Gelea Aitarak (13 Dezembr)Chembur-chea OPLS igorje varandah-nt Mumbai Goan
Association-an World Goa Day monoilo. Ami hea dobajeak hajir asle ani jem kitem
hanven hangasor pollelem tem thoddkeant boroitam. Hea dobajeak sumar 500 lok
hajir asle. Survek mhonnllear kareokrom English bhaxentlean zalo kai dislem
karonn he karekromank ailole sumar 90 ttok'ke lok English bhaxentlean uloitale.
Horxim kareokrom boro zalo punn Konknni bhaxecher thoddo bhor ghalun purai
konknni bhaxen kelolo zalear odhik borem zatolem aslem. Somplolo Konknni gavpi
Alfred Rose-acho put Engelbert hea vellar sutrsonchalon kortalo punn choddso
vell tannim English bhaxek mhotv dilem.
Karekromant zaite pongddamni bhag ghetlolo tantunt Goan Review ani Gulab-ache
Sompadpi Fausto D'Costa hanchea pongddachoi aspav aslo ani tannim aplea
proiogamni Goenchem chitr lokam mukhar dovorlem zoxem Dekhnni, Dulpod,
Lok-nach, Mando..adi..
Tea xivai Kenny, Succorina, Dr Peter Rodrigues, Alfia (Alfred Rose-achi
dhuv)adi.. hannim sobit gitam gavn he kareavollik odhik rong haddlo. Allan Vaz
hannim aplea Go Goa hea album-antlim don gitam gavn torunn tornatteank umedir
dovorlim. Daybreakers-amni songitacho sur dilo.
Goa Mumbai Association-ache odheokx Ashley D'Silva-n boroch bhar aplea
bhuzancher ghetlo mhonn amchi taka xabaski tech porim soglleank urbha haddli ti
mhonnllear Jane Rodrigues-an. Dor eka hajir asloleachi Jane-n aplea hanstea
tonddan soglleanchim kallzam jikhon ghetlim.
Hea vellar bhurgeank toxem zantteank khas khell ghoddovn haddle ani tantunt
jikhnnarank inamaim favo zalim.Karekromanchea xevtta vellar Succurin-an
bebddeachem sovong korun gailolem git soglleankuch avoddlem ani hansot-hansot
lok aplea ghora gelo.
Mumboi Goa Association-achea sogllea vangddeank amchim hun-hunnit porbim karonn
ho World Goa Day monoilo mhonn ani heai fuddem tannim hem kam chalu dovrunk
amchem magnnem .(Zaitea vangddeanchea nanvacho hanven ghoddie ul'lekh korunk
nam astolo ten'na vangddeamni somzun ghevchem oxi nomr vinonti)
HATS OFF TO MUMBAI-GOA ASSOCIATION, SPECIALLY TO PRESIDENT ASHLEY AND JANE
By Aurelio Viegas
The INTERNET now has a personality. YOURS! See your Yahoo! Homepage.
http://in.yahoo.com/
