Assalamulaikum WW Mak Lembang, rupono sadang sakik yo. Jadino ambo manjagokan mak Lembang nan sadang talalok dek sakik. Kalau baitu baulang minal aidin walfaidzin baliak indak baa doh kan?
Asam uratko, takana diambo mak Ngah indak mangiro bahaso bahaso Inngirihno adolah "Uric Acid", jadi diterjemahkan jo bunyi nan tadanga sajo kadalam bahasa Indonesiano. Konon kabano dari dokter nan mangecekan, kaambo langsung, dek ambo tamasuak didalamno: 10% urang adolah cendrung asam urat tinggi. Kaduo, kabatulan sawaktu balebaran karumah mamak mbo kapatangko, mamak ambo bacarito pangalaman baliau jo asam uratko, satalah panek baubek ka dokter, dek iyo saroman nan mak Lembang kecekan, sasudah habih efek suntikan nan diagiahkan, mako raso sakik datang baliak. Iyo baitulah pinyakik metobolismeko. Awak harus rajin diet pantang perangsang timbulno produksi asam urat di tubuah awak. Mamak mbo tu kini mamakai ubek cino, nan langsuang reaksino, tapi iyo pailang raso sakik juo. Jadi harus dimakan rutin. Kalau mak Lembang ingin tau ubekno, bisa telepon mamak mbo tu. Namo baliau mak Ono, St Sampono. Kalau paralu nomor telepon bi ambo agiah tahu jo japri beko. Wassalam WW St.P -----Original Message----- From: [EMAIL PROTECTED] [mailto:[EMAIL PROTECTED] On Behalf Of Muhammad Dafiq Saib Sent: 27 Oktober 2006 13:35 To: palanta@minang.rantaunet.org Subject: Re: [EMAIL PROTECTED] Kaji Lamo ..... bia palanta baunyi ... kan baituyo mak Lembang Assalaamu'alaikum wa rahmatullaahi wa barakaatuhu, Dikajuik-ino ambo dek angku Patiah. Pangajian di Surau Gurun ado sampai seri ka sapuluah kalau indak salah. Sudah tu antah dek a garan, alah baranti sin no surang. Dek dikajuik-i ko mungkin biko-biko disambuang lo kaji lamo tu baliak. Hanyo, ambo sadang dapek ujian saketek. Alah sapuluah ari sakik, indak dapek bajalan normal. Panyakik ambo mulono asam urek, panyakik alah sangaik lamo, alah sajak tahun 86. Alah baganti macam ubek nan ambo cubo. Tapi panyakik ko iyo turun naiak sajo nampakno. Katiko bangkik, timbua sakik, dimakan ubek cegakno sabanta. Kudianko ado adiak ambo maanjurkan minum sabangso suplemen untuak detoxinasi, namo merek dagangno Intra. Ambo cubo pulolah. Rupono manuruik konsultan dari produk ko caro bakarajo ubek ko iyo di'buek'no sakik awak dulu. Itu bana nan tajadi di ambo kini-kiniko. Alah sambilan ari indak pai ka musajik. Dipijak-an bukan main sakik. Kaki bangkak ka duo balah anno. Mancaliak cando grafikno alah muloi manurun, alah barangsua elok. Tapi antah bara ari lai ka sarupo iko. Wallahu a'lam. Ari Rayo jo sumbayang jumaaik lai bakayai-an juo pai, tapi sumbayang duduak. Itulah parasaian samantaro kiniko. Wassalamu'alaikum, Lembang Alam -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================
