------------------------------------------------------------------------ Remembering Aquino Braganca (b. 6 April 1924), who fought for freedom of the former Portuguese colonies in Africa. An online tribute http://aquinobraganca.wordpress.com/ (includes many historical references, some photographs and documents)
------------------------------------------------------------------------ GULF-GOANS e-NEWSLETTER (since 1994) VOPARINCHEA BHANDDARANTLEM: “Patiexi Devacher, zoit vorxi devcharacher” - Nevel Vell’lekar Decembrachea mhoynneant mhaka Kuwait vochunk sondhi mell’li. Mhojea bhava sarkea ixttan Sylvester Vaz (Fankivont Tiatrist, zo aplea Ghorkarni Irene Vaz (Tenvui Tiatrist) ani Put huxear Jeremiah hanchea sangatak Kuwait xarant vavurta) hannem mhaka amontronn dhaddlolem. He sondhecho faido kaddun, gorjecho visov ghetlo, monantlem kitem-I boroun kaddlem ani toddea Kuwaitchea Goykarankui bhettlom. “Hanv Taka Vollkhoch Na” hi mhoji prachit kallantli dakhoun thoisoruch boroili. Rosary Ferns hachea tiatrantlean mhaka nirop divnk sondh mell’lli ani eka cholchitran ek daktti xi iadinakachich bhumika keli.. Toddim sumana hanv thoim aslom khoro, ponn Kuwait aslolea Goykaranchea jivitantlean hanv zaitench xiklom. Az zaitech Goykar Kuwait vochun monis zaleat. Xiklole ani na xiklole thoim vavr kortat. Hanga Goy aslolear jivit bhor zoddchenasle te az thoim toddea mhoynneamni ani vorsamnni zoddtat. Zaite koxtt-tras te kaddtat khore, ponn Goy aslole aple ghorabe te samballtat. Zanchi poristhiti khup vaitt asli ti atam bodol’lea, ani tim atam ek khuxal jivit jiyetat. Ponn Goyam aslolim tanchim ghorkar ani ghorkarn, bhav-bhoinni, put-dhuvo,vo maim-pai aplim mogachim Kuwait assat mhonn odd’ddim boddoun hanga umedir assat. Ponn Kuwait aslolim kosle tras bhogtat mhonn Devuch zanna. Gharant kam kortat zalear ani sangukuch naka. Tankam tancho Dhoni boro mell’lear borem zalem, na zalear tanche koxtt vaddot astat. Sokallim fantea parar uttun tem rati uxir nhido porian, tankam khup vavr korcho poddta. Velean matxe chuklear vo na chuklear passun tankam khup tapsanneo khauncheo poddtat. Tanchim khup vollkhichim astat, ponn sompepomni tankam bhett korunk mellona. Kedna-kednai Kuwait tiatr zatat, ponn avodd aslear passun thoim tankam vochunk zaina. Toddeank pondra dissamnni misak vochunk sutti mellta, ponn zori igorz pois aslear, baddeache taxik ani kitloch korch korcho poddta. Tankam gostachem jevonn mellona ponn jem kitem thoim randtat, tem ruchichem nhoi zalear passun tem jevun tim dis kaddtat. Ghorcheamche photu polleun dukhamni roddun vell sartat, ponn fonacher kednai ghorcheancho tallo aikolear ti khuxal zatat. Ghorcheam lagim ulounk distat, ponn zoddtolim kitem ani moddtolim kitem! Fonacher kitlo mhonn mhonn uloitolim, tanchea kallzantli as kallzantuch urta. Aplea mogacheam sorxil’lim pois assun, fugar zavn dis kaddtat. Pidda passun zaite pautti ogeponni sonstat. Todde zann kocherimnni, komponnin vavr kortat. ‘Night shift’ aslear, nhid nastana, akhi rat vavurchem poddta. Toddeank kamank vochunk ‘transport’ asta, toddeank nasta; toddeank ‘accomodation’ mellta, toddeank mellona; toddeanchea jevnnachi bandabost kel’li asta, toddeanchi asona. Gorjecheo souloti mellonant tedna tanche koxtt ani korch vaddta. Aplo korch bhorun kaddunk, toddim zanna ‘sharing’-ak dovortat. Ponn sompeponni ulounk ani bore bhaxen jieunk ‘privacy’ asona. Ani ‘sharing’-ak dourun zaiteo noveo ixxtagoti utponn zaleat, ghov aslear gharant bail na, ani bail aslear ghorank ghov na zaun, ‘sharingak asloleam sovem sombhond goddon yevun, zaite ghorabe