Iyo, Mokasih Angku Bandaro jo Angku Erwin,
Maso dahulu tu banyak kulikaik antaro Kampuang nan talakok ka banak garah
rang mudo-mudo. Kalau garah Nek Zahra tu, di Bukittinggi, rumah baliau
tamapek Makngah tingga tu dahulu rumah kayu agak kulabu di suduik sabalah
kasuok (utara) Musajik Tangah Sawah, ado tabek sabalah ka baratnyo
kapunyoan baliau, Jalan Tangah Sawah No. 30, Bukaittinggi. Di subarang
tabek tu ado rumah petak. Ado lo anak gadih anak SMA-Birugo (1961-63)
tingga sinan dahulu, agak segeh, lupo namonyo, rasonyo anak Matua atau
Palembayan. MakNgah sanang jo inyo... tapi inyo agak pamalu. Mungkin kini
kok lai anggota mailing List SMA-1 indak tahu. Kok ado di sinan (Maling
List SMA-1) salam se lah setek. Tapi patang ko MakNgah bajalan ka sinan,
rindu nostalgia mancaliak tampek lamo, indak ado lai rumah jo tabek tu, lah
ado rumah-rumah baru dari batu sinan. Indak ado lai urang nan tahu jo awak.
Agak taibo ati awak ...
Samantaro awak jo Garah Sungai Pua ko, MakNgah panah lo tingga agak lamo di
Payokumbuah maso remaja. Anak-anak Payokumbuah ko, istimewa anak-anak Koto
nan Godang, tamusahua agak lombuk-lombuk suaronyo. Kalau nyo pai ka pasa
bajunyo segeh-segeh, bahasonyo elok-elok, baiak kok maago barang, apo
lai kok basicontiak. ...
Wakatu tu, agak pagi, ari Akaik, udaro sajuak, pasa alun rami bana lai,
saurang anak gadih nan segeh ko maago lado. Nan manjua lado ko urang awak
dari Ateh (Bukiktenggi), kabatulan dari Sungai Pua ko. Dek kapatang hari
Satu di Ateh, pasanyo rami agak hiruak pikuak, banyak suaro kareh, tabawo
pulo kulikaik nan patang tu ka Pek Ten. Pado hal iko indak Gaduang (Pasa
Bukitinggi) lai. Dalam ago-maago lado, tajadilah dialog:
Anak Godih Koto nan Ompek (jo suaro oluh lomah gomulai): "Boraa lado
saonggok Mak?"
Toke Lado (jo suaro kareh, tadanganyo saroman urang mahariak): "Limo ratuih!"
Anak Gadih: "Eee, baa dek bongih-bongih se Mak?"
Toke Lado: "Baa ka indak, Agau maago cando rang ka mattti!"
Sakadar sabingkah kanangan nostalgia ka Pasa Payokumbuah, dahulu ... :)
Antah lai juo urang basicontiak kini antah indak, baa tu Bundo Nismah?
Salam,
--MakNgah
42606
From: Erwin Moechtar <[EMAIL PROTECTED]>
Date: Wed Sep 7, 2005 6:44am
Subject: Re: [EMAIL PROTECTED] Ambo ka Padang hari jum'at ko; Apa?
He heh ...
Iyo tekan ambo ka Mak Ngah ko,
Ta baco dek Mak Ngah kulikaik sado alah nagari .... he he ...
Salam,
Erwin M.
On 9/7/05, Bandaro <[EMAIL PROTECTED]> wrote:
>
>
> Itu duluuuuu ........... mak Ngah.
> Kini rang Sungai Pua pakar IT, "cimbuak.com
<<http://cimbuak.com>http://cimbuak.com>" lah jadi
> juaro.
> Io mantun Erwin Mochtar, Dewis
>
> mak Ban
> lending isnin 5 Sept 12:00 di S-Hatta dari Batam
> ~~~~~~~
>
>
>
> Sjamsir Sjarif wrote:
>
> > Angku Syahril,
> >
> > Indak baa doh kok indak taapa sadonyo nan banyak tu. Kok taapa sadonyo
> ibo
> > lo awak jo Mak Sati beko, karano nan santiang maapa tu kan iyo Urang
> Sungai
> > Pua... :)
>
No virus found in this outgoing message.
Checked by AVG Anti-Virus.
Version: 7.0.344 / Virus Database: 267.10.18/91 - Release Date: 9/6/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
