Maa Rangkayo Rahima,
Manganai Asma, barangkali Rangkayo rancak pai ka dokter spesialis. Hal itu mamaralukan penanganan nan serius. Banyak diantaro kito nan malalaikan soal asma ko, tapi itu pantiang karano iko bahubuangan jo soal parnafasan, soal sumber hiduik.
Salanjuiknyo manganai komplain "serpihan-serpihan" nan lain, tampaknyo tanpa disadari Rangkayo Rahima mungkin mamaralukan pulo bakonsultasi jo spesialis di bidang psikologi. Maaf, bukan mukasuik Mak Ngah supayo Rangkay langsuang pai ka Gaduk doh. Tapi, maliek rentetan-rentetan postiang Rahima mangatangahkan soal-soal penderitaan paribadi dari sakik-sakik kapalo, raso dipantak ula, takana ayah, marawat ayah urang lain (male figure), takana kampuang, dsbnyo, tabayang masalahko agak kompleks. Sakadar hint, "ula" biaso dianggap sabagai "phalic symbol", arek hubungannyo dengan seks. Walaupun masalah seks ko masih "tabu" dikatangahkan dalam masyarakat awak, namun iko adolah masalah hiduik nan pantiang. Hubungan seks nan indak mancapai orgasma misalnyo, dapek Mak Ngah ibaratkan jo "basin tagantuang." Muakasuiknyo awak rasonyo ka basin (bersin), iduang lah gata-gata, tapi basinnyo indak sampai kalua. Sabana sakik hati awak deknyo. Kalau hal iko bakatrauiahan tampa disadari macam-macam panyakik lain (saroman "sakik kapalo") dapek marembet-rembet. Rangkayo paralu bantuan dan konsultasi spesialis. Jan dipadiakan manahan soal ko sandirian. Cucua papakan taruih tarang soal-soal ko ka suami, ka dokter dan psikologis.
Nah, dari Mak Ngah nan bukan dokter dan bukan psikologis, Mak Ngah anjurkan agar Rangkayo Rahima agak slow down saketek dalam manghadapi soal-soal sahari hari di Rantau tu. Slow down dalam "mauruih" urang-urang dan masyarakaik di Kairo tu. Toh banyak lai urang-urang nan dapek malakukannyo. Jan sagalo dirabo sajo, bagi-bagi karajo jo urang lain. Agiah kasampatan ka urang lain untuak badikari.
Mancaliak banyaknyo tulisan-tulisan panjang Rangkayo Rahima di Lapau dan mungkin juo di tampek-tempek lain, barangkali rancak juo artikel-artikel panjang tu dislowdownkan juo, dipasingkek, diedit, dikurangi saketek-seketek. Postiang-postiang nan terlalu panjang kadang-kadang dilangkaui dan kurang dibaco urang.
Takana di Mak Ngah Rangkayo Rahima masih tadaftar sabagai Mahasiswa di Al Azhar. Alah salasai program perkuliahan tu atau alun? Kalau alun, sarancaknyo kekuatan manaulihko diarahkan untuak manyalasaikan makalah-makalah nan bahubungan jo akademik di Al Azhar tu sahinggo hari wisuda nan kami tunggu-tunggu baritanyo tu dapek dinikmati dengan kebahagiaan basamo. Mak Ngah doakan Rangkayo Rahima sukses dalam manghadapi masalah-masalah ko.
Salam, -- Mak Ngah
Subject Author Date
Re: [EMAIL PROTECTED] Maaf tanya obat asma. Mohon Doa...dan serpihan2 duk
Assalamualaikum.Wr.Wb. Dunsanak semoga dirahmati Allah. Dulu saya sempat baca a... Rahima
[EMAIL PROTECTED] 1:55 pm
Internal Virus Database is out-of-date. Checked by AVG Anti-Virus. Version: 7.0.300 / Virus Database: 266.7.2 - Release Date: 3/11/2005
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
