BK (15) : Asaklah Kaji, Uwai.. Buyuang Koboy, ba 'kinsaruang' , basalempangkan, pulang dari Surau Kampuang Dalam. Abih turun dari Bendi, biasolah, pulang ka tampek bakumpua garah jo genai, tampek batuka aka jo alang, pasa, pasa usang. Liwaik janjang gudang, taceno pulo dek Upiak Leba.. Upiak Leba Onde Tuan Buyuang, alah baganti angek jo dingin, ambun jo rambun, baru ka mancogok Tuan, dikiro alah ilang Tuan dari paredaran Buyuang Koboy Oii Upiak, alah lupo pulo kau yoh. Uaden kan alah kicek kan dulu, Uaden ka mudiak sabanta, mangaja nan tingga. Upiak Leba Apo tu nan tingga Tuan.. Buyuang Koboy Aniang-aniang se dih, jan kicekan lo ka urang, sagan wak. Uaden baraja mangaji baliak di Kampuang Upiak Leba Syukurlah Tuan, kasia Tuan mangaji , A kaji Tuan , kalau baraja mangaji baa kok kapasa Tuan kiniko Buyuang Koboy Uaden sadang 'Pose' kiniko. Uaden mangaji ka Ustad tapi nyo amai-amai, di kampuang dipanggia urang, 'Uwai' . Banyak murik nyo dari Anak-anak sampai Amak-amak. Upiak Leba Tuan kan alah Apak-apak baa kok ikuik mangaji jo Uwai tu pulo, kan indak ado kalaih Apak-Apak ge do kan. Buyuang Koboy Kaji Uadean baru Alif-Ba-Ta baru, samantaro Apak-apak di Kampuang tu alah tamaik dinyo Kaji nan tun, tapaso Uaden dimasuakkan ka kalaih Anak-anak, tapi indak baa doh nan pantiang baraja walau agak talambek. Ciek lai, patang abih ujian untuak naiak kaji, jadi Uaden kini sadang perai baraja, dek co itu lah mako Uaden kamari., kapasa nanko Upiak Leba Baa hasil Ujian Tuan tuh. Naik kaji Tuan kini du.. Buyuang Koboy Itulah di Kau Piak, dek Uwai tuh sanang atinyo ka Uaden, kicek Uwai tu ka Uaden: "Buyuang, kaji nan lalu itu men luh dih di ulang, subaliah makin ebaik Buyuang di Kaji nan kini tu" Upiak Leba Oi Ayoi, Tuan Buyuang, itu indak patando sayang Uwai tu ka Tuan tu doh, tapi kareno Tuan tu nan kurang, kalau kicek urang pasa ongok tumah. Kaji indak barubah-rubah Buyuang Koboy Oiii Alai, Kau nan indak mangarati ko mah, Kaji tuh kalau ka 'Apa' dek di ulang-ulang Upiak Leba (Sambia tagalak sakik paruik si Upiak manyemba). Oi Tuan urang alah mangaji kama-kama, Tuan Alif-Ba-Ta jo baru, kicekan lah ka Uwai tu : Asak lah Kaji li, Uwai.... DYEK Jakarta, 220509
--~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---