandes hannim boroun-digdorsxit kel’lem Goa Day 2003 Kuwaitche prosidh zal’le lhan trikutt (trio) Bab Jonathan-Bab Clifford-Bab Terence hanchea avan gazlem. Maim Bhas Konkani ani ek trikutt gaun prekxokam koddlean vhodd abru zhoddlo, ani tankam dusre khepek machier ievnchem poddlem. Joe Frank Goribanchea Kustar git gailem ani Goenchea broxttachar kortolea sorkarak golleak dhorlo. Goa Amchem Cletto-George-Santan hancho trikutt boro aslo zalear Fottball Anthony-Nelson-Zoroste ani Matharponn Rosary-Sylvester-Sunny trikutt gavn namnea zhoddli. Pandu Lampianv bab Satana-chem git aikopa xarkem aslem tor, taxi chollovn apleak kitlea tras zatat te Taxi Driver gitan sangtana, lokacho avddicho ani Kuwait-cho ‘numero uno’ mhonn pacharlolo bab Michael D’Silva-k porot-porot machier apovn subeij taxi-n bhonvddi ghalchi poddli. Bab Mario de Majorda ani bab Nelson de Savordem hannim prekxokachea pottant dukh iet sor tin toreche ‘dose’ korun hanspachim pirlam dilim. Sonskrutik karriavolint bi Goeam thavn ail’le Groupo Alegria hancho aspav aslo. Tannim anik kaim nog (items) machier haddun lokak hurber dovorle. Maria Pittaxe git gaitana lok aplea boskeruch nachuk laglo. Goenkaranchea sonskrutik daizantlem ek bhandar mhonnlear Goenkaranche mande. Hem konnunch negar vecho na. Sonvsaracheam khoimcheai konnxak Goenkar asa zalear mando gailea xivai tancho dobazo xevottachea panvdear pavona. Oslo ek mando chokchokit nhesnnanim soirea kollakarani-Groupo Alegria-sador kel’lo tedna IAC sobhagorant niz Goenchem vattavoron utpon zalem ani Goenchi girest sonskrutai dolleam somor zhollkunk lagli. Adeus Korcho Vell Pavllo xevottachem git gaitana Goem soddun ail’le mogachea ghorcheamchi umollxik lagli ani lokachim bhavnnik bhavnna (emotional feelings ) dollea velean disunk laglim. Ho lekh borovpean khas pollelam thodde lok apli vanvttim dukam pustalo poi to. Zaite vorsanim Kuwaitchea Goenkarank ek ugddas urta toslo itihasik dis mevlo. Xabas GWS. Goenchi girest sonskrutik mukhar vhorunk tumcho vaur chalu dovorcho. 1995 vorsant ‘Goenkarancho Ekvott’-achi poilich divlli pettoileli ti sodamkal pettoun urchi ani kallokant sandlele asat tankam uzvaddchi jyot (flame) zanvchi. Avaz ani Bizli vevostha ekdom bori asli zalear “Goan Selection” songit pongddan IAC vosro gazoilo. Bharatacho Rajdut Shri Swashpawan Singh mukhel pavnne koxe hajir asle ani Air India-cho Manager, Mr. D. Kishore mukhi soire koxe asle. Sonskrutik karriavolichem sutr-sonchalan Bab Cajetan Pereira xud’dh Konknni-n choloilem ani xevottak GWS-hanche chittnis Gasper Almeida-n soglleanche abhar mandle. Lino B. Dourado ===== http://www.goa-world.net/poems http://www.goa-world.net/poems/lino __________________________________ Do you Yahoo!? The New Yahoo! Shopping - with improved product search http://shopping.yahoo.com ########################################################################## # Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts # # More details on Goanet at http://joingoanet.shorturl.com/ # # Please keep your discussion/tone polite, to reflect respect to others # ##########################################################################