kosbeun geleat. Toddim bhurgeank polleunk mhonn sirvidoram dovortat, tanche-I sovem vaitt ghoddlam. Ponn toddeamnni aple avoik ani bhoinnik sirvidoranchea zagear, thoim Kuwait vhorun dovorleat, ani thoim Goyam aslolim tanchim ghorchim zaite tras bhogtat, ponn konn-konnank poddlolem na, aplem sadlear puro, osli tanchi vagnnuk zalea. Bhair koxtti vavr korcho korun, ghara portotoch randunk zai, safai korunk zai, dhuvunk zai… ho vavr ani chukona, Dogaim Kuwait aslear ani ghorkar somjikayecho aslear, ghorkarnicho bhar matxe hollu zata. Vell khoincheanuch dhanvta, uxir nhidop ani vegim uttop… oxem Kuwait aslolea Goykaranchem jivit cholta. Ponn amkam Goy asloleank tanche mat ponn churchure disonant. Tim thoinsor zaddam haloitat kai mhonn ami somzotat. Tanchim Goyam aslolim bhurgim tankam fonacher passun mogan zap korunk sodinant. Tankam kosli-I vost zai zalearuch tankam tim zap kortat. Apleak hem zai ani tem zai mhonn tim tankam formaitat. Bore bhaxen xikun tanchea koxttancho foll kaddinant ponn portench zalear, tanchea menotin ekttail’lea duddvancho ibadd kortat. Aplim mogachim pois assun, zaitim zannam tallnneche gulam zaun jiyetat. Kuwait poilech pautt pavun hanv tanchea jivitantlem zaitench xiklom. Neves Diniz hea mhojea chodda mogache ixttan ani tachea ghorcheamni mhozo boro poramos kelo, ani mhaka zai tem mogan haddun dilem ani Kuwait sakun portotana, hanv panch kilo tori vaddlom. Tancho hanv chodd abhari assam. Kuwait asatanam Holy Family Cathedral Church (Kuwait City) & Our Lady of Arabia, Ahmadi hea igorzanim Mis bhettounk sondhi mevli, Teach borobor – Kuwait Igorjecho Bishop Camillo Balin & Padr Vigar Fr.Melvin D’Cunha (Mungllurcho) hankam bhettlom anik tancho apurbaiecho & mogacho sondex gheun ghara portolom. Thoimsorlean todde dis hanv Dubai ailom. Toddeam vorssamnni Dubai khup sudharop zalam. ATLANTIS mhonn ek sobit sundor hotel tannim doriant bandlam. Soglleak nitollsann distat. Devosponnui vaddlam, kristi bhavarti upotteo ghalun igorjek vetat. Saibinnink bhettoil’li igorz khup vhoddli assa, ponn zaitim misam asunui, lokak ti pavona.’Goan Sodality’ zannim todde mhoynne fattim Arsebisp-Patrriarkachi gonvllik bhett Dubai bore bhaxen manddun haddloli. Ponn thoinsorui ek bhirant nirman zalea. Koslem-I karann dinastana, az thoinsor zaiteanchea ghoranchim baddim vaddoitat ani okosmat sirvisechim kaddtat. Tim fokt Devacher patieun jiyetat. Devachea adharan tallneachear ani devcharacher zoit vhortat. Ami Goyam asloleamnni tanche passot dispottim amchea magnnean tancho ugddas korchi goroz. Tim portun Goyam ailear, amchim sopnam sopnanch urtolim. Mhoje vhoddle bhoinni Dency-n ani mhoje bachen Trudy hinnem mhozo khup bore bhaxen poramos kelo ani mhoji ‘Dubai trip’ khuxalbhorit keli. Koxe mhonn hanv tanche upkar attoum! Dev apleacher patiyetoleak kednanch sanddina soddina. Sodhanch Devacher patiyeun, jivitachim panvllam marat. Az Gulfak vochun hem sot mhojea kallzant rigllam! VAVRADDEANCHO IXTT, 19vi Febrer, 2009 www.v-ixtt.com Goa World Goa Mog Goa SuRaj Super Goa (em Português) TGF Writers' Sketchpad www.colaco.net www.goa-world.com/goa/music/ - The Online Music Station for KONKANI Mahableshwar http://www.mahableshwar.com St. Mary's School - Mt Abu, Rajasthan India http://www.abusms.com http://www.goa-dc.com/flvvid/ikonkani.html http://www.youtube.com/watch?v=aTduCJkQNiQ EXPRESSIONS - THE FLOWER SHOP http://www.goa-world.com/expressions/ http://www.w3.org/2006/10/SSML/papers/paper.pdf GOA MAG ONLINE http://www.goamag.net http://mumbaihangout.org/radio/ http://www.renewalsetc.com/renewals.htm