Assalamu'alaikum Wr.Wb.
dek jauh nan dijalang,
bakeh lalu jalan bakelok,
lamo jo lambek kasampai juo,
iyo banyak nan dihadang
sabab karajo dek BABELOK
makono kini baru basuo
Kapado niniak dengan mamak, alim ulama, cadiak pandai palito alam, bundo kanduang, sarato rang mudo, sarapek papekno karapatan RN.
bak pantun diateh, dek karajo namono nan babelok, iyo agak talalai ambo sato, kok imbau nan alun basahuti, kok tapuak alun dapek baleh, rila jo maaf nan bamintak.
lah disimak dari awa sampai akhia, sado nan dihanta disampaikan, rasono :
BAKUHAMPEH urang digalanggang
ambo mancaliak diluano
lah rakuak nan batabang,
sananglah hati mambacono
Tapi samantang pun baitu.
tau dibayang kato sampai
jaleh didahan ka manimpo
dicari kato kamanyalasai
nak sanang hati rang basamo.
Satantangan rundiangan nan katangah tahadok diri ambo, Insyallah
kok barek lai dicubo ka mamikua
kok ringan lai dicubo ka manjinjiang
dibaliak pado itu, karano,
biduak dikayuah mahadang ombak,
layia takambang mahadang angin,
mako,
kok luluh mintak disilami
kok hanyuk minta dipinteh-i
Sakian dari ambo.
Wassalamu'alaikum Wr.Wb.
Bandaro labiah,
karajo usali BABELOK
Yahoo! Messenger - Communicate instantly..."Ping" your friends today! Download Messenger Now
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
