Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Assalamualaikum ww Maaf ... maaf ... sato lo ambo sakaciak dih Adolah sorang ustadz Wahid Abdus Salam al Bali saorang ulama di Timur Tengah yang malang melintang dalam pengobatan kesurupan jin dan sihir dengan menggunakan al Qur'an, do'a2 ma'tsur dari Rasulullah dan ruqyah yang tantu sajo caro2 baliau nan mulia ko jauah babezo jo pratik2 dunia timur yang menggunakan jampi2, mantra2 ataupun nan biaso digunakan ditanah jao sebagai "suwuk" disambua jo aia putih nan alah dimantra-i mbah dukun Sabana no kecek urang go eh, dalam hadist rasulullah banyak dijumpai isyarat bahwa caro2 pengobatan menggunakan jampi2 "DIBOLEHKAN" salamo indak mengandung "KEMUSYRIKAN" baa gak ati mamak/dunsanak RN du? Masalah sihir / kesurupan dll ambo anggap sangat penting dibahas dan disebar luaskan karano hal tersebut sangaik banyak tajadi dalam masyarakat, betapa para tukang sihir dan dukun2 jahek barusaho 24 hours/day mancari caro untuk kerusakan demi karandak urang2 nan dangkih agar urang lain sangsaro, dek karano itu lah, lah manjadi kawajiban ulama dan urang2 nan tau untuak manjaleh gan ka masyarakat bahayo jihin dan sihir tersebut dan nan paliang pantiang adolah manyebar luaskan "how to" mambarikan partolongan pengobatan nan syar'i agar penderita indak pai ka dukun atau "orang pintar" atau ahli sihir untuak pengobatan, baa gak ati dek mamak & dunasanak ambo du? Banyak caro nan bisa dijadikan sarana dek tukang sihir / dukun seperti menuliskan ayat al Qur'an yang mulia ini terbalik yang dalam dunia perdukunan disabuik ayat Qulhuallahu sunsang ataupun cara2 keji lain-nya seperti menuliskan ayat2 tuhan dengan najis (maaf seperti tinja, darah haid, cairan senggama dll, masuk ke WC beralaskan Mushaf (al Qur'an), menzinai 99 perawan suci, makan daging mayat manusia, menyembelih hewan dengan nama selain Allah, gasiang tangkurak, meng-guna2i wanita agar mau dengan kita, menulis matera dengan lafaz2 mengandung kekufuran dlsb yang kesemua itu adalah perbuatan2 bersekutu dengan jihin atawa setan laknatullah Allah bersabda "Hai urang2 nan ba-iman, jan lah angkau ikuti langkah2 setan, barang siapo nan ma-ikuti langkah2 setan mako sasunguah no setan itu manyuruah angkau malakukan parbuatan keji dan mungkar" (al Ahqaf:29) Jadi pado hakikatnyo memang ado kesepakatan antaro tukang sihir/dukun jo setan arati no sang dukun akan malakukan parkaro2 kamusrikan baik sacaro sambunyi2 atau tarang2an dan sabaliak no sang setan akan maladeni tukang sihir atawa sang dukun yang tantu sajo agreement tersebut dangan bos nya setan atau katokanlah managing director nya setan dan sataruih no sang komandan jihin go manyuruah anak buah no maladani sang dukun, nan pantiang dek bos ko "batambah juo kawan den ciek lai untuak samo2 tajun tukiak kadalam api narako kelak, huaa. hhaaaa.. haaaaa... haaa ............ kiro co itu bunyi galak 'e (sok teu) Kok kito cari lo dukun nan labiah santiang baa nyeh jo? arati'e sihir dilawan lo jo sihir kan baitu? Rasulullah mangatokan "Nasyrathu min 'amali syaithoon bahwa pengobatan dengan sihir itu adalah perbuatan setan", nan batua no baa? Bahwa pengobatan sihir yang dibolehkan adalah menyingkirkan sihir itu dengan al Qur'an, doa2 dan zikir2 yang DI-SYARIAT-KAN, jadi bahwa pengobatan sihir atawa guna2 dengan sihir pula adalah sama artinya meminta pertolongan kepada setan iko samo juo jo parbuatan nan diharamkan, kan iyo tu mamak2 & sanak R/N? Tuu baa cagho'e tu jo? al Isra': 82 "Dan kami menurunkan dari al Qur'an suatu yang menjadi penawar dan rahmat bagi orang2 yang beriman...." para oelama sapandapek bahwa al Qur'an itu adalah obat atau penawar baik itu untuk penyakit sipiritual maupun fisik sekaligus Menurut Aisyah RA, "telah datang seorang wanita yang sedang diobati dan dibacakan "ruqyah" lalu Rasulullah bersabda pada perempuan itu: "Obatilah dengan kitab Allah" (disahihkan oleh al Albani - as Silsilah as Shahihah 1931 Dalam kesempatan lain Rasulullah ditanya: "Wahai Rasulullah, kami acok lo ma-ruqyah dijaman jahiliyah saisuak, baa tu Rasulullah? Jawek Beliau: Kamukokan lah ruqyah kalian tu kapado ku, indaklah manga2 dangan ruqyah salamo indak barupo kamusyrikan bakisah lo ambo ciek go eh, babarapo tahun nan lalu kutiko jam 1 malam kami dapek interlokal dari etek rang rumah di Padang bahwa anak ambo nan tuo nan sadang kuliah nan kami tompang-kan dirumah etek tu, sadang kasurupan, digambarkan bahwa anak ambo tu lemas sajo indak batanago incek matonyo tabulaliak yang antaro sadar jo indak anak tu manyabuik-an ado jihin nan masuak kadalam tubuahnyo, wakatu tu iyo maramang bulu kuduak kami dek nyo karano anjiang2 disekitar rumah etek kami tu (Jl. Parak Kopi Alai) manggunguang madok karumah etek ambo tu suaro anjiang tu tadanga masuak malalui saluran telpon nan kami tarimo di Duri, tantu sajo kami jadi panik, kamudian kiro2 1/2 jam badariang talipon baliak nan mangabakan anak ambo tu lah pulih kabatulan ado tetangga nan ibuk dosen unand nan urang Kurinci tu lai barisi dan jihin nan masuak kadalam tubuah anak ambo tu lah diusia-nyo (kemudian kutiko ka Padang disabuik-an pengobatan-nyo dengan surah Yaa Siin) menuruik ibuk dosen yang tetangga ko anak ambo dibawah pengawasan-nyo, bahkan pernah kutiko inyo sadang ma-aja dikampus dapek isyarat bahwa anak ambo kasurupan baliak lalu beliau basigageh pulang tingga lah sang mahasiswanyo nan ta-bengong2 Beliau usulkan pai lah ka-kampuang-nyo di Kurinci ado anduang-nyo nan labiah ahli karano manuruik beliau jihin ko masih bisa datang baliak se-waktu2 karano inyo alun ahli bana lai doh, namun dek Kurinci tu jauah kami indak jadi pai, bacari sajo nan lain bahkan ambo pun mancubo dengan caro SN Satria Nusantara hasilnyo samo sajo, kutiko ditembak jo tanago dalam SN jihin'e lari bisuak2 kok raso lah aman we'e masuk lo baliak bahkan juga sabagai anggota "Silat Debus Warih Pusako" ambo mintak pulo kawan2 senior disinan mambantu, namun hasilnyo samo je nyeh, baitu pulo lah ba-cubo pulo ka "urang pandai" baiak di Padang maupun dikampuang di Lubuak Aluang, hasil'e samo je nyeh, nggak tuntas .. tas... taaas.. Lamo juo kami dibuek sibuk dek jihin cilako ko bahkan nan jaleh anak ambo tu istirahat kuliah dan tantu sajo ambo indak bisa mendampingi 24 hours kan harus pai karojo, jihin tu bisa datang sewaktu2 dan ambo paratikan pantangnyo adolah bilo basirobok jo jenazah nan sadang diosong kakuburan bahkan