Assallamualaikum, Nyiak Lako, Semoga Nyiak Lako sehat wal'afiat, manolah Nyiak Lako sarato mamak nan basamo, bak carito surau, sambia ma matang matang ari, malakik maurak saha (saum), kaji surau lamo kito ulang ulang taruih, maa tau ado lo feadahnyo.
Mohon Nyiak Lako jo mamak nan basamo tukuak tambahi satantang, "adat di isi limbago dituang' ko, nan taralah kakok 'sia nan ka maisi adat ko dan kamanuang libago ko tantu, Inyiak mamak nan basamo nan ado ditangah rumah , nan samo diateh lapiak nan sahalai, dalam bamufakat , adopun adat nan ka di isi ko tantu 'lah sasuai alua jo patuik sapanjang adat' misano, 1). maisi adat jiko baminatu baru' biasonyo mamak rumah atau tungganai 'maisi' adat ka anak mudo di kampuang/jorong, supayo diajak lo minatu kito ko sato ma'ota di lapau, di tarimo di tapian tampek mandi, samo mamakai labuah nan goloang, pasa nan biaso 2). ma angkek, malewakan panghulu, Nyiak suku, jo pangka tuo, biasonyo sarato pulo jo mangarumahan niniak mamak. 3). mambaia dando, buek parbuatan, jiko ado anak kamanakan nan tadorong, lah manggisia sapanjang adat, 4). Dunsanak baru malakok ka se suku atau suatu kaum, misanyo urang nan ka malakok ko basuku Sikumbang dari nagari lain, lah barumah batanggo dikampuang awak, kurenah lai sasuai jo kito, mako biasonyo 'buliah ditarimo' malakok kasuku nan samo di kampuang, sapanjang mufakat niniak mamak dan 'maisi' sapanjang adat 5) anak pisang, anak ujuang ameh, ma'isi' adat untuak bako/induak bako jiko ado nan kamalangan.maningga di pihak bako/induak bako, supayo rantiang indak sakah, silturahim taruih balanjut 6). turun mandi anak baru lahia, biasonyo bako maisi adat jo /mambao ayam jantan atau cincin ameh untuak anak nan baru lahia, mambagi kebahagian basanang hati manarimo anggota baru dalam suatu kaum dan silturahim kaduo kaum, 7). marubah 'adat nan taradat' atau adat nan biaso dalam kampuang misanyo; bafoto, manyuting jo kamera dalam, rumah gadang sapanjang 'adat nan katangah' dalam parundingan, biasonyo dalam acara 'baradat' nan duduak ditangah rumah lah di susun manuruik adat, niniak mamak, cadiak pandai, alim ulama, anak mudo, bundo kanduang,tantu indak buliah malinteh linteh, dimuko rang nan basamo sapanjang adat, karano di sikolah raso jo pareso, hereang jo gendeang nan tasuo, jadi kalau kamarubah kebiasaan (adat) biasonyo, ma-isi- sapanjang adat, 8).Marubah cupak usali, ba pulo ma isi sapanjang adaik, Untuak manjawabnyo kito minta ka Inyiak Lako, mambarikan Pencerahan, tarimo kasih sabalunyo, Paktuo, sakitu dulu, sambia mairik saha, tarakuak akuak di surau, bari mauih, Wassallam, AZDtRajoAlam, baliakpapan -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.