------------------------------------------------------------------------
* G * O * A * N * E * T **** C * L * A * S * S * I * F * I * E * D * S *
------------------------------------------------------------------------
Two new showrooms/office spaces, double height (135 sq m each with bath)
for lease in upscale Campal/Miramar beach area, Panaji, Goa.
Contact: goaengineer...@aol.com
------------------------------------------------------------------------
SON’VARACHIM SUNGTTAM:
'King' ani 'Prince'-am Vixim Konn Kitem Yeujita?
Oxeo sodeak ‘net’-avelean tiatr sonvsarantlea Melody King, Melody Prince, King
of Centuries, Prince of Centuries, Tragedy King, Tragedy Prince, King of Double
Centuries, adi. heo gozali choltat. Barik-sarik hea gozalincher tor niyall
kelear, ek gozal spoxtt ritin thavi zata. Khuinchi ti? Tiatr polleupi vo
Konknni kantaram aikopi borech chotur ani xadur asat. Konknni tiatrache machier
vo Konknni gitam gavpachea mollar konn-ui tiatristan vo gavpean apnnak koslo-i
toktto ghetlo vo taka to dilo zalear, tiatr polleupi vo kantarm aikopi tem
sompeponnim mandun ghena. Portoch zalear tacher vichar korta. Kholayaen vichar
korta. Hea nimitan, kaim zann tiatr polleupeamni mhoje kodde ugtailolim motam
hanga manddtam.
MOT 1 Tiatristank ek ‘title’ meutoch tanchea jivak khub borem dista. Sobhavik
tem. Punn, fuddem vochun te tea ‘title’-achea dorjea pormannem apli kola sador
korunk khub unnem poddtat. To ek ‘title’ melltoch tankam apnnem tiatr mollacher
jitlem-i korunk zai aslem, titlem-i korun mekllo zalolea vorim
MOT 2: Tiatristank te ‘title’ konn dita? Ani kitlea sompeponnan tankam te
‘title’ meutat? Ani te kitle mhunn ‘title’-anchea fattlean dhanvtat?
MOT 3: Oxe tiatristank ‘title’ diun faido na. Tankam ‘title’ dile na dile,
kitem ani koslo forok poddta? Omkeakuch ho ‘title’ dilo, ani dusreak to ‘title’
dilo mhunn tiatr pollevpeank vegllem kainch disona. Zancho tankam tiatr
polleupacho asa to tim polletolim.
MOT 4: Tiatrak 116 vorsam bhorlim mhonntoch, aiche tiatr ani tiatrist hea
‘title’-am poros unch asunk zai asle. Punn te ‘title’ gheun chodd okupad astat
tednam, te apunn 116 vorsam fattim aslole porim kortat.
MOT 5: Tiatristamni ‘title’-am fattlean dhanvche bodlek, ‘title’ tanche
fattlean dhanvun yeta toxe tannim vavrunk zai.
MOT 6: Tiatr vo songitachea mollar ami sabar ‘king of …..’ ani ‘prince
of….’ asat mhunn aikolam. Punn ‘Prince’ vo ‘King of Introducing New Talents on
Konkani Stage’ mhunn kednach aikunk na. Mhonnche faleam hea ‘King’-ancho ani
‘Prince’-ancho kall somptoch sogllem somplem mhunn somzupachem?
MOT 7: Tiatrak 100 odik vorsancho itihas asa hem sot konnacheanuch nakarunk
zaina. Kalla pormannem mathear kurponnem mhonnit aiz amche kodde hea mollar
‘king’ ani ‘prince’-uch kiteak? Machie fattlean-fuddlean vavurpeam soit eka
razachea vo kunvrachea dorbarant jitle-i ‘title’ asat title-i asunk naka asle?
Apunn‘King/Prince of……’ zaunk tancho-i hatbhar lagla mhunn tannim vichar
korpachi goroz asa.
MOT 8: Hea ‘King’ vo ‘Prince’ mhonntat tea ‘title’-ank fuddem vhoddlo-so orth
ascho na. Kiteak zanna? Sodeak, tornnateancho ek zomo toyar zata.. Ho zomo,
tiatrancher kholayen obheas korta ani, tiatrachem mhunn tiatrantlean tiatrist
jem kitem diunk unnem poddtat tem sogllem te bhorun kaddun tiatrak ek vegllem
moddon (turn) diunk sodtat. Dekun tiatristamni ‘title’-am poros he gozaliche
nodrentlean vichar korop hi kallachi goroz asa.
MOT 9: Tiatr machier hache-tache ‘king/prince’ zaun tannim nanv zoddlem. Punn
heach ‘title’-ancho vapor korun aiz mhonnosor tannim Konknni machiek khub-khub
nove-nove tiatrist diunk zai asle. Punn toxem kelolem disona. Ani hacho puravo
mhunn, ami khubxea tiatramni tinch-tinch tonddam polletanv….. tanchi atam
ubgonn ailea.
MOT 10: Tiatr machier te apunn he ani te ‘king/prince’ mhonntat, punn he
‘king/prince’ khubxea tiatr pollevpeanchea monachi bukh marunk xokonant.