diateh bus dijalan raya yang kebetulan dipinggirnya ado kuburan anak tersebut langsung memperlihatkan gejalanya kesurupan dan kalau ambo lai sadang dakek jo inyo ambo tembak jihin ko jo ayat kursi beberapa kali, Alhamdulillah kadang2 alun salasai ambo baco ayat ko gejala tu pun ilang aratinyo indak jadi jihin tadi masuak doh Tarakhir kutiko kami cuti ka Banduang ado famili manyarankan agar pai ka sorang kiyai yang manuruik kiyai tsb. inyo indak bisa maubek anak ambo ko doh, nan bisa hanyo-lah ibu-nyo sendiri bahkan ambo sendiri pun indak disarankan karano indak mampan kato-nyo, lalu pak kiyai ko mambari petunjuk yang antaro lain nan masih ambo ingek, urang rumah ambo ko harus sumbayang sunat malam dan maniaikan dan mamintak ka Allah salamo 21 hari tak terputus dan mambaco do'a2 yang diambiak dari al Qur'an baitu pulo satiok sudah sumbayang fardhu do'a tersebut dibaco, Alhamdulillah anak ambo tu lah sehat Manuruik anak ambo, inyo kini bisa mancaliak suatu tampek ado jihin atau indak dan manuruik anak ambo tu jihin nan datang ka inyo tu jihin nan jahek-nyo, ado juo urang manyabuik-kan anak ambo ko berbakat untuak di-ikuti jihin, namun ambo bapandapek kalau jihin2 tu bisa dikendalikan dan disuruah masuak Islam kan rancak tu? Sayang kecek anak ambo jihin ko jihin nan jahek-nyo (note: jihin ko ruponyo ado nan jahek ado nan elok sarupo lo jo kito manusia ko ado nan elok ado nan jahek, ado nan cadiak ado pulo jihin nan ongok, kalau jihin jahek tapi ongok kutiko kito tembak jo ayat kursi inyo indak lari doh bahkan inyo batahan didalam tubuah atau suatu tampek katokan lah rumah atau ruangan sampai mati hanguih jadi abu dek ayatul qursi yang hebat itu, kok nan jahek tapi cadiak baru sen ka dibaco ayat qursi we'e lah tabang hambua, putiah tapak'e dek lari, bisuak diulangi-nyo baliak bisa "reffot" kita dong, nah menghadapi jihin yang kayak gini sarancaknyo sang pasien itu yang harus kita dididik hingga bisa me-ruqyah sendiri, insya Allah jihin cilako tu indak katalok gai ma-hampia doh, tapanggang lai ka buliah, insya Allah Sajak kajadian itu ambo stop berlatih SN dan Silat Debus Warih Pusako karano ambo anggap indak bisa manolong kutiko ambo sangat2 mambutuahkan dan Alhamdulillah dari pengalaman pahik tu ambo mengenal dan tertarik mempelajari "Ruqyat" pengobatan secara Islami bahkan kutiko ado lo warga ambo sasamo suku Philiang nan anak gadihnyo kesurupan, walau ambo wakatu alun PD dengan ruqyat ambo tu, ambo ajak juo seorang rekan nan ambo danga lai pandai masalah ko dan ambo paratikan caro pengobatan-nyo namun sacaro diam2 dalam ati ambo baco ba-ulang2 ayat qursi, tanyato Alhamdulillah sang pasien tersebut tibo2 ma-nangih2 ma-ibo madok ka-ambo bukan ka rekan nan dukun nan sadang ma-ubek kamanakan ambo tu, namun samakin inyo ma-ibo2 ka ambo ambo taruih menggumamkan ayatul qursi tu dan akhir-nyo anak gadih tu sadar bantuak linglung sudah nyo takalok namun ka-kawan tu indak ambo sabuik bahaso ambo manembak jihin tu jo ayat qursi PD-Percaya Diri ambo dengan berbekal ruqyat ko batambah, talabiah sasudah menunaikan ibadah Hajji, bahkan kutiko melontar jumrah di Mina ambo anggap ambo melempar jihin nan paliang gadang atau sesepuhnya (sadangkan induak