Konknnichea nanvan porot tsunami http://groups.yahoo.com/group/gulf-goans/message/33860 Konknnichea nanvan Goyant porot tsunami zalea. Ani hea pavtt Medium of Instruction Konknni vo Inglish bhaxen zaunchem hacher chorchea cholta. Mullavem xikop avoi bhaxen zalem zalear borem zata oso amcho somoz asa. Ho somoz mandtolim aiz aplea bhurgeank Inglish medium iskolamni xikunk dhaddtat. Aplea bhurgeank borem yes mellunk axeun, mullavem xikop Inglishintlean zaunchem mhonn magnni sorkarak korta.
Ho proxn suttavo korchea adim ek don proxnacho zobab ami divpak hi goroz. Poilo mhonnlear, Konknni bhaxen mullavem xikop kelear, somazant girestam ani goribam modem ontor asa ti nopoit zatoli? Je bhaxen hi ontor nopoit zaunk bori sondhi asa te bhaxen mullavem xikop zaunk goroz asa. Mullavem xikop Inglezint kelem zalear girestam ani goribam modem asloli ontor nopoit zatoli. Toxench durso proxn Bharotant jeo mullaveo bhaso asat teo amkam zatim-katincho ugddas korta. Zor mullavem xikop omke bhaxen kelear ami zati-kati mandpacheo, soddchim nant. Tem xikop zat-kat na tosle bhaxen kelear odikuch faideachem. Osle vichar azun konnech korunk na. Sogllim aplea bhurgeanchem chintat. Hantunt kainch vaitt na, punn amchea somazacher ami visor ghalunk favona. Je nirnnoy ami ghetanv te nhoich fokot amchea bhurgeank faideache zatat punn te Goyant ravtoleank soglleank faideache zaunk goroz. Zor amche nirnnoy soglleanchea faideache zainam zalear, Goy chollvolliche dixent veta. Hi chollvoll kosli? Jim bhurgim aplea avoi bapay borobor GÙyant vavra dhondea khatir yetat, tancher-ui ami Konknni thaptoleanv. Ami fokot Goykaranchem ani Konknnichem kiteak chintanv? Amchea borobor ravtolim mon'xam nhoi? Tankam-i hok'k asat, te ami tankam dinanv zalear tanchi pinddka utpon'n zata ti Goyant eke torechi chollvoll suru kortoli. Hem sot mandunk atam kotthin zata. punn oxem ghoddchem na mhunn konnachean khatren sangunk zaunchem na. Zor Konknni Goykaranchea mogachi zalear Goyantlea karbharacheo chodd vostu ani karyokrom kiteak Konknnintlean zainant? Kitem zata vo Konknnintlean zaina tacher amchem lokx ghaltana, ek vost khatren sangum yeta, tem mhunnlear Konknni koslea tsunamicher zoit vhorta. Ho Konknnicho rikord azun khoinchech bhaxen moddunk na. Konknnichea nanvan tsunami Goyant eka karonnak lagun yeta. Tantun politik toxench zati-katinche vixoy amkam disona zait. Punn hacheruch Konknnichi nit vo onit dhorloli asa. Konknni uloitana soglleank amkam ek kortaxi dista punn uloitana zati-katincho rong lipona. Zat-kat mandina tankam hem kotthin lagta punn hi ontor mandtoleank moddunk kednach sompchi na. Soglleank eksarki sondhi diunk, eksarkim lekhunk medium of instruction Inglishint zait zalear sompem zatolem tem tuka disona? Ho ek nirnoy; hache fattlean zaite nirnnoy gheunk sompen zatolem. Sompounche adim, Konknnichi ruch, Inglish kednach vhorchina. Orglekh V-Ixtt. upkaran