MOTORCYCLE PILOT
Sung By: Xavier (X) & Assuptin (A)
X: Hanv motorcycle pilot sangtam Saligao baddim martam
Baddim marun dispotto giraz ho mozo soddtam
Cheddvam-bailank choddxim voron ghara lagim paitam
Poixe kednanch subeij geinam kaidean sarke ghetam
A: Pilot ho visvaxi, sangtam munxeank to moipaxi
Sodanch baddim mojim ho marta
Sobau boro hacho lagta, sodanch visvasan to cholta
Sarkem voron mhaka ghara paita
Poixeank vanttponn kednanch kornam
Subeij dilear kednanch gheinam
Unnem dilear sangtam haka cholta
X: Oslim cheddvam pattlean bostoch
Pattik gonsdonk amche lagtoch
Amche orde poixe apxinch bhorta
A: Ho motorcycle ghevun asta Saligaochea prasar
Khatren haka voronk zata sangtam khuimcheai vellar
X: Cheddvam-bailanchim baddim marunk ekdomuch hanv uxear
Dogam cheddvam pattlean bostoch tokli zata virar
X: Cheddvam borim astat thoddim, cheddvam mottim astat thoddim
Motorcycle mhunntat fast tum sodd
Magir damchi mhaka poddta, modench brekui marcho poddta
Danvon ailo zalear gorum, dukor
Sott korun brek hanvem martoch
Cheddum pattir moje poddtoch
Dogaim modem zata motto ghoddbodd
Magir zainam zavun control
Ispid dhorchem poddta xembor
Ho slow zavunk carburetor
A: Johnny pilot mhuttlear sangtam voukota haka sogott
Hero Honda tinxim (300) number ugddassacho dhorat ghott
X: Cheddvam-bailanchim baddim marun borim kaddun zatoch
Kallukan tankam bhirant disson pilotank veng martat ghott
A: Chol re tor atam pilot, mhaka Pomburpa tum pavoi
Mojem friend mhaka ravtelem Saloi
Matxim sittar amkam bossoi
Motorcycle sovkas choloi ani Pomburpa voron denvoi
X: Oslim cheddvam pattlean bostoch
Pattik gonsdonk amche lagtoch
Anik sonspachem nhoi moje avoi
Cheddvam pattlean tenkon, tenkon
Buskot ghela mozo ghanson
Ani pattik bhitor laglea vavoi!
Moi-mogan,
Domnic Fernandes
Anjuna/Dhahran, KSA
_________________________________________________________________
Express yourself instantly with MSN Messenger! Download today it's FREE!
http://messenger.msn.click-url.com/go/onm00200471ave/direct/01/