--------------------------------------------------------------------------- 2008 International Goan Convention Toronto, Canada
Early Bird Discount Registration closes March 31, 2008 http://www.2008goanconvention.com/regform_print.html --------------------------------------------------------------------------- www.goa-world.com Quality. Precision. Professional. Gulf-Goans e-Newsletter http://www.yahoogroups.com/group/gulf-goans/ (since 1994) SON'VARACHIM SUNGTTAM: Kompiutorachi Anik Ek 'Progoti' ? - Jose Salvador Fernandes To mhaka vollkhota. Hanv taka vollkhotam. Vollkhichi survat khoim zali? Kolejint. Oi! Mhojem B.A.-chem nim'nnem voros tednam to baravent xiktalo. Xikxonnik voros somplem ani ami ekamekak sanddle. Kitlosoch kall chukun-sukun legit gavle na. Hea vorsam pottim tachi kednam-i yad yetali tednam distalem - 'ho Gõycho anik ek nam'nnecho chitarpi zat'lo. Eka kallar chitrantlean Gõyak ani apleak vangddach nanv zoddtolo. Khorem sangchem zalear, taka chitr-kolecho bes-boro hat axil'lo. Kolejint pott fattik tenktalem tednam, dogui 'canteen'-ant votale. 'Refreshment' ghetanam odim-modim taka gozali sangtalom. Punn te poros chodd to aplea pustokar chitram kaddun mhoje nodrek ditalo. Tachea chitranchi tokhnnay korit titli thoddi. Aichea chitranchi soya tin vorsam fattim tachea chitramni polletalom. Khoinchem chitr koxem kaddchem taka konnench sangchem lagonaslem. Ekdam 'canteen'-ant dog-ui chav piyetale tednam amche 'opposite' bosun cheddvancho ek pongodd 'soft drink'-am piyetalo. Tea zomeantli ek choli kosli tori khobor sangit hans-hans-hanstali. Ani ti hanstali toxea-toxich hannem tika chitrayli. Tannem tem chitr mhoje-i nodrek haddlem tednam dislem 'tem 'opposite' aslolem cheddum atam mhoreant yevn mhakach hansta.' Tednam jivak legit attvech torechi khoxalkay bhogil'li. Ani dusreach khinnak hannem anik ek chitr chitarlem, ani mhaka dakoyt mhonnpak laglo - 'Tich choli tor roddunk lagli zalear oxea rupachi distoli!' Oxea vellar tache vixim jem kovtuk dislem tem utramni vornnipak yenam. 'Professional artist'-an toyar kel'lea sarkim tachea hatachim chitram polletanam, ek dis taka vicharlem - "Baravi zatoch kitem kortolo?" "Fine Arts korunk yevjilam." "Artist-uch zat'lo tor tum?" Hanv Oi! Konnak sor korum yena toslo 'artist'. "Tuka itsa aslelich 'line' tuvem dhorli. Zalear, tum tuje chitrkole-chem bhangor kortolo". Hanvem taka ut'tejon dilem. Hi khobor don vorsam adli. Te uprant ami mell'lech nant. Punn halinch amchi bhett Ponnje RTO-che kocherint zali. Hanv 'Road Tax' bhorunk vetalom. To 'Road Tax' bhorun portotalo. Aileo-poileo gozali kortana mhonnlem - "Koxem chol'lam Fine-Arts'?" "Fine Arts-ache bhan'goddek poddlom nam hanv." "Oxem? Thoddeank self-made artist zavpak odik man'vota." "........" To ogich ravlo. "Chitravpi mhunnon ghorach kam' korta astolo nhoi?" Hanv. "Nam." "Advertising Agency-nt nokri korta tor?" "Nam." To fokot nanare ghaltalo. "Zalear, anik kitem korta tor tum?" "Computers kortam!" "Chitravpachi kola konnxak marun computers korta?" "Atam computer literate-ak