Minggu nan lalu ambo singgah ka Toko India di San Jose, California. Tampak urang manjaa Daun Siriah. Ambo bali saampelop plastik ketek, 10 halai, $1.00. Sabab takana maso ketek, tiok ambo makan dadiah jo nasi, Amak ambo manambahkan daun siriah jo bawang irih ka dadieh. Bawang indak jadi masalah di Rantau ambo. Daun siriah, iyo tacongang-congang ambo.
Tibo di rumah, langsuang baguntiang-ketek-ketek guntiang daun siriah sahalai, masuakan ka dadiad, Cottage Cheese namonyo di Rantau ambo. Masuakkan bawang irih. Makan jo nasi angek jo sayua broccoli matah. Ondeh, takana amak nan lah 15 tahun almarhum. Ambo doakan kaamanan roh baliau di Kampuang Akahirat. Sudah tu, ambo caliak-caliak apo lah khasiat daun siriah ko. Banyak websites baiak Indonesai ataupun Malaysia. Salah satunyo dari Depkes sandiri http://www.depkes.go.id/index.php?option=articles&task=viewarticle&artid=27&Itemid=3 Dek lah 7 minggu pagalangan kaki takilik, takana macam-macam Ubek Kampuang. Mancaliak serbagunanyo daun siriah ko, takana di ambo untuak mambuek Teh Siriah. Sabanta ko ambo abuih aia, diguntiang-guntiang ketek daun siriah, dituang jo aia angek ka tehko. Sudah tu dituang ka cangkia ditambah jo manisan labah, madu kecek rang kampuang mintuo ambo. Kini sadang mengetik ko, sadang minum Teh Daun Siriah. antah apolah pulo khasiatnyo indak tahu lah awak. Bialah jadi kelinci surang, guinnea pig Caro Rantau ambo. Nan jaleh lai katuju di ambo. Takana pulo maso di Birmas ari, urang sabana pangunyah siriah sinan, laki-laki padusi. Baa indak panah tapikia dek urang mambuekTeh Daun Siriah ko eeh? Salam, --MakNgah Sjamsir Sjarif --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---