jihin nan batahta lah ambo pungkang jo batu sarato doa melontar, kunun lah anak buahnyo nan di Endonecia tantu harus labiah sogan ka ambo, baa gak ati mamak & sanak R/N du? nggak nyombong cuma PD aja lagi, ehemmm..) begitu pula ketika Wuquf di Arafah dimana dikatakan bahwa satan2 itu merasa sangat terhina karena berjuta2 umat sedang berwuquf kepada Allah SWT dan Allah mem-bangga2kan mereka yang sedang wuquf itu kepada Malaikat2nya, dalam sanubari ambo bahwa mereka yang telah membuat setan2 itu merasa sangat terhina salah satu dari "mereka2" itu adalah ambo si Arman Bahar ko dan ambo pun ber-keyakinan bahwa mereka2 yang di-bangga2 Allah kepada malaikat2 NYA itu salah seorangnya adolah ambo, ini semua menambah PD yang mudah2an ambo terhindar dari raso sombong Namun manuruik pandapek ambo, untuak bisa meraih gelar "pe-ruqyat" kunci-nya adolah taat, insya Allah kalau lai taat, karajokan suruhan jauhi larangan sholat lai luruih apolagi rajin ber-qiyamulail, pabanyak ibadah sunat, insya Allah ruqyat / doa2 nan kito baco bermanfaat Ado babarapo ayat al Quran nan ambo yakini sabagai ruqyat antaro lain: 1. Alfatihah 2. al Baqarah: 1-7 3. al Baqarah: 264-286 4. Ali Imran: 1-9 5. Ali Imran: 18-19 6. an Nissa: 115-121 7. al A'raf: 54-55 8. al Mu'minun: 115-118 9. Yaa Siin: 1-12 10. as Shaffat: 1-10 11. ar Rahman: 1:10 12. al Hasyr: 21-24 13. al Hadid: 1-6 14. al Jin: 1-3 15. al Zalzalah 16. al Qariah 17. al Humazah 18. al Fil 19. al Quraisy 20. al Kafirun 21. al Lahab 22.al Ikhlas 23. al Falaq 24. an Nas Silahkan mamak & sanak hafalkan 24 surah ko, kok dapek sobana lancar dilua kalapo, lalu buktikan, insya Allah Salamaik mancubo note: Setelah babarapo waktu satalah anak ambo sehat ruponyo anak ambo ko iseng2 mangutak ngatik sebuah puisi hinggo bunyi-nyo mirip2 mantera yang isi-nya memanggil jihin penguasa gunuang Marapi, (iko ambo ketahui dari buku catatan nyo nan ambo razia dan ambo konfirmasi ka inyo) patuik lah induak angkang jihin tu indak namuah pai, wong memang di-undang kok, mungkin anak ambo ko iseng2 kreatif yang membawa celaka, mangka-nya ngobatin jadi susah banget kesana kemari wasalam abp -----Original Message----- From: Z Chaniago [mailto:[EMAIL PROTECTED] Sent: Friday, October 10, 2003 1:29 PM To: [EMAIL PROTECTED] Subject: Re: [RantauNet.Com] System Ruqiah ..Pemurtadan ,akibat rasa dengki Assalamu'alaikum WW Okay, terimakasih Uni.... namun bisa ndak diagiah caro-caronyo ? Sedang pertanyaan labiah lanjut tantang Ruqiah akan ambo ajukan InsyaAllah sasudah tanggal 15 Okt 2003 Wassalam Z Chaniago - Palai Rinuak -http://photos.yahoo.com/bada_masiak/ From: Rahima <[EMAIL PROTECTED]> Waalaikumsalam.Wr.Wb. Setahu uni,..Ruqiyah itu ngak punya system dek Z. Begini ada hadist rasulullah SAW mengenai Ruqiyah ini.Dari Hadist Ibn Sirin bahwanya nya ia berkata : "Tidak ada ruqiyah selain dalam tiga perkara " Namlah, ( namimah = mengadu domba ),dan Humah = sakit demam =annafs = jiwa ). Ruqiyah maksudnya adalah meminta perlindungan pada Allah SWT,atas kejahatan. Wassalam. Uni.Rahima. ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ---------------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ========================================