Assalamu'alaikum wr.wb. Nan paralu kito peloki, nepotisme sasamo suku jo sasamo pribumi dalam basinergi mambuek suatu jaringan nan indak putuih dek perubahan jo waktu. "Alam takambang jadi guru", nan paralu ado niat jo usaho yang taruih manaruih untuak mampaeloki diri jo untuak barubah ka nan elok. Langkah awal kito pakuaik dulu raso mamiliki perkumpulan atau organisasi ketek yang jadi buhua-buhua urang minang di rantau jo di ranah. Lalu buhua-buhua ketek tu kito sinergikan untuak mambuek buhua atau jaringan yang labiah gadang. Mungkin kalau kito mulai dari kini, kito baru marasukan efeknyo paliang capek 10 tahun nan akan datang. Walau sistem kemasyarakatan Minang memang indak dirancang untuak basatu, dan iduik sakaum-sakaum, sasuku-sasuku dan sanagari-sanagari. Tapi ado hal lain walau ketek tapi kalau dioptimalkan bisa untuak manyatukan kaum, suku jo nagari tu yang pacah-pacah tu. Misalnyo suku-suku di minang...induaknyo hanyo duo yaitu bodi piliang jo bodi caniago...bodi nan duo ko bainduak ka suku malayu..Untuak manyatukan nagari mungkin paralu peran urang sumando dioptimalkan untuak mambuka jalan. Jadi kito paralu labiah mambuka wawasan untuak mancaliak jo manyalasaikan ka masalah yang labiah gadang daripado mahabihkan waktu maribuikan masalah yang ketek-ketek. Untuak mampakuaik silaturahmi mungkin bisa dibuek agenda arisan perantau nan bagiliran di tiok rantau. Lalu sasamo anggota risan tu dibuek ikatan nepotisme nan positif. Misal : Jikok ado rumah perantau minang nan paralu direhab, kito carilah tukangnyo yang urang awak. Kok ado nan paralu manambah instalasi listrik jo aia, kito carilah teknisi atau urang awak, baitu juo kalau ka babalanjo apo sajo, kito prioritaskan dahulu balanjo ka tampek urang awak..kok ndak ado lai baru ka tampek pribumi nan muslim. Jadi ndak usah pulo kito bangga-banggakan kalau kito bisa balanjo ka mall atau hypermarket. Karano dibaliak tagaknyo mall jo hypermarket tu, ribuan pulo dunsanak kito manangih jo kahilangan mato pancarian sarato tampek tingga. Untuak DAMI mungkin paralu team yang bisa mansosialisasikan program ka dunsanak kito parantau di tiok daerah yang bisa mangecek jo bahaso mereka tu. Dek karano ndak sado perantau tu melek jo teknologi informasi do..mungkin untuak tahap awal sosialisasi paliang tapek mamakai bantuan dunsanak-dunsanak kito yang jadi sopir truk jo bus sarato yang acok manggaleh babelok. Dek karano beliau-beliau ko tiok hari bajalan jo acok manampuah rute yang samo, jadi dunsanak kito yang karajo jadi sopir sarato yang manggaleh babelok ko alah mambuek hubuangan batin yang cukuik kuaik jo masyarakat ditampek nan inyo singgahi. Ketek kamungkinan dunsanak sopir jo panggaleh babelok ko beliau ka makan di lua rumah makan Padang.
wassalam Reza -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
