Waalaikum salam,wr,wb. Alah sampai dek Tan Tuah kini tu ......., Tan Tuah pulo ambo imbau, samantangpun Tan Tuah surang nan taimbau, iyolah ujuiknyo adolah kapado sagalo kito nan ado dipalanta Saudagar Minang ko, kok ketek indak basabuik namo, gadang indak ba imbau gala, salam tatuju kapado Tan Tuah surang, adopun sambahnyo adolah sambah pendek sajo.
Satantangan topik nan diateh, kok dirantang amuah panjang, ancak dikumpa nak nyo singkek, singkek diambiak nan paguno. Adopun inti dari apo nan ambo lewakan pado topik sabalunnyo adolah untuak kito jadikan Bench Marking atau study bandiang apo nan alah dibuek dek propinsi tetangga kito, apo lai antaro Sumbar jo Sumsel kini ko, dengan alah dibari galanyo Gubernur Sumsel Bpk Ir.Syahrial Oesman,MM oleh KAN Nagari Lubuak Jantan Lintau Buo Utara Kabupaten Tanah Data nan dibari gala sangsako adat nan bagala Tuanku Bagindo Basa Nan Kayo akan semangkin erat hubungan persaudaraan antar kaduo propinsi, indak ado salahnyo kito manyontoh hal nan rancak dari tetanggo kito tu. Apo lai kaduo Gubernur ko alah sapamainan samanjak beliau2 masih manjadi Bupati, nan surang Bupati Solok dan surang lai Bupati OKU. Kaduonyo alah akrab saroman adiak kakak, bahkan dalam pidato Pak Gumawan Fauzi pado acara jamuan makan malam di Bukiktinggi pado hari minggu malam nan lalu sambia bacanda baliau manyampaikan bahaso mereka pernah sakamar dan saliang pijit2 kaki dek karano kapanek-an. Konco mereka nan saangkatan banyak nan manjadi Gubernur, seperti Gubernur Riau, Gubernur Jambi, Gubernur Bangka Belitung, Gubernur Sulawesi Tenggara (kalau indak salah) dan banyak gubernur nan lain nan ambo lupo maingeknyo. Kalau dalam suatu rapek para gubernur, kato Pak Gumawan Fauzi lai, Pak Syahrial Oesman ko nan paliang kareh suaronyo. Urang nyo visioner, Sumsel dicanangkan beliau sebagai "LUMBUNG ENERGY dan LUMBUNG PANGAN". Jadi dengan alah diangkeknyo beliau manjadi urang sumando niniak mamak mako kami urang Minang nan ado di Palembang akan ado tampek balinduang. Dek karano Tan Tuah adolah pulo manjadi urang sumando dari Urang Lahat dan Kayu Aguang, indak salahnyo ambo lewakan informasi tentang Gubernur kami tu. Walau subananyo ambo alun tahu sia bana nan Tan Tuah tu, dimaa domisilinyo ??? Dengan niaik baiak semoga persaudaraan antaro Minang jo Sriwijaya dapek langgeng dan saliang menguntuangkan. Kami selaku urang Minang di Sumsel khususnyo Palembang alah punyo tampek bataduah kahujanan, tampek balinduang kapanehan, tampek ambiak wuduak dan sholat bajamah di Sekretariat BMKM Sumsel dengan alah badirinyo Aula dan Musajik kami nan duo tingkek. Walau alun samparono bana, dijadwalkan musajik nyo bisa dipakai untuak sholat tarawih pado bulan puaso ko dan akan kami jadikan "Posko bantuan pulang basamo" hari rayo tahun 1427 H / 2006 M ko nan marupokan salah satu Program Gebu Minang nan pengampunyo ambo sendiri basarato Ketua Umum BMKM Sumsel pak Sahrudin Ismail Dt.Bagindo Malano. Bangunan tersebut indak terlepas dari sumbangsih Bapak Gubernur beserta Ibu. Sagitu sajo nan dapek ambo curai papakan untuak dapek kito ketahui basamo. Talabiah dan takurang ambo mintak maaf, ka Tuhan ambo mintak ampun. Maaf kok ado mandapek double ... delete sajo ......... yo. Wassalam, HM Dt.Marah Bangso (49+) Sekretaris Panitia Pembangunan Musajik dan Aula BMKM Sumsel ----- Original Message ----- From: Roy Noviar To: [EMAIL PROTECTED] Sent: Wednesday, July 12, 2006 1:29 PM Subject: RE: [SaudagarMinang] Re: Caliaklah Riau Kini =====> Contoh juo lah Sumsel ........ Ass.W.W Ma Nyo HM Datuak MB nan marantau ka Tanah Sriwijaya, lah sesuai nan dimakasuik Datuak, ba kato urang tuo2 "Ba bunyi Badia dua tigo namun cie dantamnyo" bangga lah Ambo mambaco bahwasonyo anak Datuak sakolahnyo alah ta masuak ke golongan Anak Minangkabau nan diateh rato-rato,ka anak2 ikolah nanti kito mengaharapkan Sumar ko akan semakin maju. Kebetulan Induak Bareh dari Daerah Sumsel pulo, dari Lahat jo Kayu Agung Di parenai malah Datuak, supayo Sumbarpun punyo Lembaga atau Yayasan cando nantun. Wass RNA St. Tan Tuah __._,_.___ . __,_._,___ -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================