Bailo‘Smart’ Zalear? 'Face Book'-ar,‘Konkani Speaks’ (KS) ‘group’ asa. Hea ‘group’-acher, tujean vixex rupansomajik, sonskrutik punn Gõy ani Gõykaranchea sombondan Devnagari kivam RomiKonknni lipient borounk vinonti. Hea ‘KS’ ‘group’-ak, namneche kovi, lekhok,vokhil, potrkar, voiz ani vividh ksetrant asull’le ‘members’ asat. Konknnisovem tancho mog vhodd. Mhonnun thodde zann, kaim goddamoddiche ani dispottimjivitak lagu zatele prosn vicharun, ‘KS’ vangddeam koddchean eke suttavi zapekravtat Ani poir tedus ‘Konkani Speaks’ ‘group’-achiek vangddi Bai Roshan Palkar, aplea 'Face Book'-a velea mitrank hanspachem nhoipunn chit’t divpa sarkelo ek vichear korta “Vichar karat,kharyanich jar guovank Ani baylek ekmekache Manan ekmeka khatir kide challa tekalale jalyar.....” Ani hanvem rokhddea rokhddi zapdili. “Mobailacho ‘password’ lipoichi naslim” Thoddeach vellan mhaka zagrutai zali.Roshan bayecho ek sompo prosn, punn bhouch vichearvont aslo. Ghov-bailen eka-mekacheamonant choltolem eka-mekak kolloilolem zalear, aiche ghorabe devmondir zataasle. Ghorantlim mon’xam ghorantuch xenddchim naslim. Amchim vhoddilam, aimori vellachoters kabar zalea uprant, boslolea zageavelim ghoddghoddit uttho naslim.Thoinsoruch bosun nokrie zagear, (offisant/karkanneant, adi, adi) kitem ghoddonail’lem tem, bapui sangatalo. Ghorkarn ani bhurgim aikotalim. ‘Dempartamento decasa’ choloitoli ghorkarn, disbhor koxie toren ‘ocupado’ urli ani tea pasotghorak saron marunk vell unno poddlolo vaur, dhuven sompoilo mhunn apleaghorkarak cheddvachi vhoddvik sangtali. Sosaittint vochun mhoineachem ‘ration’haddlem mhunn, avoi; putache gunn gaitali. Bapui khuxal zaun bhurgeanchi odikapurbai kori. Atanchea ghorabeantlo ters, olotoriveslean nodor nisrun, vonntir umkollte ghoddialir. Ken’nam kai dha minutachoters ‘the end’ zatlo to husko. ‘Dev bori rat.....’ ekdam sompli, salant anikkonnuch disonam. Ghorantlo zanttelo/zantteli ‘fu’-‘fu’ funk marun menn-vatiopalloita ani dusrea kuddamni ‘tuk’-‘tuk’ korun moibail chalu zatat. Mhozo xero marpak “Mobailacho‘password’ lipoichi naslim”, hache ek kherit kharan asa. Roshan bayecheavichearan mhoji ek yad taji zali. Kaim vorsam pattli gozal. Mhojea ixttan mhakasangloli. 29 vorsam kazari jivitan Romario-chebailen, koslich nam kosli ek moladik vost magunk nasli. Ghov dita tench mogansvikartali. ‘Ocasião’ vo fugsanvank borobor vetalim. Lokachea bailanchea hatant‘smartphone’ distale. Romario-che bailekui dislem tichea hatant ‘stylist’ fonascho. Tinnem aplo, kallzantlo otrek ghorkarak sanglo. Ani tannem tika, subezkimticho ‘smartphone’ gheun dilo. ‘English Football League’ polleunchiRomario-k ekdom’ xok. Osoch to eke rati futboll khell poletanam taka mobailfonachi goroz zali. Tacho ‘smartphone’pirddear zal’lo. Baileachea mobaila velean kam’ zatlem. Nhidche kuartan gelo.Bail sust nhiden goretali. Tannem fone chalu kelo. ‘Use finger print tounlock’ To zannam aslo. Tachi bail uzveaakonddeachea kuxichem bott (fore-finger) laun fon ugto korta. Tichexim gelear,tichea bottak ‘tape’ marloli poleli. Kednam ghavo zalo gai? Zaloi bhi zaleartaka kollit kelea xivai ravchi nasli. To chintunk poddlo. Bailek zagrut korpaktaka borem disonam zalem. Orxim zalear, tichi nhid eka melolea mon’xa porim. Uklunlegit vhelear tika khobor aso nasli. Luhan ‘tape’ kaddun fon ‘unlock’korchem oxem distalem taka. Toxem kelem nam. U-turn marlo. Kiteak? Taka ekekhobrecho ugddas zalo. Tea vorsak borich taploli gozal ti. ‘Konui moniskaidea bhair tujea ‘smarthphone’-achi porvongi ghenastanam rig ghetlear kadoyen(jail) pavunk xokta’. Osli firiad Sharjah (UAE) zal’li. Porvonginastonam fon topaslolean, eke bailen ghovacher kortan ‘case’ kel’li. Bailechea sangatak sokallchea nastakboslolo astonam, Romario-n ratim zokmi zalolem bott pollelem. ‘Tape’nasli. Topasni korunk, ticho fon ugto korunksanglem. Sottasott tinnem bott laun fon ‘unlock’ kelo. To sorasor samkemsomzolo. Bhurgeamni, hika tor fonavixim zaitem sanglam. Ratche babtint uloinamtitlem borem. Apli bail adle toren nam. Smartphone-am bhaxen ‘smart’ zali mhunn.... LinoB. Dourado Lapitt http://aitaracheokaskuleo.blogspot.com/
