Xekim mellon Scarlett-acher bolatkar zavn tacher obghati ghoddnne vorvim moron ailem mhonn Goem pulisani kobul kelem ani hoch vako (statement)pulisamni poilo kel'lo zalear aiz Goenchem nanv itlem pidd'dear zavchem naslem.Pulisamni duddu ghevn hi ghoddnni ek obsoegi buddon morpachi ghoddni mhonn lipovpak zaiti tozviz keli punn akhrek mukhel montreak Dil'lint savn fon gelea uprant he chovkoxek odhik rong ailo. Atam hem mhellem kortub adharpeanchim ghorchim vhoddlean avaz kortat ki Scarlett_ache gunnacher poili chovkoxi korchi ani uprant amchea morgadak khast favo korchi.Tor hem kortub adhartana taka matui loz disonk nam? Thoddea minttanchem sukh bhogchea khatir hea monxan eka niropradhi cheddvacher bolatkar kelo ani konn torch ghevn tachea fuddeant ieta to pollovn taka dimbhie bhor udkant soddun dhanv marlo ani matui chintunk nam ki orxinch gunge okhdam pievn las zalolem cheddum buddon mortolem mhonn.Tor ho khun nhoi tor anik kitem mhonnpachem? Oslea opradheank suttka divchi nhoi, nam tor osleo ghoddnneo hea fuddem onek zatoleo ani soglle opradhi "Taka kiteak suttka dili ,mhakai suttka dhi"oxem mhonnttole ani hem mesma lisanv oxem cholot ravtolem. Goem sorkarak amchem ekuch magnnem ki hea kesint opradheak suttka favo korchi nhoi karonn oxem kelem zalearuch videxi bhonvddekarank Goencher visvas astolo nam zalear sogott videxi bhonvddekar Goencher bondi ghalun Goeank semprak nomoskar kortole .Fuddle dis amchea Goeank bore ievche hench monant dovrun ho ami amcho lekh boroila .Konnui vachpeak mhojem mot pottovnk nam zalear mhaka muzrot kollovchem. Dev borem korum AURELIO VIEGAS Mumboi
Save all your chat conversations. Find them online at http://in.messenger.yahoo.com/webmessengerpromo.php