Atam Emkodant, 'Special Offer' Lapittacho fon vazta…..trink…trink… “Hello, konn uloita?” “Hanv re” “Hanv konn?” “AAP” “Nam, nam! Mhaka khuxi nam tumchea 'party'-k tenko divpak” “Mhaka vollkolo nam re? Hanv re, Agnelo Apolino Pereira” “Komik korta mure tum. Mhaka dislem Aam Aadmi Party-che monis mhunn. Kitem sangunk fon kel’lo?” “TV-ir polleta ani potrancher vachta astolo tum. Europak, Amerikek, Canadak ani heram desamni, marrekar borf poddun soimb ani dot’tori jhelan buddlea. Hea thonddayent, kaim lokancher mornam aileant ani sonsunk zainaslolem hinv, lokacho jiv kaddta.” “Hoi saiba! TV-cher polletam. Poir anik ek khobor potracher vachli. Konn eklo guneanvkari, kadoi (jail) thoddun pollun ghelo. Bhaili thonddi sosunk zainam zaun, porot kadoyent ailo.” “Ani tum zannaim Lapitt….?” “Tunvem ajun sanglem nam.” ‘Tori astona ho lok thondd biyeram ani ice ghalun whisky piyeta” “Kuddik gormi mellunk zai mhunn...” “Gormi mhonllear, boro ugddas kelo tunvem. Tuka fon korpachem kharan mhonllear, hea thonddecho vo borfacho probhav norkacher (emkondacher) pasun zala.” “Kitem mhonnta re tum?” “Borfan, thondd jhelacho sagar kel’lo porinam, emkondantlea khor ujeacher bosla. Sumar 60 tok’ke (60%) ujeacho dhog unno zala. Dekhun, infernanchem raj cholovpi luciferan, 'special offer ' dovorlea. Dilolea kalla modim norkan pavtoleank, jivitbhor 40 tok’ke ujeachi gormi lagtoli” “Offer bori asa. Punn morunk konnank zai?” Lino B. Dourado
