A iyo tagalak-galak kito kasadonyo mandanga dentuman-dentuman Adiak Urpass
ko. A nan lah nyo makannyo ko?. Basi apo nan nyo makannyo ko?. Kritikan2 jo
sindia2 iyo bana padek! Mambuek sado urang tahanyak! Dek sindia2nyo kadang
melewati batas2 urang lain manyangko bisa berpikiran lain sarupo " Menantang
Syariat Islam" tapi pernyataan sarupo ko ('kok lai buliah maagiah nasihaik')
hati-hati mangatokannyo Diak Urpass, karano bisa-bisa urang lain bapikia
'maaf' jangan-jangan non Muslim.Tapi syukurlah karano Diak Urpass alah
mengklarifikasinyo. Iko iyo sabano Anak Mudo Minang
(Tapi inyo sendiri indak mangaku Minang, tapi urang Pasisie. Pasisie dima
lataknyo Diak Urpass?) nan suko kritikan thd lingkungannyo(Ijan kambang lo
lubang iduang tu). Walau disampaikan jo gaya inyo ibarek tantara yang baru
kalua dari pendidikan (maafkan kalau ado nan Pak Tara disiko)...Karano itu
Diak Urpas pantas diagiah gala ....Parewa/Urang Bagak
RantauNet...he...he..(maaf kok tasiguang lo adiak)...Pasan Ambo ...Agiah
Taruih....! Tapi kurangilah powernyo...sanginiang sajo!
Kini ko mangakulah sia sabananyo Diak Urpass ?
Atau ado dunsanak2 nan tahu.Wassalamualaikum WW -----Original Message----- From: [EMAIL PROTECTED] [mailto:[EMAIL PROTECTED]]On Behalf Of Urpas Sent: 25 Oktober 2001 19:25 To: [EMAIL PROTECTED] Cc: [EMAIL PROTECTED]; [EMAIL PROTECTED]; sutan yahoogroups; [EMAIL PROTECTED] Subject: [RantauNet] Salusin Pas Untuak Dunsanak2 di Surau assalamu'alaikum wr wb; satu- minta ma'o, kalua masuak surau 'ko ndak pernah mambaco salam duo- minta ma'o kalau ado nan tasingguang; bakecek kasa, sombong, tinggi hati, ongeh, dll. tigo- ambo urpas, bisa urang pasa, ado nan mangutuak urang pasiek; padialah, mungkin kadang-kadang iyo agak pasiek, indak bisa berang disabuik urang pasiek do; alah acok disabuik coitu diberbagai forum; ado pulo mangecek tadi ambo ko dajjal; bialah, mudah-mudahan pengorbanan ambo manjadi "dajjal" "pasiek", "gilo" iko ada kontribusinyo ka awak kasadonyo; kok indak bia pulo lah! ampek- ambo indak pernah banieik malawan hukum allah, indak ka malawan; kalau ambo menentang penerapan syariat islam; mayoritas dari dunsanak di siko coitu pulo nampak dek ambo; bataun-taun bapadiakan seh hukum nan balaku 'ko hukum republik indonesia; bataun-taun bapadia kan sajo dunsanak, karabaik, konco-konco nan khilaf salah, indak baterapkan syariat islam do; kawan-kawan nan mancilok, maliang, korupsi di kantua, indak bakarek tangannyo; zinah baserak-serak, urang 'tatngkok' bapadiakan sajo, paliang bakawinkan paso; indak ado nan taniek marajam; artinya dunsanak 'koo MENENTANG rajam; pas ambo basuaro menentang rajam, basorak kasadonyo sarupo nan ta'aik bana kasadoalahnyo; samantaro itu misalnyo, bataun-taun bariba-riba jo bank; alasan karano indak ado alternatif; alah ado bank syariah dari bataun-taun nan lalu, indak sabara incek nan manutuik rekeningnyo do, pindah ka bank syariah; otah seh nan kareh; bara persen di siko ko nan indak bahubuangan jo bank nan riba tu? limo - baa kok idank biadab rajam tu? talapeh iko parintah tuhan atu indak, sampai kini masih diperdebatkan, buktinya MUI, muhammadiyah, nu, dll; seh indak ado manyuruah urang dirajam di siko do; biadab, iyolah kalau matinyo batembak atau bagantuang; tapi bahampok jo batu badarah-darah, sambia tararau-rarau, taruih sampai sayuik suaro padusi tu, sampai pudua angoknyo; baa curitonyo kok indak biadab? baa caritonyo? anam- urang awak ko munafik, tamasuak ambo tantu; adaik basandi syarak, syarak basandi kitabullah; kecek seh nan banyak nyo, pantun, patuah baserak-serak;caliaklah kampuang kito; zinah batebaran di padang, bukiiktinggi, dll.; vcd porno baserak-serak sampai ka palosok-palosok; jaan pulo munafik beristighfar; indak picayo ambo kalau sanak-sanak di surau ko ado nan alun pernah manonton film porno tu; kok iyo saketek bana, tarutamo nan induak-induak mungkin; jadi ndak usah pulo banyak gaya banyak karengkang mangaluah urang kampuang kito banyak nan manonton vcd porno; samo seh kito 'ko nyo; apo pulo pangkaik kito marutuak, mauruik dado vcd porno masuak kampuang, kalau kito juo balaku sarupo? saroman bana jo kawan ambo aktivis islam nan basorak-basorak film-film indonesia banyak baadegan porno, banyak beredar di daerah-daerah; tapi kito di kota ko karajo manonton film porno barat nan labiah parah dari itu; karek talingo ambo, kok ado nan di surau ko, tarutamo nan mudo, nan indak pernah mancaliak situs-situs porno di internet, bakirin-kirim gambar porno jo email; kito 'ko munafik; tapi kalau adao nan salah saketek, nyariang suaro tu kalua kasadonyo; jajok ambo, serius; bagalak-galak indak baparasaan mancaliak vcd urang nan dicilok dan dipamalukan kesalahannyo bazinah; sato basanang-sanang, sato mancacek-cacek, mahukum sakalamak hati jo hinaan dll. indak ado raso ibo jo tenggang; kok iyo banci bana jo kalakuan urang tu musnahkan, jaan ditonton; iko bacari-cari; banyaaaak kalakuannyo nyo nan sarupo nantun; jajok ambo; 'jajap' kecek urang jawa; RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