chodd demand asa nhoi?" "Ani artist-ak kitem unno demand asa?" Hanvem vicharacher vichar kelo. "Toxem nhoi.... votam hanv. Az 'theory' chukoyli hanvem. Atam practicals chukovpak nakat." To uttavollin koddsorun gelo. Puray desak, rajyak, somazak apli udorgot zal'li zay. Tech khatir protek goddiek tim progotichim sopnnam choddpak laletat. Zache udexim apli udorgot tharum yeta te-te nove upay vinchun tim apnnaytat. Tosloch ek upay mhollear kompiutor. Kompiutor. Aple hikmotin mon'xan zolmak ghalolo vegllech torecho nog to! Kitlim-i ani koslim-i augodd kamam kompiutorachea alaxirean, komich komi vellan, sompeponnim korum yetat. Kompiutor mhonnlear sonvsarache progotichi anik ek aglli-veglli khunna man'tat. Kaim zannam ti protixttechi-i khunna mhunn man'tat. Kocherimni kompiutor. Udyog-dhondeamni kompiutor. Benkimni kompiutor. Unnea-punnea soglleach svatancher kompiutor. Hem polletoch dista - faleam yeta mhonnosor sogllench 'computerised' zat'lem. Kompiutora xivay zhaddachim piklelim panam legit zoddchin nant. Hachi sulus aiche pillgek laglea zaum-ie. Na tor, utt'ta-bostam sogllech kompiutorak kiteak dhanvtat? Xallechim mukheleam legit kompiutor xikpak kiteak dhanvtat? Xallechea mukheleank porian 'atam kompiutor xikle bogor xikpeank khoinch nokri mellpachi na' oxe torecho dixttavo zala zavnk zay. Na tor, xallamni kiteak kompiutor xikoytole asle? Az-kal vortoman-potrancher 'wanted computer literate' mhunn kitleoch jairati yetat, jairatincher kompiutorachi patrtay vachtoch tornne vaddte pillgek dista - 'kompiutor xiklea xivay mhaka fuddar nam.' Ek-dog oxe mhonnot sogllech kompiutorak dhanvtat. Bhangra poros-ui odik molache je kolecher aplo fuddar adarlolo aslo, ti kola legit sareak marun... Soglleankuch, soglleoch kola astat oxem nhoi. Punn kolecher dhean-mon ghalun vavurlo zalear, ti kola tachem pott zaum yeta. Te kolecho vapor korun to aplem pott bhorunk xokta. Aplo fuddar porzollit korunk xokta. Tech kolentlean apleak nanv zoddum yeta. Itlench nhoi! Tor aple kolecho vevosthit vapor korun kompiutorak na tachea poros-ui dupett aple kolek tanchean 'demand' haddum yeta. Kompiutorachem kam' korun jitlem-i zoddcho naslo, tache-i odik kolechea boreponnan komaum yeta. Itlem-i korun kolechem dhadosponn bhogtolem. Osle tenkxer pavonk amche kolecho amkanch poilim obhiman aspak favo. Kolentlean amche jinnechem bhangar korpachi itsa ani umed asop gorjechem. Punn oslem mullavonn amche tornne pillge bhitor konn ghaltolo? Khorem mhollear, hea gozalinchi survat xallentuch, sabar kolank vatt meklli korun ut'tejon divpachi goroz. Tanche bhitor asloli kola fulovpak tankam xikovpeancho adar mellpak favo. Faleam hech kolentlean te ghoddie aplo fuddar ubo korit. Amchea xallamni oslea kamak vell ani monis nant. Kompiutor xikovpak mat.... Kompiutoracheruch fuddar korpak ami sogllech amcheo kola khilleak umkollaytat zalear, amche chukik mafich na mhonnpak zay. 'Computer literate' zavpak soglleamnich tor kolechea tonddak panam puslim zalear, itleank-ui kompiutorachich nokri melltoli mhunn kosli khatri asa? Kitleaxeach zannanchem kam' kompiutor ekloch korta mhonntat nhoi? Dusreak 'gorje bhailo' tharavpi kompiutor to. Torui ami taka progoticho ek mhotvacho nog mhonntat. 