MoI boball kednam somptolo?
Medium of Instruction ( MoI) hache vixim sorkaracho nirnnoy bodlunk BBSM
pongodd zobordosten proytn chalu asa. Avoy-bapuy aplea bhurgeank
Inglisintlean mullavem xikxonn diunk sorkara lagim kel'li orj sufoll
zaunk FORCE hea pongddacho kherit proytn cholta.
Amchea bhurgeanchea xikxonnacher chorchea chodd zalea ani xikxonn unnem
zalam. Junhachea mhoineant bhurgeanchim iskolam suru zaunche adim MoI
circular prosid'dh potr sorkaran dhaddlolem. Punn tem azun puray toren
chalik launk zainam oso arop BBSM korta. Bhurgeanchem xikxonn ek mhoino
ibadd zalear konnak forok poddona oxem dista. Xikxokank pogar melltach.
Montreank aplea eleisanvanchi toyari korunk onek soeg mellta ani BBSM-ak
noveo addkolleo ghalunk vell-ui mellta.
Avoy-bapaychea nirnnoy add BBSM kiteak asa? BBSM-achea chodd
vangddeanchim bhurgim mullavea iskolamni xikxonn korinant. Tanchea
bhurgeank koxim tim inglish xikoitat kai mhunn tancher arop poddlo
tednam aplea bhurgeanchea nirnnoyacher tanchea hatamni asa mhonntat tem
amkam aikolem. Tor amchea mukhar ho proxn ubo kelo. Zor BBSM vangddi ani
tanchea bhurgeachim bhurgim Inglishintlean mullavem xikop kortat zalear,
dusrea avoy-bapayank, aplea bhurgeank Inglishintlean xikxonn korunk BBSM
kiteak addkolleo haddtat?
Eke vatten ho MoI-cho tontto pulitikal zala. Kongres pokx MoI
avoy-bapaychea nirnnoyacher dorvorta zalear BJP MoI Sorkaracher dovorpak
main bhaxen korunk kityak vavurta. Maim bhaxek lagun Gُyant sodanch
kestanv kijilam choltat. Punn maim bhaxent ghott tenko diun ani
sonvsarache udorgotichea vavrak khandd marunk Inglish-ik sfurti diunk ek
kherit zababdari.
Oxem kel'lem thoddeank naka zalear kitem korchem? Gُycho fuddar sodanch
Konknni-Marathi heach tontteant guspolam. Tisroch gheta labh, osli got
zal'lea porim dista. Inglish-icho faido polleun kaido bodlunk poddlo.
Punn thoddo lok aplo faido polleunk kaido bodlunk laitat. Konknni bhas
fuddem vhorunk yezonneom asat teo Romi ani Devnagri lipichea tontteant
guspoleat. Punn Gُyant Marathi fuddem vochot asa. Azun-ui thoddea
lokachem mon Gُy Maharaxttrant vilin korpachem asa-xem dista. Ek pavtt
harlolim atam porot Konknni mogyancho adar gheun porot zoitivont zaunk
sodtat.
Xikxonnache poristhiticher kholayen kiteak nodor ghalinant? BBSM
xikxonnache poristhiticher ani sorkarache duddu bhaxeche udorgoti khatir
vapurtat te faideak poddtat vo na tacher hea 2-3 mhoineamni lokx
ghal'lem zalear xikxonnik mollar odik faido zatolo aslo. Punn amche
bhitor pulitikal zoit gheupachem mon asa zalear osle niz xikxonnache
vixoy nirfoll zatole.
Fattlea 20-25 vorsam bhitor mullavea xikxonnachi konnech molavnni
(evaluatation) korunk na. Xikxonnik vixoy asa tancho bodol korunk na.
Thodde 'concepts' aiz bhurgeank tanchea bhonvtonnim disoch na. Bhurgim
aplea avoy-bapay sorxilim pois vetat, tankam lagim haddpache proytn
fokot dhormache kam'? Pois vetolea bhurgeank mog diupachi zababdari
fokot avoy bapaychi, sorkarachi nhoi? Xikxonn oslim totvam xikoita.
Fokot maim bhaxecheach boballan guspum naka.
http://www.v-ixtt.com/client/ogrlekh.asp