When the Cats Away, the Mice Will Play Ontorraxttrik Film Utsova dobazo ani Sant Francis Xaviera-chim bhoktti novenam borobhoruch zatelean, yerderechi ani toxench lokachi surokxea khatir, odik pulisanchi fouj, Goyche Pulis Khateak, hea don-ui zageancher pattovnchi poddta. Bharotache dusrea Rajannim ani halinch Uttor Pradeshan ekach vellar 3 zageancher Lucknow, Varanasi, Faizabad bombacho sfoxtt zavn 13 lok melo ani 80 odik zokmi zalo. Osli bhirankull poristhiti Gõyant nirmann zaum naye mhonn Gõychem Pulis Khatem, dis-rat Ponnje IFFI dobazechi suat ani Pornnem Gõy dev-bhoktti zago trouble free zone korunk vavurtat. When the cats away, the mice will play, hi ek Inglez bhaxentlean mhonnnni asa. Choddan chodd Gõychea pulisanchi duty, voilea don-ui zageancher ani VIPs vo manadik unchoile monxanchi surokxe khatir samballunk dovorlelean, hea disanim pulisancho unnav dor ek pulis stexionnar dista ani hacho faido thoddo zonn huxarkaen ghetat. Novembrache 25ver Aitara sanjer Saxttiche Colva ganvant redde-paddeancheo 3 hozar lok dhirio polletanam okosmat pulis tea zagear pavon sorli ani dhirio bond keleo. Lohu-lohu korun urbebhorit dhirio pollennar thoimsorle koddsorun gele zalear sumar 400 lokan dhirio bond kelo mhonn dandde, fator, paipam ghevn pulisancher akromonn kelem ani tankam bhoimkor gayall korun Moddganvchea Hospicio hospitolant pavoile. Ucnch Neayaloyan (Supreme Court) 1997 vorsant, redde-paddeancho ani dusrea zonvoranchem zhuz lavpak kaidean bondi ghatleli asa. Tori punn motte-motte rajkarnnichea axirvaddan ani pulisank hafta (?) divn heo dhirio ghoddun haddtat mhonn Colva ganvant zalle porche bhangoddi velean atam sogllem ugtem zalam. Jednam ek kaido pas zavn veherant ghatlo mhonntoch ani favo toren upeg korun challik lainant tednam laws are made to be broken oxem ami zonnvallun mhonntat. 1997 vorsant zonvorank nixthurponni ani rogot ye meren dukhavoll korchi nhoi mhonn kaidean bondi ghatlea zalear, rostear soddun dillim zonvoram (stray cattle) vahanam chollovpeank trasant ghaltat tednam zonvor mogi dolle dampun kiteak astat kai? Kaim pixim sunim lokak chabttat ani bhirakull sunneanchi pidda (rabies) posraitat tedna khoim nidhun astat kai oslea sunneachi poramus korpi? Ghorvancho gollo pillun ani dukrank surri topun vollvollun martat tedna oslea monzatichem People for Animals he lok mas khainant kai? Poromporik dhirio bond korun ek vhodd thir marlo mhonn zonvorache mogi sozmotat mista? Lok Sobhechea pott-vechnnuke (by-election) vellar apunn jikhunn ailear Gõychi poromporik gerram vo dhirio portean kaidexir kortolo mhonn, halinch Lok Sobhek jikhunn aille khasdar bab Francisco Sardinhan dokxinn Gõyche lakanim motdarank sagun dillem. Urbebhorit dhirio pollenarank dillem utor, tachean samballunk yet? Vo hem ek mottean hanspachem fokan nhoi mhu? 1997 tem 2007 hea vorsam modim bhouch khepek pulisanim dhirio bond keleat mhonn potrancher vachlam ani aikolam. Punn, porche bhoxen poilech pavtti pulisancher akromonn zallem hem vachinam fuddem amchem mon mat kachabull zalam. Kaidean bondi ghatlelea dhirioncher kaideanche monis vo pulis, zonvorancher zatlo onneay (injustice) bond korunk sodtat zalear ami nivddun kaddlele protinidhi ho tamasa oge bosun kitlo temp purean polletele kai? Punn ek sot amchean gillunk yeta. Hatunt motea babancho hat asa ani hacho fatlo hetu mhonnlear betting chollounche khatiruch heo dhirio ghoddoun haddtat mhonn sidh zata. Lino B. Dourado
http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado ____________________________________________________________________________________ Be a better sports nut! Let your teams follow you with Yahoo Mobile. Try it now. http://mobile.yahoo.com/sports;_ylt=At9_qDKvtAbMuh1G1SQtBI7ntAcJ