'Kompiutor xikxonn borem vo na' - mud'do ho nhoi. Punn sogllinch kompiutor xikxonn korit ravlim zalear, sabar kolechea rongan bhorsol'lea ani fulun ailelea amchea somazachem fuddem kitem zat'lem? Huskean vichar korpa sarki gozal nhoi zalear, anik kitem tor hem? Kompiutorachi anik ek 'progoti'? (c) Jose Salvador Fernandes 22/3/2008 http://sonvarchimsungttam.blogspot.com/2008/03/kompiutorachi-anik-ek-progoti.html Forwared by www.goa-world.com for Gulf-Goans e-Newsletter (since 1994) http://www.yahoogroups.com/group/gulf-goans/ _______________________________ EASTER NITE WITH FOREFRONT IN KUWAIT DHL proudly presents "The Goan Expat Club's" - "Easter Nite with Forefront" on Thursday 27th March from 8.30 pm onwards at the spacious Fakher-El-Deen Palace Restaurant, Kuwait City. Limited invitations available on first come first get basis. Please call 6655045, 9729133 & 9053718 in advance to collect your invitations. ________________________________ www.focckwt.org www.cry.org www.goa-world.com/goa/music/ Live Konkani Music at http://www.live365.com/cgi-bin/directory.cgi?autostart=konkani Save as> to download star_tip_hat_md_wht.gif!" src="http://eknp.com/clipart/ani/star_tip_hat_md_wht.gif">HAVE YOU HEARD ? LAPITT to strike back on 'Easter Sunday' !!! http://groups.yahoo.com/group/gulf-goans/message/18464 http://groups.yahoo.com/group/gulf-goans/message/18155 www.goa-world.com http://www.goa-world.com http://www.live365.com/stations/61664 Live Konkani Music http://www.youtube.com/uly334 Konkani Video's Online KIFF NITE '08 After organizing one of the most successful events of last year, Kuwait Indian Football Federation (KIFF) made up of nineteen affiliated clubs and associations is pleased to announce the grand 2nd annual KIFF NITE which will be held at the Kuwait Ramada Hotel (Reggai) on Thursday, 29th May 2008 from 9:00 pm onwards. __________________ PRINCE JACOB PRODUCTION presents SREE PADA MOVIE MAKERS KONKANI CINEMA "PADRI" on 28th March 2008 at 4:00 p.m. at Masra Al Hawalli (Hawalli A.C.) Auditorium, Kuwait. Brought to you by KALA MOGUI KUWAIT. Email: [EMAIL PROTECTED] www.goa-world.com DOR BERESTARA-K VACHUNK TOIAR RAV WILMIX MAZARELLO-cho Konkani LEKH "Porddea Fattlean" Suru zala : 27/3/2008 www.goa-world.com - Promoting Tiatr & Tiatrists since 1994 ! ZORUI TUVEM GULF-GOANS e-NEWSLETTER -ar VACHUNK NAM, ZALEAR ZEM KITEM TUVEM VACHLAM TEM KHATREACHEM MHUNN AMI TUMCAM SANGONK FATTIM RAUTAT. http://www.yahoogroups.com/group/gulf-goans/ Goa's Pride - http://www.goa-world.com http://www.youtube.com/watch?v=MuCMjzYA3_U Gulf-Goans e-Newsletter (Since 1994) archived at http://www.yahoogroups.com/group/gulf-goans/ Moderated by Gaspar Almeida & presented by Ulysses Menezes http://youtube.com/watch?v=-jXmU_x5mKk - 1st Konkani e-cinema shortly releasing in 'Goa' --------------------------------- Never miss a thing. Make Yahoo your homepage.