Jose Salvador Fernandes
****************************************************
CHOTRAI: Kaim sumanam voilo vibhag SON'VARACHIM SUNGTTAM bond aslolo to ami hea
sumanant thanv chalu kortat. Bharot Sorkarachem Department of Information
Technology Setembrache 8ver, 2009 Konknnicho (Romi ani Devnagari) software
uzvadda haddta. Amkam Konknni mon'xank ani bhou korun Romintlea Konknni mon'xak
bhouch khoxalkayechi gozal. Hea 'software'-acho Romi bhag asa to Prof. Jose
Salvador Fernandes-an toyar kela.
MELODY KING hea title-a vixim amchea ixtt Lapittak mot-am pavlolim tim ami
porot amchea vachpeank sokoll vachunk ditat. Goa.world.com -Team.
“**********************************************************
Mogall Lapitt..
Koslo khas soromb ghoddun haddlolo? Konn tache vangddi? Ho edo vodlo mukhut
taka konnem dilo? ani koslea kamank lagon?
Khorem sangxi anv tea disa tea tiatrak hajir assonk na. Punn aik..him utram
Lawry chea tondantalim...jim tho mhunnta tache 59th VCD album 'Ekuch Zap Kor'.
Tannem khorim ponnim sanglem konnem tacho sotkar kelo tho...Aik
Dec 2003 Kepem Seamens acho odheox Shri Piety Miranda ani tacho sangati, tannem
chintlem Lawry voir kaddpak koslo torui title diumcho tho ani tacho ek show
musical show goddun addlo ani taka KEPEM SEAMENS an ho QUEPEM MELODY PRINCE
mhunn title dilo...tacho anus temi Heraldacher ghatlolo khoim.
Uprant 2006 GVN hollant Mario Menezesachea tiatran Shri Reginal Rodrigues, adle
Varkemche Sarpanch, ek tiatr polloupi ani samajik vavurpi (oxem khud Lawry
sangta) taka ek bhangracho crown diun taka NEW MELODY KING ho title dilo.
Aiz oslim Associations ani politician tanchim Jai Jaikar kortoch tankam kosloi
title diunk fattim soronant.. Aiz kal tiatristank title ekdom sovai. Aiz
tiatrist khud Lawryk vinchartat ho title Melody King konnem taka dilo tho..
Quepem Seamens gave Lawry the title of Quepem Melody Prince in 2003 and in 2006
ex sarpanch of Varca has bestowed the title as New Melody King to Lawry
Travasso in his colleagues tiatr.
The real Melody King of Konkani stage is Alfred Rose...n there can be no new
Melody King atleastfor the time being.
More details on King of Melody read this:
http://www.goa-world.com/goa/tiatr/king_of_melody.htm
Dev Borem Korum
Eddie Verdes
-----------------------------------------------------------------------
*Alfred Rose* is one and only *Melody King.*
He composed and sang songs - Mogachim.. Khoxechim...and on all topics. No
Konkani singer can capture this Crown.
He not only composed and sang, but he printed booklets of his composing and
let other sing them. I say Lawry Travasso is a good singer.
He got long way to go. Xavier Gomes and Francis de Tuem too sings well.
Best Regards
Peter Fernandes
****************************************************
Mogall Eddie and Joe,
2006 vorsant ek khas soromb ghoddun haddlolo Mario Menezes-achea Tanchem
Chintat, Timvuim Mon’xam, triatrant. Ani tea disa taka The Melody King of
Goa ho mukhut favo zalolo. Tea adim (hanv chuklo nam zalear) Quepem-karamni
tachea huxar ghavpachea kollechea chepeak Melody Prince mukhut favo kelolo asa.
Tumche bhoxen havuim sorgest Alfred Rose-acho ek vhodd fan . Mhojea monant to
(Alfi) ani tachim portean-portean aikopa sarkelim mon bhulgavpi kantanram
sodanch jivim urtolim. Punn ami, aichea ani fuddle pillgek amchi porompora
(tiatr ani kantaram) jivi dovortolo zalear ami nove Alfredo Rose toyar korunk
zai.
Mog asum,
Tumcho
Lapitt
***********************************************************
Mojim Porbim Lawry Bab, khorench tho ek boro kantorist.
Punn Lapitt maka sangxi Lawry babak konnem NEW MELODY KING..hem title dilem.Ho
zaun assa ek vhodd okman amchea somplelea Melody King Alfred Rose ak.....Anv
Sozmotam focot ekuch Melody King assa ani tho zaun assa Alfred Rose...taka sor
kortolo dusro konn melody king na..
There is only one MELODY KING OF THE KONKANI STAGE...and that is ALFRED
ROSE...there can be no NEW...meldoy King.
Dev Borem Korum
Eddie Verdes
( A great fan of Alfred Rose )
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
I too like to know who gave Lawry the Title 'Melody King'
So many Kings now a day
Tragedy King
Mimicry king
Century King
Double Century king
Never heard?
Tiatrist JoeGoaUk despite having his own Ford Fiesta in UK, he is now driving
Indian Maruti in Goa. Is he a 'Kumarimcho King' o what?
btw, has anybody got William De Curtorim email ID?
joego...@yahoo.co.uk”
