Assalamu'alaikum wr.wb.,
Tarimo kasih nyiak. Kan itulah nyiak, di nagari awak ko lai ado potensi, tapi indak bakamehi, indak basiangi. Panorama, tampek katinggian tampek mancaliak alam sakuliliang nan rancak-rancak ko kan iyo banyak bana di nagari awak. Sajak di Puncak Lawang, di Ambun pagi, Sitinjau lauik, etc.etc. Tamasuak pulolah Tabek Patah, atau bahkan Bukik Batanjua awak tu bagai. Atau puncak Gunuang Marapi. Padohal kok dipokok-i saketek, di buek jalan, di segehi, di barasihan, yakin bana ambo, insya Allah laku kasado alahanno tu untuak di jua jadi objek turih.
Itu sajo dulu nyiak. Bahasan nyiak Sunguik pakaro BASO nan kapatang lai di porowaik-an Bandaro ka lapau, alah ambo baco.
Wassalamu'alaikum wr.wb.,
Lembang Alam
Sjamsir Sjarif <[EMAIL PROTECTED]> wrote:
Sjamsir Sjarif <[EMAIL PROTECTED]> wrote:
Tahun 1985 wakatu ambo pulang lai ambo pai ka Sungai Janiah sasudah
baranang di Permandian Banto Laweh [Benta Lawas? :)] mareret-reret pulo ka
Gaduik, Pakan Kamih, Kamang, Kotobaru Salo, taruih mamotong ka Sungai
Janeiah. Di tabek Sungai Janiah tu baranang pulo di sinan di hari nan samo.
Tapi, aia no hijau, lai ambo marembet-rembet baranang kuliliang sampai ka
tapi sabalah ka bukikno ka bawah-bawah rindang kayu tun. Sudah baranang
tu, katu pulang, kulik magurisiak masiak, badan ambo gata-gata. Jadi kok
ado nan kapai baranang ka sinan, jan lupo mambawo lotion, atau ubek baruik
kulik tangka gata. Nan jan lupo, bawo lo lah tungkuih nasi nan sagadang
induak ayam untuak disantuang sudah mandi sinan tu.
Bukik tu Bukik Tanjua namono. Wakatu ketek-ketek dahulu maso Japang ambo
acok ka puncak no. Ado sanduak di sinan panyauak aia no. Kok maminunno jan
lupo jo Tuhan, baco niak elok, panjang umua murah rasaki. Di sinan tampak
daerah Lereng Gunuang Marapi, Canduang, Lasi Ampek Angkek, Banuampu
Sungaipua, Tilatang Kamang. Ka puun sampai sayuik-sayuik sampai ka
Palembayan-Matua. Ka ujuang lapeh pulo pamandangan ka Simarasok, Padang
Tarok, Gunuang Sago jo puncak Bukik Bungsu di Pek Ten. Tapi, nan paliang
jaleh Bukik Bungsu tu tampakdari Panorama Tabek Patah. (Ambo lah panah lo
ka puncak Bukik Bungsu tu sisuak, naiak dari Nagari Taeh, Pek Ten).
PS. Ambo caliak tambahan ambo tantang Baso nan diporowaikkan Angku Bandaro
cuma takirim ka baliau sajo indak ta cc ka Angku Lembang. Kok lah
diporowaikkanno ka Lapau (ambo di Lua Lapau, indak ba cckan kian doh),
mungkin Angku L:embang lah mambacono. Kok indak tolong agiah tahu ambo,
buliah ambo kirim salinanno). Iko pun indak ba cckan ka Lapau doh karano ka
malantun juo. Jadi kok paralu tolonglah porowaikan sajo ka Lapau untuak
dibagi-bagi palamakan ota.
Salam,
--Mak Ngah
St. Lembang Alam
Do you Yahoo!?
SBC Yahoo! DSL - Now only $29.95 per month!
